vau i dejes

simoniiii-1280x645.gif
eri Ida09:27 | 29/03/2020

Pas denoncimit të bërë në Abc News nga një familje në Vaun e Dejes, ku 3 anëtarë janë konfimuar pozitiv me covid 19, autoritetet u detyruan ti bëjnë testin edhe anëtarë të tjerë të familjes.

Burime për Abc News bëjnë me dije se tashmë përveç 35 vjeçarit pozitiv me koronavirus ka rezultuar nëna dhe kunata e tij.

Gazetari Simon Shkreli raporton për abcnews.al se kjo është një famije e madhe me 5 djem me 26-27 familjarë. Ndërkohë këtë të dielë pritet që tamponi tu bëhet 6 anëtarëve të familjes nga Vau i Dejës të cilët kanë shfaqur shenja klinike.

Ndërkohë gazetari bën me dije se deri më tani nuk është marrë asnjë masë në lidhje me personelin mjekësor të Poliklinikës në Vaun e Dejës.

Të shtunën ata denoncuar në ABC News dhe rrëfyen se as fëmijëve të 35 vjecarit nuk u është marrë tamponi. Ndërsa theksuan se nuk i është kryer analiza as nipit i tij, që i ka bërë frymëmarrje artificiale kur ende nuk ishte i  konfirmuar me koronavirus. I rëndë është dhe fakti që 35 vjeçari rreth 8 ditë më parë është vizituar në spitalin e Shkodrës dhe ka pasur kontakt me personelin shëndetësor. Sipas burimeve, as këtyre të fundit nuk u është kryer ende testi per Covid-19./abncews.al

fiot.jpg
in a22:20 | 13/02/2020

Një bombul gazi ka shpërthyer në një banesë në fshatin Stajke në Vaun e Dejës duke lënë një person me djegie të rënda. Policia bën me dije se një 62-vjeçar ka mbetur i plagosur me djegie të rënda pasi ka tentuar të shuajë zjarrin në banesën e tij.

Vau i Dejës / Informacion paraprak

Më datë 13.02.2020, rreth orës 20:30, në fshatin Stajke, Vau i Dejës nga pakujdesia ka marrê zjarr bombula e gazit në banesë. Në përpjekje për të shuar zjarrin shtetasi F. L. 62 vjeç, ka pësuar djegie të rënda, i cili po dërgohet për mjekim më të specializuar në Spitalin e Traumës Tirane.

Po kryhen veprimet me grup hetimor për sqarimin e rrethanave të ngjarjes./abcnews.al

prokuroria.png
nev ila18:06 | 16/09/2019

Pas këtij denoncimi të ri të Partisë Demokratike, prokuroria e përgjithshme ka nisur verifikimet për kryetarin e Bashkisë së Vaut të Dejës Mark Babani.

Në një njoftim për mediat, bëhet e ditur se prokuroria e përgjithshme ka kërkuar informacion nga drejtoria e Gjendjes Civile, drejtoria e gjendjes gjyqësore, nga prokuroritë e shkallëve të para e të apeleve, si dhe nga ministria e drejtësisë për kryebashkiakun e Vaut të Dejës.

Në ditët e ardhshme prokuroria e përgjithshme do dërgojë letërporosi për marrje informacioni për Mark Babanin në Itali dhe në Maqedoninë e Veriut./ABC News Albania 24/7

gazemend-bardhi-1280x712.jpg
nev ila15:11 | 16/09/2019

PD pas disa ditësh akuza, tregoi sot një dokument të autoriteteve italiane që sipas saj provon se Mark Babani është arrestuar dhe dëbuar nga vendi fqinj 25 vite më parë. Sipas Gazmend Bardhit, kreu i bashkisë së Vaut të Dejës, është arrestuar për vjedhje makinash.

Kryebashkiaku socialist i Vaut të Dejës, Mark Babani është kryebashkiaku i tretë për të cilin Partia Demokratike kërkon ndërprerje të mandatit. Pasi depozitoi në Prokurori kërkesë për hetim të thelluar dhe priti një reagim nga vendori socialist, sekretari i PD, Gazment Bardhi publikoi dokumentet ku sipas tij, Babani rezulton se është individ me rekorde kriminale.

Për demokratët sigurinë për të deklaruar se është i pastër ligjërisht, kryebashkiakut të Vaut të Dejës ja jep vetë kryeministri Edi Rama. Bardhi kërkoi nga organi i akuzës ta procedojë Babanin edhe për falsifikimin e Formularit të Dekriminalizimit.

