Loading ...
Mediat shtetërore të Iranit raportojnë se komanda ushtarake e vendit ka paralajmëruar se sulmet e saj ndaj anijeve ushtarake amerikane në rajon do të intensifikohen nëse Uashingtoni vazhdon rrethimin detar.
SHBA-të vendosën një bllokadë në portet iraniane pasi Teherani mbylli në mënyrë efektive Ngushticën e Hormuzit, një rrugë ujore e rëndësishme ku kalonte 20% e furnizimit botëror me naftë përpara se të fillonte lufta në fund të shkurtit, shkruan Sky News.
Komanda ushtarake iraniane tha gjithashtu se sulmet e saj mund të zgjerohen nëse Amerika vazhdon “ngacmimin” e anijeve iraniane, raportuan mediat shtetërore.
Më herët. Komanda Qendrore e SHBA-së (CENTCOM) tha se forcat e saj goditën tre transportues iranianë të naftës bruto.
Thuhej se dy ishin “të paaftë përgjithmonë” ndërsa një i tretë ishte “shkatërruar plotësisht”.
CENTCOM tha se sulmet erdhën pasi Trupat e Gardës Revolucionare Islamike (IRGC) të Iranit lëshuan raketa balistike drejt dy anijeve luftarake të Marinës Amerikane që patrullonin ujërat rajonale.
