Zëvendësministrja e Jashtme e Ukrainës, Emine Dzheppar, bëri me dije herët në mëngjes se materniteti i Khersonit ishte sulmuar nga bombardimet ruse.
Ajo shtoi se një fëmijë kishte lindur menjëherë para sulmit.
Forcat ruse kanë gjuajtur 33 raketa në objektet civile në qytetin ukrainas Kherson që nga e marta, tha ushtria e Ukrainës, ndërsa luftimet u intensifikuan me Rusinë që vendosi më shumë tanke dhe automjete të blinduara në vijat e frontit.
Giving birth under shelling. #russian terrorists shelled maternity hospital in #Kherson. One of the babies there was born right before the attack. #StandWithUkraine pic.twitter.com/X2AF0re9oA
— Emine Dzheppar (@EmineDzheppar) December 27, 2022
Ukraina ka evakuuar njerëzit që duan të largohen nga qyteti jugor i çliruar së fundmi, Kherson dhe zonat përreth tij, mes dëmtimit të infrastrukturës nga bombardimet ruse.
Në fillim të nëntorit, forcat ruse tërhoqën trupat nga Kherson, kryeqyteti i parë dhe i vetëm rajonal që ata kishin kapur që nga pushtimi i Ukrainës në fund të shkurtit.