Ky është denoncimi i tretë i demokratëve brenda harkut kohor të dy muajve. Nga denoncimet e demokratëve u dorëhoq pa marrë detyrën kryebashkiaku i zgjedhur i PS në Shkodër, Valdrin Pjetri./ABC News Albania 24/7

mark-babani.jpg
ad min11:04 | 10/09/2019

Nuk kanë ndër mend ta lënë ta gëzojë. Mark Babani është kryebashkiaku i tretë socialist që renditet në listën e zezë të Partisë Demokratike. Me një kërkesë drejtuar prokurorisë, Sekretari i Përgjithshëm demokrat kërkon verifikimin e kryebashkiakut të Vaut të Dejës me pretendimin se dyshohet se ka fshehur ndalime, dënime dhe dëbime nga Italia dhe Maqedonia e Veriut.

“Ai dyshohet se ka qenë i arrestuar/ndaluar në Itali gjatë periudhës 1994 -1999 dhe, më pas, ndaj tij është marrë masa e dënimit dhe dëbimit nga autoritetet përgjegjëse italiane. Nga ana tjetër, të dhëna të bëra publike më parë tregojnë se ai ka qenë i arrestuar/ndaluar dhe më pas dënuar edhe në Republikën e Maqedonisë së Veriut gjatë periudhës 2002-2003.”

Asgjë nga këto nuk është deklaruar në formularin e dekriminalizimit vënë në dukje demokratët, sipas të cilëve ai ka treguar vetëm se ka jetuar për 5 vite në Itali.

“Nga verifikimi i të dhënave të sistemit TIMS rezulton se shtetasi Mark Babani nga periudha 1994 – 2005 nuk ka udhëtuar në asnjë rast të vetëm në drejtim të Italisë me identitetin e tij real, çka përbën një indicie për saktësinë e të dhënave të bëra publike më parë.”

Partia Demokratike vë në dijeni Prokurorinë edhe për të paktën 3 identitete të tjera që Mark Babani, nuk i ka deklaruar në formular.

“Në Formularin e Vetëdeklarimit shtetasi Mark Babani ka deklaruar se ka mbajtur identitetin e ndryshuar Mark Ndoc Babaj, i datëlindjes 24.12.1966. Ekzistojnë dyshime të arsyeshme sipas indicieve të bëra publike më parë, se ky shtetas, gjithashtu në mënyrë ilegale ka mbajtur edhe disa identitete të tjera, të padeklaruara në Formularin e Dekriminalizimit, si më poshtë:

  1. Mark Ndoc Babani, i datëlindjes 24.12.1965
  2. Marq Saimir Babaj, i datëlindjes 11.06.1967
  3. Ylli Saimir Babaj, i datëlindjes 02.11.1968”.

Pas dorëzimit të kërkesës në prokurori demokratët presin me padurim një verifikim dhe reagim të shpejtë./ABC News Albania 24/7

e3036a32-fc6e-4ae8-b284-b70951ee3eba-1280x853.jpg
ent ela14:40 | 13/07/2019

Djegien materialeve zgjedhore në KZAZ. N.r 6 në Vaun e Dejës e risjell në vëmendje Partia Demokratike.

“Çdo qytetar kujton se materialet zgjedhore në KZAZ e bashkisë së Vaut të Dejës u dogjën në rrethana të panjohura, sipas një skenari të parapërgatitur nga Edi Rama dhe banda e tij në zonë dhe për pasojë, KQZ me vendimin me nr. 925 të datës 28 qershor, nxori jashtë përdorimit rreth 40 mijë fletë votimi dhe të gjitha materialet zgjedhore, përfshirë, lista apo vulat”.

Këtu nis edhe skandali i tretë i procesit zgjedhor të 30 qershorit deklaron Sekretari i Përgjithshëm i Partisë Demokratike. Në orën 07:00 të mëngjesit të datës 30 qershor, nga KQZ u raportua se, gjithçka ishte ne rregull, fletët e votimit kishin ardhur, materialet zgjedhore gjithashtu, ishin shpërndarë në të gjitha qendrat e votimit në Bashkinë e Vaut të Dejës dhe proçesi i votimit kishte nisur në të gjitha QV e kësaj Bashkie, me përjashtim të kësaj qendre në Vaun e Dejës.

 “E gjitha është një gënjeshtër. Është mashtrim publik, kriminal i KQZ.  Sipas dokumenteve zyrtare rezulton se Fletët e Votimit në orën 07:58 min të datës 30 Qershor kanë qenë ende në Doganën e Hanit të Hotit. Ky është dokumenti zyrtar, i nxjerrë nga sistemi i zhdoganimit të mallrave në Doganën e Hanit të Hotit ku siç rezulton, në orën 8 të mëngjesit, makina që transportonte fletët e votimit ndodhej ende në Doganën e Hanit të Hotit”.

