shkarkohet

qafe-bote.jpg
eri Ida20:09 | 21/02/2020

Drejtoria e Përgjithshme e Doganave ka vendosur shkarkimin nga detyra të doganierit Arten Ibrahimi, i cili u kap këtë të premte në Qafë Botë, pasi po tentonte të kalonte një sasi droge drejt Greqisë të fshehur në bagazhin e automjetit të tij Toyota.

Ndalimi i Ibrahimit që punonte si doganier në Pikën Kufitare të Tre Urave në Përmet, është bërë pasi tentoi të kalonte drogë drejt vendit fqinj. Policia bën me dije se gjatë kontrollit në makinën e tij tip “Toyota” me targe AA040TY  gjeti 33 pako me 34.55 kilogramë kanabis dhe një armë zjarri tip TT model 54′.

Shkarkohet nga detyra doganieri që u kap me lëndë narkotike

Drejtori i Përgjithshëm i Doganave, Gjon Bardhi, ka reaguar duke i zgjidhur menjëherë marrëdhëniet e punës shtetasit Arten Ibrahimi, me detyrë doganier peshore/Pikë Kontrolli, Zyra e Operacioneve Doganore, Dega Doganore Tre Urat.

Zgjidhja e marrëdhënieve të punës me shtetasin në fjalë u bë pas ndalimit nga Policia të tij në Pikën Kufitare të Qafë Botës, ku në mjetin që ai drejtonte u gjet lëndë narkotike.

Për vetë përgjegjësitë veçanta që ka Dogana Shqiptare konsiderohet shkelje shumë e rëndë kur nga vetë punonjësit e ADSH shkelen ligjet që rregullojnë punën e Doganave Shqiptare, ose që kanë lidhje me të dhe për të cilat janë ngarkuar ti zbatojnë.

Në këto kushte, posedimi i lëndëve narkotike përbën shkelje shumë të rëndë të disiplinës në punë, duke ulur imazhin dhe integritetin e ADSH, cënuar misionin e Doganës në arritjen e standardeve më të larta të etikës në fitimin e besimit të publikut./abcnews.al

sherri-qafzeze.jpg
nev ila18:48 | 13/12/2019

Ndarja e ndihmave për banorët e prekur nga tërmeti i qershorit ka krijuar përplasje mes tyre dhe kryeplakut të fshatit Qafëzezë në Korçë. Banorët akuzojnë kryeplakun për ndarje të padrejtë të ndihmave. Ndërkohë, pas përplasjes me banorët ,ai është shkarkuar nga detyra.

Grushta dhe sharje për një sobë për tu ngrohur. Pamjet e rënda janë xhiruar në Qafëzezë të Korçës. Banorët e dëmtuar nga tërmeti i qershorit kanë dyshime se ndihmat janë dhënë jo sipas nevojës dhe kanë ngritur akuza për kryeplakun.

Ky i fundit pas përleshjes është shkarkuar nga detyra.

Banorët mendojnë se kryeplaku ka bërë përzgjedhje të banorëve bazuar në miqësi dhe jo sipas nevojave. Më tej banorët kanë nisur të rrihen me njëri-tjetrin vetëm për të përfituar një sobë.

Pas pak minutash ka reaguar dhe Kreu i Bashkisë së Kolonjës, Erion Isai që tha se nuk do të komentojë ngjarjen duke e quajtur vulgare.

Më pas u morr vendimi që kryeplaku Ibrahim Osmani të shkarkohet nga detyra./abcnews.al

17d235d5-b76c-4693-bfdb-02a9f27ef9f2.jpg
R D19:57 | 06/12/2019

Drejtoresha e gjimnazit Sami Frashëri në Tiranë është shkarkuar sot nga puna. Lajmi konfirmohet nga burime të sigurta të Abc News.

Burime nga shkolla thanë se znj. Dobi, një ditë pas tërmetit të 26 nëntorit, lejoi nxënësit të hynin në shkollë për të zhvilluar një provim në lenden e gjermanishtesh.

Në kohën kur toka ende dridhej nga pasgoditjet e termetit 6.4 ballësh, drejtoresha mori guximin të çelë dyert e shkollës, duke rrezikuar jeten e nxënësve.

“Sami Frashëri” është një ndër shkollat që ka pësuar dëme të shumta dhe për pasojë është klasifikuar nga inxhinierët “jashtë funksionit”.

Lexo edhe:

U dëmtua nga termeti, vendoset shiriti i sigurisë në gjimnazin “Sami Frashëri”

vrioni-kpk-1280x720.jpg
ger ta12:10 | 22/11/2019

Komisioni i Pavarur i Kualifikimit ka shkarkua nga detyra gjyqtarin e Apelit Durrës, Arben Vrioni.

