Loading ...
Nga fitorja në fitore, PS nuk velet nga triumfet. Asambleja e PS u mblodh për të bërë analizën, riorganizimin me qëllim zgjerimin e partisë dhe objektivat për të ardhmen.
Për zgjedhjet e 11 majit, doli se Fieri nën drejtimin e Belinda Ballukut ishte qarku kampion që solli fitoren e mandatit të katërt, pasuar nga Elbasani dhe Vlora, kurse Tirana pavarësisht 19 mandateve të marra, mbetet ende një kantier ndërtimi.
“Fieri del qarku më i fortë, por shumica e qarqeve janë mesazh stabiliteti për PS. PS nuk është vetëm forcë e parë, por është forca që organizon terren. Tirana është rezervuari më i madh i votës sonë, kjo e bën Tiranën edhe sfidën më të madhe. Duhet ende shume pune. Lezha për pak vota nuk ia doli të ishte qark fitues, Kukësi dhe Shkodra mbeten territore ku beteja vazhdon.” u shpreh Klosi.
Përpara zgjedhjeve të ardhshme lokale, PS futet në zgjedhje të brendshme, për të rifreskuar strukturat. Klosi caktoi objektivat për zgjerimin e partisë, me focus tek të rinjtë.
“Zgjedhja e strukturave të partisë do të zhvillohet nga 21 marsi deri në 30 qershor, nga sot deri në 16 prill do të jetë njohja dhe analiza e çdo organizate. 4 anëtarë të rinj në çdo organizatë të Partisë Socialiste, 2 shokë dhe 2 shoqe. Do të jetë detyrë takimi me 5 të rinj për çdo qendër votimi në zonat rurale, dhe 10 në qendrat urbane” tha ai.
Megjithatë, mesazhi ishte i qartë. PS fiton jo se bie PD dhe opozitë, por sepse forcohet vetë. Objektivi nuk janë më kundërshtarët, por anëtarësimi në BE.
“Rezultati kombëtar i vitit 2025, 855 mijë e 831 vota për Partinë Socialiste, nuk është vetëm një rezultat matematikor, është një kontratë e ribesuar mes Partisë Socialiste dhe shqiptarëve, diferenca 300 mijë vota me kundërshtarët tanë është një diferencë politike për drejtimin e Shqipërisë. PS nuk fiton se opozita bie, PS fiton se PS zgjerohet, dhe opozita tkurret. Objektivi ynë në këtë mandate është i qartë, rruga drejt BE” vijoi Klosi.
Po ashtu, bazuar tek mbështetja e madhe që Diaspora i dha PS në zgjedhjet e 2025. Socialistët kanë vendosur ti përgjigjen votës së emigrantëve. Duke ngritur struktura të posaccme në tali, Greqi, Gjermani, SHBA, Mbretërinë e Bashkuar dhe Kanada./abcnews.al
