Loading ...Ka ende shumë banorë që janë dëmtuar nga tërmeti i 26 nëntorit të vitit të shkuar që ende nuk e dinë çfarë do bëhet për strehimin e tyre.
Disa prej tyre sot që bëhen fiks 6 muaj nga rënia e tërmetit kanë protestuar para Bashkisë së Durrësit.
“Dihet që në Durrës ndodhi fatkeqësi nga tërmeti. Kërkojmë nga shteti të merren masa për fatin tonë deri tani e kuptojmë çështje pandemie po nuk ka asnjë vendim zyrtar që të merret për pallatin tonë. Ka vetëm akt ekspertimi dhe sugjerime”, thotë një banor.
“Kërkuam dhe 5 ditë më parë takim me kryetaren e Bashkisë po nuk na priti”, thanë ata.
Pas protestës banorët u pritën nga nënkryetari i Bashkisë së Durrësi që ju dha këtë përgjigje.
“Presim nga instituti i ndërtimit aktin e ekspertimit të thelluar dhe do vazhdojmë procedurat për rindërtimin”, tha nënkryetari i Bashkisë.
Veç Durrësit dhe Sukthi u dëmtua shumë nga tërmeti. Abc News vizitoi disa banorë që prej 6 muaj jetojnë në këta kontenierë dhe ata kanë të njëjtin shqetësim.
“Nuk po japim duam a do mbajmë shtëpitë apo do prishen”, tha një tjetër banor.
Kaluan një dimër të vështirë dhe tani po përballen e me motin e nxehtë në kontenier.
“Nuk e duroj dot as të ftohtin as të ngrohtin e kam shumë problem prej kokës”, ankohet një banor tjetër.
“Shih kushtet një metër me një metër. Shih ç’bëhet. 9 vete në një kontenier”, tha një prej banorëve./abcnews.al