Gazetarja Glidona Daci bën të ditur për abcnews.al se Vrioni nuk ishte i pranishëm në seancën e sotme.

Gjyqtari eshte pjese e 3 treshes gjykuese për çështjen e Emiljano Shullazit dhe 4 të pandehurve të tjerë.

Në seancën dëgjimore, pasi iu njoftuan të drejtat dhe tha do të mbrohej vetë, pa avokat, gjykatësi Vrioni listoi një sërë kërkesash për trupën gjykuese që po shqyrton rastin e tij.

Vrioni, që ishte rivlerësuar vetëm në kriterin e pasurisë, i kërkoi KPK të rihapë hetimin në dy kriteret e tjera. Ai po ashtu tha para trupës së përbërë nga Firdes Shuli, Alma Faskaj dhe Pamela Qirko, se nuk ishte njohur me rezultatet e një hetimi të dytë mbi pasurinë dhe kërkoi të njihej me to.

Ndërsa kryesuesja kërkoi të fillohej me leximin e raportit të relatorit, Vrioni parashtroi dy kërkesa të tjera. Ai pretendoi fillimisht se duke qenë se ishte me urdhër mbrojtje për shkak të kërcënimit që i është bërë në cilësinë e anëtarit të trupës së Gjykatës së Krimeve të Rënda të Apelit që po shqyrton çështjen ndaj Emiljano Shullazit dhe të tjerëve. Vrioni shtoi se nuk kishte pasur mundësi objektive për tu njohur me materialet shtesë.

Çështja ndaj Shullazit dhe bashkë të pandehurve në Gjykatën e Apelit për Krimet e Rënda  po ashtu është shtyrë disa herë për shkak të kërkesave proceduriale të mbrojtjes. Vrioni po ashtu kërkoi përjashtimin e trupës gjykuese për njëanshmëri. “Me gjithë respektin që kam për Ju”, tha ai duke iu drejtuar trupës ndërsa kërkoi përjashtimin. Vrioni pretendoi se mosnjohja me rezultatet e rihetimit e vendosnin atë në pozita “jo të favorshme”.

Vrioni ka qenë edhe më herët në qendër të vëmendjes. Ai u bë pjesë e një hetimi të Prokurorisë pas vendimit të debatueshëm të një trupe gjyqësore të drejtuar prej tij për lirimin e parakohshshëm të ish-kreut të bandës së Durrësit, Lulzim Berisha.  Hetimi i prokurorisë në këtë çështje u pushua megjithatë pa asnjë rezultat./abcnews.al

shehu.jpg
ger ta11:05 | 08/11/2019

Komisioni i Jashtëm i Vlerësimit shkarkon nga detyra Oltion Shehun, shefi i sektorit të ankesave në SHÇBA.

Shehu ishte zyrtari i parë që u përball me vetingun në radhët e policisë.

Komisioni ka konstatuar probleme në kriterin e pasurisë, pasi Shehu nuk justifikon një shumë prej 1.4 milion lekësh.

Për këtë, zyrtari i SHÇBA tha në seancën dëgjimore se nga viti 1996-2003 ka punuar pa siguracione, në një bingo ku ka pasur detyrën shef salle, banakier por edhe kamarier.

Gjatë kësaj kohë ai pretendon se ka pasur të ardhura të larta për shkak edhe të bakshisheve, të cilat i ka të pa dokumentuara. Po ashtu Shehu pretendoi se nuk ishte në dijeni që gjatë kësaj periudhe ka qenë pa siguracione.

Në “sitën” e vetingut do të kalojnë më shumë se 11 mijë efektivë, ku komisioni do të verifikojë pastërtinë e figurës, aftësitë profesionale dhe të ardhurat e secilit./abcnews.al

 

kqz-shqiperi-1280x712.jpg
nev ila13:38 | 01/11/2019

Nga sot, Agim Kajmaku nuk është më kryebashkiak i Vorës. Komisioni Qendror i Zgjedhjeve, me unanimitet vendosi ndërprerjen e mandatit të tij, pasi prokuroria konfirmoi akuzat e Partisë Demokratike, se Kajmaku kishte fshehur një procedim në Greqi, në vitin 2003 me emrin Jorgo Toto.

Nga ky moment, Agim Kajmaku nuk është më kryebashkiak i Vorës. KQZ i ndërpreu mandatin, 71 ditë, pasi PD e akuzoi se kishte fshehur një procedim penal në Janinë në vitin 2003.

Prokuroria konfirmoi se Kajamaku dhe Toto ishin i njëjti person, e kërkoi ndërprerjen e mandatin, por avokati i qytetarit të parë të Vorës akuzon prokurorinë për hetim të paplotë.

Denar Biba tha se pavarësisht se Kajmaku ka fituar pafajësinë, një vendim i Kuvendit është në fuqi dhe duhet zbatuar.

Pak metra më tutje, Edi Rama nuk pati shumë fjalë për të thënë mbi djegien e të përzgjedhurit të tij për Vorën.

Pasi mori pak kohë, Rama, u divorcua në twitter me Kajmakun.

KQZ ka provuar sot përsëri, se është një institucion i shtetit shqiptar që mbron ligjin dhe interesin publik, jo vegla e vjetër e partive siç ishte deri dje. Po ashtu Partia Socialiste ka riprovuar sot, se s’bëhet strehë e askujt që merr përsipër të shkelë ligjin e besimin tonë”.

Rama, më herë e kishte mbrojtur kryebashkiakun e Vorës, ndërsa tani sheh si meritë të tijën, faktin që KQZ vepron si e pavarur. Kajmaku është “dëshmori” i dytë i dekriminalizimit nga zgjedhjet e 30 qershorit, pas Valdrin Pjetrit. Ndërsa nën hetim ende nga prokuroria është dhe kryebashkiaku i Vaut të Dejës, Mark Babani./abcnews.al

vodaaa.png
nev ila09:41 | 23/10/2019

Ministrja e Shëndetësisë Ogerta Manastirliu ka shkarkuar nga detyra burrin e zv/ministres së brendshme Rovena Voda, Aurel Voda.

Aurel Voda është  drejtor në Fondin e Detyrueshëm të Sigurimit Shëndetësor.

“I patolerueshëm reagimi i dr.Aurel Vodës në profilin e tij në Facebook ndaj disa sulmeve mediatike. Cilatdo qofshin arsyet që e kanë motivuar atë reagim, ai e ka humbur të drejtën të paguhet me taksat e qytetarëve si drejtues në strukturat e sistemit të Ministrisë së Shëndetësisë. Largimi i tij është një mesazh i qartë për të gjithë. Kush s’i duron dot me qytetari sulmet e çfarëdo lloji, nuk mund të jetë pjesë e sistemit tonë“, shkruan ministrja në një status në rrjetet sociale.

Bashkëshorti i zv/ministres Rovena Voda, Aureli u shpreh me një fjalor fyes në rrjetet sociale duke atakuar median.

Më parë ai ishte bërë i “famshëm”, nga dhe ku nisi gjithçka, duke thënë se “nuk i plaste fare k*ri për negociatat”.

 

Ndërsa më pas avancoi duke marrë mbarë të “gjithë ata që ia kanë prishur gjakun këto ditë”.

Ka katër ditë, që qelbanikër të ndryshëm më kanë prishur gjakun. Në 1991 një grup shokësh, në varrezat e vjetra katolike të Shkodrës vendosëm te pagëzoheshim katolikë. Te Dom Zefi, një nga njerëzit më të leçitur të qytetit. Atëherë nuk e besoja se qelbanikër nga të gjitha katakombet mendonin se ishin gazetare. Po iu them se iu shker*ej tanë ropt e shpisë pik. alëve, pik comëve dhe pikë si ta duan. Ato gratë dhe motrat ku ti keni” – shkruajti Voda në statusin e tij në formë reagimi ndaj lajmeve për komentin e tij të bujshëm për negociatat.

Pas gjithë këtij skandali që shkaktoi drejtori Voda, Manastirliu ka vendosur shkarkimin e tij.

 

 

/abcnews.al

 

 

 

rudina-hajdari-1.jpg
nev ila16:11 | 14/10/2019

Grupi parlamentar demokrat, heq nga drejtimi Rudina Hajdarin dhe emëron në krye të grupit Korab Litën. Gjatë ditës së sotme në një mbledhje me anëtarët e opozitës në kuvend, në zyrën e nënkryetarit të Kuvendit, Myslym Murrizi, kanë vendosur që të zgjedhin kryetarin e ri të grupit parlamentar demokrat Korab Litën.

Lita do të zëvendësojë Rudina Hajdarin e cila ka qenë më parë në krye të këtij grupi. Anëtarët nuk kanë njoftuar arsyen e këtij zëvendësimi por përmes një postimi në rrjetet sociale, Lita ka njoftuar këtë ndryshim në kuadër të riorganizimit të brendshëm pa dhënë më tepër detaje.

Anëtarët kanë postuar edhe një foto nga kjo mbledhje ku shihen:

Arlind Çarcani

Halit Valteri

Halil Jakimi

Arben Elezi

Korab Lita

Alban Zeneli

Mylym Murrizi.

Kujtojmë se Korab Lita më herët ka qenë nënkrytar i bashkisë Kamëz.

“Te nderuar miq ,
Grupi Parlamentar Demokrat ne mbledhjen e tij te fundit, ne funksion te organizimit te brendshem beri ndryshim ne drejtimin e grupit.
Personalisht, dua t’ju dergoj nje falenderim kolegeve te mi te Grupit Parlamentar per vleresimin dhe besimin qe me dhane per te drejtuar Grupin Parlamentar Demokrat.

Detyra qe me eshte besuar si Kryetar i Grupit Parlamentar Demokrat une e shoh si nje pergjegjesi e aspak privilegj sidomos ne kete situate politike e institucionale ku ndodhet vendi yne.
Nepermjet jush dua te siguroj koleget, dhe te gjithe qytetaret Shqiptare, qe te gjithe bashke do jemi ne lartesine e duhur per te justifikuar besimin e dhene.
KL.”,
ka njoftuar Lita./abcnews.al

ndini-tavani.jpg
nev ila10:12 | 11/10/2019

Vettingu djeg prokurorin e Prokurorisë së Tiranës Ndini Tavani, kandidat për Strukturën e Posaçme Antikorrupsion. Sipas Komisionit të Pavarur të Kualifikimit Tavani kishte probleme në të tre kriteret e vlerësimit.

Komisioni i Pavarur i Kualifikimit ka shkarkuar nga detyra prokurorin e Prokurorisë së Tiranës Ndini Tavani, kandidatë për Strukturën e Posaçme Antikorrupsion.

Vendimi për prokurorin Tavani nuk është marrë me shumicë votash, pasi një nga anëtarët e trupës gjykuese të përbërë nga Roland Ilia, Alma Faskaj dhe Brunilda Bekteshi ka qenë kundër.

Prokurori Tavani sipas KPK ka pasur probleme në të tre kriteret e rivlerësimit. Për kriterin e pasurisë relatorja Bekteshi u shpreh se prokurori nuk arriti që të justifikojë bindshëm të ardhurat e tij prej 2.5 milionë lekësh të krijuar në kohën kur punonte si avokat.

Drejtoria e Sigurimit të Informacionit të Klasifikuar ka hartuar dy raporte për Ndini Tavanin, duke konstatuar në të dytin papërshtatshmërinë për vazhdimin e detyrës. DSIK ka ngritur dyshime për “shpërdorim detyre” në lidhje me një çështje për hetimin e disa personave për krijim të skemave mashtruese me Tatimin mbi Vlerën e Shtuar.

Për kriterin e aftësive profesionale KPK ka konstatuar problematika në dy prej dosjeve të shortuara. Sipas relatores, një çështje e hetuar nga prokurori Tavani në vitin 2015 ishte pushuar vetëm një ditë pas regjistrimit të procedimit penal.

Këshilli i Lartë i Prokurorisë është shumë pranë ngritjes së SPAK pasi ka 8 kandidatë me vendim të formës së prerë nga të 3 hallkat e Vettingut, ndërsa 7 të tjerë janë në procesin e Vettingut. Kandidatët me vendim të formës së prerë janë: Altin Dumani, Arben Kraja, Klodian Braho, Enkeleda Millonaj, Edvin Kondili, Ened Nakuçi, Elida Kaçkini dhe Behar Dibra, ndërsa pritet që KLP të komandojë edhe dy prokurorë të tjerë pasi Kushtetuta nuk e lejon ngritjes e Strukturës së Posaçme Antikorrupsion me më pak së 10 anëtarë.

Nga kandidatët e përzgjedhur nga KLP kanë mbetur pa u vetuar  Anton Martini, Elisabeta Imeraj, Doloreza Musabelliu dhe Anita Jella të cilës ju shty seanca për shkak të provave të reja nga ONM.  Ndërsa Manjola Kajana dhe Besnik Muçi janë të ankimuar në Kolegjin e Posaçëm të Apelimit.

/abcnews.al

dritan-spahiu.jpg
nev ila15:58 | 01/10/2019

Shkarkohet nga detyra drejtori i kompanisë shtetërore të prodhimit të naftës Albpetrol, Dritan Spahiu dhe në vend të tij emërohet drejtorja e re Eriola Muka.

Ende nuk dihen arsyet e shkarkimit të Spahiut i cili drejtonte Abpetrolin që prej muajit mars të këtij viti, post që më herët mbahej nga Kastriot Bejtaj./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono