Menaxhimi i pandemisë është një nga çështjet kryesore që do të ndikojnë në vendimmarrjen e shtetasve amerikanë në këto zgjedhje presidenciale.
Kështu u shpreh për Abc Gani Abazi, ekspert i Shëndetit Publik në Universitetin e Harvardit.
Sipas tij, qeveria amerikane pra administrata Trump u vonua shumë me marrjen e masave parandaluese anti-Covid.
“Qeveria amerikane, administrata Trump, u vonua shumë me marrjen e masave parandaluese. Numri i viktimave në rritje e sipër, ata kanë pasur një qasje, në një farë forme neglizhente…Në tubime nuk ka marrë masa parandaluese, ka qenë kundër maskave. Aty mendohet se është shpërndare sëmundja.”
Sa i përket deklaratave të Trump për mundësinë e shkarkimit të ekspertit Anthony Fauci, Abazi u shpreh se ky i fundit ka qenë politikisht asnjanës.
Abazi shton se Trump thjesht po mundohet të minimizojë impaktin e pandemisë.
“Fauci ka qenë politikisht asnjanës. Ka shërbyer edhe nën presidentin republikan edhe nën ata demokratë. Ai thjesht ka ndjekur shkencën. Trump ka tendence të minimizojë efekt e pandemisë.” s.b/abcnews.al/