Partia Demokratike kërkon të provojë me këtë dokument se në 8 të mëngjesit jo vetëm nuk kishte në dispozicion KZAZ fletë votimi, por ato ndodheshin në doganë dhe do të duhej që pas zhdoganimit të ndiqnin procesin normal të transportimit të tyre që kërkonte disa orë.

“Nëse në orën 8 të mëngjesit Fletët e Votimit ishin ende në Doganën e Hanit të Hotit, me çfarë fletësh votimi nisi procesi i votimit në orën 7.00? Sa zgjati procedura e dërgimit të tyre në KQZ, marrjes së tyre në dorëzim nga KQZ, nisjes për në KZAZ e Vaut të Dejës, shpërndarjes në çdo Qendër Votimi?”

Nuk është kjo e vetmja shkelje e ligjit deklaron sekretari i përgjithshëm i Partisë Demokratike.

“Një tjetër shkelje flagrante e ligjit është vetë përbërja e KZAZ. Sipas të dhënave zyrtare anëtare e KZAZ e Bashkisë së Vaut të Dejës, ka qenë edhe znj. Listinë Ndoja, e cila rezulton të jetë e punësuar si arkëtare zyre pranë shoqërisë “MARE ADRIATIK” shpk, që sipas dokumenteve zyrtare të QKB-së ka si ortak të vetëm, kandidatin e PS Mark Babani”.

Kjo bie ndesh me nenin 32 të Kodit Zgjedhor vë në duke Partia Demokratike që për të shtangur konfliktin e interesit, nuk lejon që një anëtar i KZAZ-së të jetë në një marrëdhënie pune me ndonjë prej kandidatëve.

“Por akoma më shumë, zonja Lestinë Ndoji, ka qenë edhe vetë, kandidate për Këshillin Bashkiak të Bashkisë së Vaut të Dejës. Një kandidat për Këshillin Bashkiak, nj i punësuar i kandidatit për Kryetar Bashkie, ka menaxhuar procesin e votimit si anëtar i Komisionit Zonal të Administrimit të Zgjedhjeve, në Bashkinë e Vaut të Dejës”.

Gament Bardhi i kërkon gjyqtarëve që ti nënshtrohen ligjit dhe Kushtetutës duke e shpallur të pavlefshme çdo vendimmarrje në KZAZ nr. 6. Jo vetëm kaq por edhe të ndëshkohen të gjithë personat përgjegjës./ABC News Albania 24/7

basha-per-hilen.jpg
ent ela15:01 | 28/06/2019

Hakmarrje personale politike kundër një përfaqësuesi të ligjshëm e shpjegon Lulzim Basha vendimin e kryeministrit Edi Rama për shkarkimin e kryetarit të bashkisë së Vaut të Dejës Zef Hila.

“Nuk ka asnjë motiv dhe asnjë arsye për shkarkimin e tij”, tha Basha.

Zef Hila nuk ka qenë as fizikisht dhe në asnjë mënyrë tjetër i përfshirë në incidentin e Vaut të Dejës sipas kreut demokrat.

“Zef Hila është një burrë i matur, kurajoz dhe me dinjitet. Ai nuk përzihet në planet tinëzare dhe burracake të Edi Ramës kundër njerëzve të pafajshëm. Sepse ajo që ndodhi në Vaun e Dejës ishte një skenar i organizuar nga Edi Rama me Tom Doshin për të krijuar konflikte, për të krijuar përplasje”, u shpreh Basha.

Në sytë e opozitës Edi Rama është një kryeministër që kërkon ta mbajë pushtetin duke flijuar njerëz të pafajshëm. Një plan që do t’i dështojë me sukses garanton Lulzim Basha.

Kryetari i Partisë Demokratike i bën thirrje mbështetësve dhe të gjithë qytetarëve qe të mos bien pre e provokimeve. Fundi politik i kryeministrit Rama është vetëm  një hap larg i siguron ai shqiptarët./ABC News Albania 24/7 

materialet.jpg
ad min12:30 | 28/06/2019

Policia e Shkodrës ka vënë në pranga Alfred Hilën, vëllai i kryetarit të Bashkisë Vau i Dejës për sulmin ndaj KZAZ dhe punonjësve të policisë mbrëmjen e djeshme. Deri më tani ka shkuar në 15 numri i të arrestuarve për incidentin

Njoftimi i policisë 

“Nga Specialistët për Hetimin e Krimit në Komisariatin e Policisë Vau Dejës në këto momente është bërë kapja dhe ndalimi i shtetasit të shpallur në kërkim:

– Alfred Hila, 51 vjeç, vëllai i kryetarit të Bashkisë Vau i Dejës.

Kapja dhe ndalimi I tij u bë pasi më datë 27.06.2019, rreth orës 20:00, së bashku me shtetas të tjerë kanë sulmuar KZAZ duke përdorur sende të forta dhe bomba molotov në drejtim të KZAZ, si dhe në drejtim të punonjësve të policisë, ku për pasojë janë djegur materialet zgjedhore, si dhe janë dëmtuar tre punonjës policie të Komisariatit të Policisë Vau Dejës të planifikuar në shërbim pranë kësaj KZAZ-je.

Vijon puna për kapjen e personave të tjerë të shpallur në kërkim dhe vënien e tyre para përgjegjësisë ligjore.

Materialet procedurale në ngarkim të autorëve të sulmit me bomba molotov dhe djegies së materialeve zgjedhore, i kaluan Prokurorisë pranë Gjykatës së Shkallës së Parë Shkodër, për veprat penale të ‘’Shkatërrimi i pronës me zjarr’’, ’’Kundërshtimi me dhunë i punonjësve të policisë të rendit publik’’ dhe ‘’Dëmtimi i materialeve zgjedhore”, parashikuar nga nenet 151/2, 236/2 dhe 326/a të Kodit Penal”./abcnews.al

KQZ-DT-28.mpg_snapshot_04.04-1280x720.jpg
ent ela11:40 | 28/06/2019

Një ditë pas djegies së KZAZ nr6, në Vaun e Dejës nga simpatizantë të PD, Komisioni Qendror i Zgjedhjeve ndryshoi vendndodhjen e saj. Sipas vendimit ë kësaj të premteje, KZAZ nr 6, do të transferohet në një subjekt privat në hyrjen e qytetit.

Ndërkaq, Komisioni Qëndror i Zgjedhjeve ka kontaktuar me kompaninë Cetis në Slloveni, për zëvendësimin e fletëve të votimit të djegura mbrëmjen e së enjtes në Vaun e Dejës.

Gjatë mbledhjes së radhës, Komisioni Qëndror i Zgjedhjeve miratoi edhe praninë e përfaqësuesve të disa mediave si vëzhgues në zgjedhjet e 30 qershorit. /ABC News Albania 24/7

426749b2-fd69-44db-b601-74d6ed7af377-1280x853.jpg
ent ela10:00 | 28/06/2019

Pas kësaj ngjarjeje, policia e Shtetit ka arrestuar 15 persona, dhe 9 shtetas të tjerë janë shpallur në kërkim. Në mesin e të prangosurve janë funksionarë të bashkisë Vau Dejës apo të zgjedhur lokalë.

Pas sulmit të KZAZ nr.6 në Bushat të Shkodrës, ngjarje kjo mbrëmjen e së enjtes, policia arrestoi 15 persona dhe 9 të tjerë u shpallën në kërkim.

Këto janë pamjet e arrestimit të Admir Hasnegaj, nënkryetar i Bashkisë Vau Dejës, bashkë me funksionarë e drejtues të tjerë të pushtetit vendor.

Aida Hajnaj, zv/ drejtoresha e përgjithshme e Policisë së Shtetit, tha se sulmi ndaj KZAZ nr.6., ndodhi me bomba Molotov dhe sende të forta, ndërsa  të lënduar mbetën edhe 3 efektivë.

Hajnaj kujtoi se dënimi për veprat penale të kryera nga funksionarët e pushtetit vendor në drejtim të KZAZ nr.6 shkojnë deri në 15 vite burg.

“Shkatërrimi i pronës me zjarr’’, ’’Kundërshtimi me dhune i punonjësve të policisë rendit publik’’ dhe ‘’Dëmtimi i materialeve zgjedhor”, parashikuar nga neni 151/2, denimi nga 5 deri në 15 vjet. Neni 236/2 denimi me gjobë, ose burg deri në 7 vjet. Neni 326/a dënimi me burg nga 6 muaj deri ne 5 vjet

Numri 2 i Policisë së Shtetit pohoi se, janë marrë të gjitha masat që procesi zgjedhor i 30 qershorit do të jetë i qetë dhe i sigurt.

“Policia e Shtetit siguron qytetarët se është tërësisht e angazhuar dhe ka marrë të gjitha masat për të garantuar procesin zgjedhor, duke goditur me ashpërsinë e forcës së ligjit çdo individ që përfshihet në aktivitet kriminal”.

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono