varrim

Shqipëria ditët e fundit po përballet me një situatë të pazakontë për shkak panikut për përhapjen e koronavirusit në vendin tonë, ku deri më tani janë konfirmuar 51 raste të prekur dhe një person që ka ndërruar jetë në Durrës. Qeveria në kuadër të mbrojtjes nga përhapja e COVID19 ka marrë masa ekstreme duke pezulluar lëvizjen e lirë në të gjithë vendin, ka mbyllur kufinjtë tokësorë me të gjithë dhe anuluar disa fluturime ajrore. Pjesë e këtyre masave ekstreme janë bërë dhe zhvillimi i ceremonive të ndryshme gëzimi ose hidhërimi në vendin tonë.

Përcjellja për në banesën e fundit është një masë e shtuar në vendin tonë që ka bërë që tashmë këto ceremoni të jenë të kufizuara në pjesëmarrje dhe në kohëzgjarje.

Gazetari Juxhin Mustafaraj raporton për ABC News se pas një kontakti me disa agjensi funerale ka mësuar se tashmë ka një formatim të ri në lidhje me masat e marra dhe nga vetë familjarët në kuadër të parandalimit të përhapjes së koronavirusit.

“Ka një formatim për mënyrën se si bëhet përcjellja për në banesën e fundit e atyre personave që ndërrojnë jetë në këto ditë vetëizolimi. Makinat e vetme janë, ajo e agjensisë funerale dhe një ose dy mjete shoqëruese që janë familjarët më të afërt për të cilët duhet të jenë të pajisur me certifikatën e vdekjes së personit, dhe ceremonia nuk zgjat më shumë se 60 minuta nga shtëpia dhe deri në përcjelljen e tij përfundimtare në varresa. Janë të ndaluar ritualet që shqiptarët e kanë zakon që grumbullohen në një drekë apo në ceremonitë e ditëve të tjera nuk po zhvillohen”, raporton gazetari i ABC News.

Gjithashtu nga kontakti me përfaqësues të agjensisë funerale mësohet se dhe në banesat ku ndodhin fatkeqësitë ceremonitë zhvillohet në mënyrë të kufizuar dhe numri i personave që ngushullojnë familjarët është i pakët. /abcnews.al

Varrimi i një person është një ngjarje e dhimbshme për familjarët dhe të afërmit që e shoqërojnë atë deri në banesën e fundit, megjithatë gjatë një ceremonie në Irlandë të pranishmit ia kanë plasur të qeshurës.

Ata ishin mbledhur për të dërguar në banesën e fundit veteranin e ushtrisë Shay Bradley, i cili kishte ndërruar jetë pak ditë më parë, teksa një moment nga varri filloi të vinte një zë teksa thoshte: “Hej, më nxirrni nga kjo gropë e zezë, ku më keni futur? Wshtë një prit aty sipër, e shoh atë. Unë jam Shay dhe doja t’ju thoja mirupafshim për herë të fundit”.

Nuk bëhet fjalë për një ngjarje që lidhet me forca të mbinatyrshme apo me faktin se burri mund të ishte futur i gjallë në arkivol, por zëri erdhi prej një mesazhi të regjistruar më parë nga i ndjeri duke dashur që t’ia bëjë më te lehtë ikjen e tij të afërmve, raporton Albeu.com.

Para se të ndërronte jetë ai regjistroi këtë zë duke synuar që gjatë ceremonisë së varrimit, të afërmit të qeshnin krahas të qarës që është normale në raste të tilla.

MBULIM-RAMA-REAGIMET-ABC-M1-T2-.mpg_snapshot_00.00-1280x720.jpg

Një ditë pas akteve që shoqëruan ceremoninë mortore të Kaçifas në Bularat kryeministri i Shqipërisë Edi Rama ka reaguar në rrjetet sociale.

Rama shkuran se “sipas kokave të përndezura të politikës greke e kazanëve të atjeshëm, dje i ka hedhur benzinë zjarrit, ndërsa sipas Kadrinjve të politikës e medias paska pranuar në heshtje përdhosjen e vendit! S’ka më mirë se sa i sulmuar nga dy palë që s’i duhen dreqit.” thote kreu i ekzekutivit.

Ndërsa një ditë më parë në përgjigje të kërkesës së disa komentuesve në Facebook për të treguar vlerat tona si komb përballë provokimeve greke kryeministri shprehet;

“Shteti ynë s’lufton as me arkmorte dhe as me provokatore varrimesh. Kush erdhi për të provokuar, hyri, turpëroi veten e flamurin e tij dhe iku. Patriotizmi nuk është të urresh tjetrin e gjuhën e tij, po të duash vendin e gjuhën tënde “– thotë Rama.

Sipas shefit të qeverisë “Shqipëria nuk “flliqet” nga ca të pagdhendur, që jetojnë si hiena e këndojnë si korba! Janë qenie të mjera që përdhosin të vdekurin”.

“Një komb që i ka dhënë shumë njerëzimit; një popull që s’ka qenë e s’mund të jetë kurrë armiku ynë; një vend ku shqiptarët kanë gjetur strehë, njësoj siç kanë gjetur grekët strehë tek ne dhe që edhe ai, si çdo vend, ka taksiratin të ketë derrat e gomerët e vet,”– përfundon reagimin kryeministri Edi Rama./abcnews.al

Për t’i dhënë lamtumirën e fundit ish-deputetit Luan Hajdaraga, Kuvendi organizoi ditën e sotme ceremonialin e homazheve në nder te tij. Pas këtij ceremoniali, familjarë e miq të shumtë e përcollen për në banesën e fundit.

Familjarë, miq dhe kolegë i dhanë lamtumirën e fundit ish-ministrit dhe ish-deputetit të Kuvendit të Shqipërisë, Luan Hajdaraga.

Presidenti i Republikës, Ilir Meta, pas homazheve që u organizuan në sallën e seancave plenare të nderimeve, e quajti momentin e lamtumirës ndaj bashkëpunëtorit të tij të vjetër, jo si të botës reale.

“Kujtimet me të janë kaq të shumta dhe kaq të jashtëzakonshme. Ai ishte kaq mendjehapur dhe po kështu me një sens të lartë humori saqë vërtet për mua do të mbetet gjithmonë i gjallë, i këndshëm dhe një njeri i përkushtuar për të përmbushur përgjegjësitë e tij dhe gjithmonë mjaft miqësor me të gjithë”.

Të tillë e kujton zëvendësin e saj në postin e ministrit të Jashtëm edhe Arta Dade.

I pranishëm në ceremoninë e homazheve ishte edhe kryetari i BDI-së Maqedonasë Ali Ahmeti, i cili në kujtim të ish-ministrit të Mbrojtjes shqiptare Luan Hajdaraga shprehu vlerësimin e tij.

Gjatë ceremonialit morën pjesë ministra të kabinetit dhe deputetë të gjithë kaheve politike.

Në fjalën e rastit, ministrja e Mbrojtjes Olta Xhaçka shprehu hidhërimin dhe humbjen që i sjell të majtës, por edhe gjithë politikës shqiptare ndarja përpara kohe nga jeta e Hajdaragës.

Në përfundim të homazheve, ish-ministri i Mbrojtjes i viteve ‘98–2000, ish-deputeti dhe nënkryetari i Partisë Socialiste, u përcoll për në banesën e fundit./abcnews.al

varrim
Mesazhi i Jarecit

“Vdekje” në kohë virusi, shqiptarët ndryshojnë mënyrën e zhvillimit të ceremonive të varrimit

VIDEO/ Duhej të qanin, por të pranishmit ia plasin të qeshurës gjatë ceremonisë së varrimit

Rama: Shteti ynë s’lufton as me arkmorte dhe as me provokatore varrimesh

Përcillet për në banesën e fundit Luan Hajdaraga

E FUNDIT/ Infektohen me koronavirus 2 zyrtarët e burgut të Rrogozhinës

E konfirmon studimi: Macet mund të infektohen me koronavirus dhe ta transmetojnë

Rama: Po studiojmë mundësinë e përdorimit të kanabisit me leje