Serbia

qumesht.jpg
Autor E10:40 | 04/01/2020

Ka mjaftuar vetëm klima e pozitive e bashkëpunimit Serbi -Shqipëri që artikujt serb të qumështit, miellit, etj., të “pushtojnë” tregjet shqiptare.

Pas importit të miellit me çmim të lirë dy vite më parë, këtë vit kanë vërshuar në tregjet shqiptare 4,6 tonë qumësht bruto nga Serbia për llogari të fabrikave shqiptare.

Prodhuesit bëjnë thirrje se qeveria shqiptare paralelisht me bisedimet për lehtësimin e tregtisë duhet të mendojë të bëjë ekonominë e saj më konkurruese.

Në sfond të bisedimeve për “Minshengin” ballkanik vendi ynë ka nisur të vuajë pasojat në fushën e tregtisë, dhe pse kushtet e lehtësimit tregtar ende nuk kanë ndodhur. Pas vërshimit të miellit serb me çmim të lirë që çoi gati në faliment fabrikat e miellit në Shqipëri më 2017-ën, një kërcënim tjetër ka nisur këtë vit.

Tonelata me qumësht të pasterizuar po importohen nga Serbia dhe shtete të tjera fqinjë për llogari të fabrikave të mëdha të përpunimit të qumështit në vend.

Arsyeja se pse fabrikat shqiptare po importojnë qumështin e papërpunuar nga Rajoni lidhet me çmimin e lirë, sidomos në Serbi, pasi atje subvencionohet i gjithë procesi i prodhimit blegtoral.

Mini-Shengeni, pas miellit, edhe qumështi nga Serbia pushton tregjet shqiptare.

Gjatë nëntëmujorit 2019, importet e qumështit të papërpunuar arritën në 13 mijë tonë sipas të dhënave konfidenciale nga Drejtoria e Përgjithshme e Doganave. Kjo sasi është sa 9 për qind e prodhimit të qumështit, që u grumbullua vitin e kaluar nga fermat shqiptare. Mbi 40 për qind e kësaj sasie u importua nga Serbia.

Më herët, administratorët e fabrikave të përpunimit të qumështit kishin pohuar se, importi i qumështit bruto nga Ballkani është më me leverdi se blerja nga fermerët në tregun vendas. Fabrikat gjithnjë e më shumë po preferojnë të importojnë lëndën e parë, por kjo tendencë do të thotë faliment për blegtorët shqiptarë dhe rënie drastike e fitimeve të tyre.

Ndërsa bizneset prodhuese në vend janë alarmuar nga konkurrenca, që po vjen nga Rajoni, pak ditë më parë në Tiranë u mbajt takimi i tretë i radhës ndërmjet Kryeministrave të Serbisë, Malit të Zi dhe Maqedonisë për krijimin e një zonë “Minishengen” në themel të së cilës do të jetë lehtësimi i tregtisë, duke hequr barrierat doganore për mallrat e shërbime.

Kryeministri i Serbisë Aleksandër Vuçic në konferencën përmbyllëse pas takimit të Tiranës tha se, kishin diskutuar se si të zhvillojmë tregtinë, të lehtësojmë tregtinë e mallrave dhe shërbimeve dhe gjithashtu edhe fluksin e kapitalit të shërbimeve. Gjithashtu Kryeministri Rama tha se vendet janë angazhuar ndër të tjera të lehtësojnë lëvizjen e njerëzve, mallrave dhe shërbimeve, shkruan “Monitor”.

Takimet e tre kryeministrave nuk po zhvillohen nën koordinimin e axhendës së Këshillit të Bashkëpunimit Rajonal, që është edhe institucioni koordinues i nismës së Berlinit për integrimin e Ballkanit Perëndimor, por zonja Majlinda Bregu, Sekretare e Përgjithshme e këtij institucioni, pohoi se mbështet çdo propozim nga vendet e Ballkanit Perëndimor që është konform axhendës rajonale për integrim në BE.

Nikolin Jaka, Kryetari i Dhomë së Tregtisë dhe Industrisë Tiranë tha se nuk ishte i qartë për qëllimin e takimeve në kuadër të Mini Shengenit.

Ai tha se çdo nismë që vjen jashtë kornizës së iniciativës së Berlinit është demagogji dhe nuk i shërben integrimit të vërtetë të Rajonit. Por, para se të negociohet për lehtësim të tregtisë dhe tarifave, qeveria shqiptare duhet të jetë e qartë për të mbrojtur prodhimet e saj sidomos në sektorin e agropërpunimit.

Jaka tha se aktualisht Serbia e subvencionin tërësisht ciklin e prodhimit në bujqësi dhe agropërpunim, teksa kujtoi se qeveria ka akorduar vetëm 4 milionë euro subvencione në bujqësi këtë vit.

Të njëjtin shqetësim ka edhe Arben Shkodra, sekretar i Shoqatës Shqiptare të Prodhuesve, i cili thotë se Serbia i nxit bizneset e veta në strukturën e kostove dhe kjo është një arsye se pse qumështi serb, p.sh është më i liri në rajon.

Ai shton se aktualisht qeveria serbe po harton një dokument për politikat industriale, që synon t’i bëjë industritë e saj më konkurruese. Shkodra thotë se ekonomia shqiptare dhe bizneset janë shumë të pastrukturara nga brenda, ndërsa ata janë shumë më përpara dhe kjo na bën ne humbës, në rast të një hapjeje të mëtejshme të tregtisë.

Zonja Bregu thotë se lehtësimi i tregtisë është një tjetër çështje e rëndësishme e Zonës Ekonomike Rajonale. 43% e eksportuesve e konsiderojnë administrimin doganor dhe procedurat e tregtisë si një barrierë të moderuar ose të madhe. Shpeshherë kamionët presin midis 7 dhe 48 orë në kufij si pasojë e procedurave doganore. Kostoja administrative për eksportet në 6 vendet e Ballkanit perëndimor varion nga 65 dollarë amerikanë në Shqipëri deri në 232 dollarë amerikanë në Kosovë

Pas miellit vërshon qumështi më çmim të lirë nga Serbia

Nga janari në shtator u importuan nga Serbia për llogari të fabrikave shqiptare 4,6 tonë qumësht i pasterizuar, duke zënë 38 për qind të totalit të importeve të qumështit me një vlerë mbi 2 milionë euro. Importues ishin fabrikat më të mëdha në vend, që e përdorën këtë produkt si lëndë të parë.

Produktet e Qumështit përbëjnë edhe kategorinë më sasinë më të lartë të importit në grupin e produkteve bulmetore, me një vlerë totale prej 6.1 milionë eurosh. Peshën kryesore e zë importi i nga Serbia me 38%, nga Italia me 30%, nga Bosnja 11% dhe Maqedonia e Veriut 9.7%.

Çmimet e Qumështit nga vendet e Rajonit Janë shumë më të ulëta krahasimisht me koston e përpunimit të qumështit në vend, duke bërë që industria e përpunimit të qumështit të kërkojë lëndën e parë nga Rajoni, duke ushtruar një konkurrence të fortë për fermerët vendas.

Në vitin 2018 prodhimi i qumështit arriti në 138 mijë tonë, ndërsa këtë vit importet e qumështit ishin 13 mijë tonë deri në shtator ose mbi 8 për qind e totalit.

Sipas të dhënave nga doganat, të përpunuara nga Monitor, qumështi nga Serbia kishte vlerën më të lirë në raport me 15 vende të tjera, nga ku importohet ky produkt. Një kilogram qumësht u faturua me 47 lekë për kilogram, e ndjekur nga Kosova me 57,6 lekë për kilogram, Bosnja me 61 lekë për kilogram, Maqedonia me 62 lekë për kilogram.

Çmimin më të lartë e kishte qumështi i importuar nga Belgjika me 291 lekë për kilogram, Britania me 203 lekë për kilogram, Bullgaria me 178 lekë për kilogram. Importet më çmim ë lartë ishin në sasi të vogla.

Burimet nga tregu pohuan se importet e qumështit nga Serbia kanë pësuar rritje të ndjeshme këtë vit. /monitor

Ademi-Duka-1.jpg
So Nila11:36 | 26/12/2019

Whenever they hear, talk or write about a union of Albania with Kosovo, serbians do not experience it well.

This is also the case in the media world there, which certainly cannot be dismissed as the opinion that nationalist politics and circles they have.

Recently it has been considered a scandal that Kosovo and Albania are considering making a joint Cup, called “Mother Teresa”. The project was made and submitted to UEFA.

The goal is for the winner to go to European competitions.

Kurir, having learned the idea that FFKF and AFF have, has published the news and of course the word SCANDAL in the title is inevitable from them.

The article also published the statement of FKF President Agim Ademi, who also revealed one of the projects that would be warmly embraced by all Albanians. /abcnews.al

edi-rama-minishengeni.jpg
nev ila22:21 | 25/12/2019

Kryeministri Edi Rama ju është përgjigjur kritikëve të projektit të Mini Shengenit Ballkanik, duke thënë se Vucic preferon më mirë që Kosova të mos ketë zë në këtë tryzë, por këmbëngul se qeveria e re e Kosovës do t’i bashkohet nismës.

Rama thotë se në fund kufiri mes Shqipërisë dhe Kosovës do të hiqet dhe Serbia nuk do të ankohet me argumentin e “Shqipërisë së Madhe”

Ditën e Krishtlindjes, Edi Rama e zgjodhi për tu dhënë përgjigje gjithë kritikëve që nuk bien dakord me të për projektin e Minishengenit Ballkanik.

“Ju kam ndjekur me keqardhje në rrekjen tuaj, për të më kryqëzuar si “tradhëtar”, “të shitur”, “bërllog”, madje “qen i keq” e bile edhe “djall” dhe çfarëdo tjetër gjuhës suaj, lëshuar pa fre i ka ardhur për mbarë. Faleminderit!

Si mendoni Ju, “vëllaut tim” serb i pëlqen më shumë që Kosova të vijë në tryezë a të mos vijë? Ju’a them unë që mos lodheni ta mendoni: Të mos vijë fare!

Sepse duke mos ardhur në tryezë Kosova nuk flet dot, nuk dëgjohet dot, nuk ndikon dot dhe as nuk fiton dot asgjë!”

Kryeministri shqiptar e ka një  argument për të gjithë ata që thonë se ky projekt krijon Serbinë e Madhe, duke pretenduar se e kundërta është e vërtetë.

“Deri dje, …, Shqipëria dhe Kosova s’kishin asnjë shans që ta hapnin kufirin mes tyre. Zero! Sot kjo është një mundësi reale pikërisht sepse edhe “vëllau serb”, siç e quani ju Presidentin e Serbisë, …, e ka pranuar lirinë e lëvizjes së njerëzve në rajon si një prej qëllimeve madhore të tryezës. Pa kushte! Që do të thotë se kur ne të hapim kufirin mes Shqipërisë e Kosovës, nuk ngrihet dot as ai dhe as kushdoqoftë tjetër, të verë kujën për rrezikun e “Shqipërisë së madhe””.

Dorën e shtrin për Albin Kurtin nëse do të jetë kryeministri i ri i Kosovës.

“Kur të krijohet qeveria e re e Kosovës dhe të ulemi në tryezë për të vijuar bashkëpunimin, tash po e shihni vetë çka sot po ju’a shpjegoj e rishpjegoj më kot. Dhe kur Kosova, herët a vonë, të ulet nesër njësoj si Shqipëria në atë tryezë, se s’ka kah shkon tjetër përveçse nga e ardhmja, bashkë me Shqipërinë, tash e shohim kush ka të drejtë, unë apo ju”.

Nga ana e tij, Albin Kurti nuk e ka refuzuar pjesëmarrjen në takimin e Minishengenit Ballkanik, por ka thënë se kryeministri shqiptar do të duhej të priste krijimin e qeverisë së re të Kosovës për të ecur përpara me këtë projekt./abcnews.al

9eccc152-9666-4d7e-8c44-290bd943b88d.jpg
Autor E10:08 | 24/12/2019

Deputetja e Lëvizjes Vetëvendosje, Albulena Haxhiu ka komentuar në një intervistës për Abc News, Samitin për mini-shengenin Ballkanik, i cili u bë shkak për deklarata të forta mes Tiranës dhe Prishtinës gjatë javës së shkuar.

Në intervistën dhënë gazetares së Abc News, Linda Karadaku, deputetja e Vetëvendosjes thekson se me këto veprime, Rama është duke rehabilituar Serbinë për krimet që ka kryer në Kosovë si edhe vetë Aleksandër Vuçiçin.

“Rama duhet ta shohë Vuçiçin dhe Serbinë me sytë që e sheh Kosova. Eshtë e pakuptueshme që z.Rama vijon me projektet e tij për rehabilitimin e Vuçiçit dhe Serbisë”, shprehet Haxhiu duke shtuar se gjatë përgatitjes së këtij Samiti në Tiranë, qeveria shqiptare duhej të kishte marrë edhe mendimin e maxhorancës në ardhje në Kosovë.

Haxhiu shprehet se Lëvizja Vetëvendosje ka kundërshtuar që nga fillimi këtë projekt, sipas tyre ai i shkon në favor të Serbisë dhe jo Kosovës, e aq më pak Shqipërisë.

“Prandaj është e pakuptueshme qasja e Kryeministrit Edi Rama. Përmes aktivistëve tanë dhe qëndrës tonë atje kemi kundërshtuar ardhjen e Vuçiçit në Shqipëri, sepse kemi parë që padrejtësisht kryeministri Rama po reahabiliton figurën e Vuçiçit dhe Serbisë në rajon, por edhe kudo”, shprehet Haxhiu.

“Nga ana tjetër po flitet për një person që ka patur një rol të demshëm gjatë luftës në Kosovës. Ai ka qenë krah i regjimit të Millosheviçit. Përkundër genocidit në Kosovë, Serbia nuk ka kërkuar asnjëherë falje ndaj Republikes së Kosovë dhe nuk i dorëzon kriminelët e luftës. Serbia vazhdon ta pengojë funksionimin e Republikës së Kosovës nga brenda. Ka një mekanizëm atje siç është Lista Serbe. Këtë e bën edhe nga jashtë përmes lobimeve për tërheqjen e njohjeve të Republikës së Kosovës.

Prandaj themi që z.Rama duhet ta shohë Vuçiçin dhe Serbinë me sytë që e sheh Kosova. Eshtë e pakuptueshme që z.Rama vijon me projektet e tij për reahabilitimin e Vuçiçit dhe Serbisë”, shprehet ajo.

“Ju e dini që në Kosovë ka patur edhe projekte të tilla të dëmshëm që fuqizonin Serbinë, por ne jemi ngritur, kemi protestuar dhe nuk kemi lejuar jetësimin e atyre projekteve.

Është e padrejtë që Kosova nuk përfshihet në këtë dhe ka arsye të mjaftueshme për të mos u përfshirë në të. Tendenca për të patur takime të tilla me një rezistencë të Kosovës është e pamjaftueshme. Ne jemi duke ngritur qeverinë e re dhe z.Rama duhej që të merrte edhe mendimin e qeverisë në ardhje të Kosovës dhe jo të vepronte me kokën e tij. Qasja e tij është jashtëzakonisht destruktive dhe të vjen keq.

Nëse do të kishte vullnet, ai mund të ndikonte në qasjen ndryshe të Serbisë për Republikën e Kosovën, genocidin dhe krimeve të bëra atje.

Fatkeqësisht nuk e bëri një gjë të tillë dhe siç të thashë kjo është për të ardhur keq”, shprehet më tej Albulena Haxhiu.

/abcnews.al

meta.jpeg
R D12:06 | 22/12/2019

Në Tiranë u zhvillua samiti i tretë i mini-shengenit ballkanik me pjesëmarrjen e 4 shteteve, Shqipëri, Serbi, Maqedonia e Veriut dhe Mali i Zi. Kundër kësaj nisme janë Kosova dhe Bosnje Hercegovina që kanë bojkotuar samitin. Sakaq ky samit nuk ka as mbështetjen e faktorit politik në Shqipëri. Presidenti i vendit Ilir Meta ka thënë se kur një platformë rajonale nuk është gjithëpërfshirëse, nuk vlen. “Iniciativa që ndihmojnë bashkëpunimin tonë janë gjithmonë të mirëpritura, por jo duke provokuar debate të panevojshme, duke u përpjekur për të margjinalizuar dikë ose një vend, apo t’i japësh protagonizëm dikujt tjetër”, është shprehur ai për televizionin boshnjak “O Kanal”. Ai gjithashtu ka kërkuar që Serbia të ndalojë fushatën kundër integrimit të Kosovës në nismat rajonale ose institucionet ndërkombëtare, siç është  anëtarësimi në Interpol.

Intervista e plotë

Gazetari: Faleminderit zoti President për këtë intervistë. Unë e di se jeni në një gjendje emergjente në vendin tuaj, Shqipëri. Të gjithë e dimë numrin e viktimave. Me 51 viktima dhe shumë ndërtesa që u rrëzuan si do ecet përpara pas tërmetit?

Presidenti Meta: Më duhet t’ju falënderoj shumë për interesimin për Shqipërinë, dhe për zhvillimet e fundit në lidhje me tërmetin e tmerrshëm që goditi vendin tonë më 26 nëntor. Siç e thatë ju ishte shumë tragjik. 51 shqiptarë humbën jetën, shumë të tjerë u plagosën dhe shumë ndërtesa u rrënuan, shumë të tjera u dëmtuan dhe mijëra njerëz presin me padurim për t’u integruar në jetën e tyre normale, e cila do të marrë kohë.

Për momentin jemi përqëndruar në sigurimin e strehimit dhe shërbimeve të tjera të domosdoshme për të gjithë njerëzit, që nuk mund të kthehen në shtëpitë e tyre. Në të njëjtën kohë, ne jemi duke matur dhe llogaritur dëmet dhe nivelin e tyre, për sigurinë e shtëpive dhe ndërtesave, dhe shumë shpejt do të kemi një plan veprimi konkret për rindërtimin dhe rikuperimin e të gjitha pasojave nga ky tërmet.

Dua të falënderoj të gjithë bashkësinë ndërkombëtare. Të gjitha vendet e rajonit, përfshirë Bosnjë-Hercegovinën, për solidaritetin e tyre, dhe mbështetjen për këtë tërmet.

Ky tërmet i tmerrshëm në Shqipëri tregon se sa e rëndësishme është puna dhe bashkëpunimi në nivel global dhe rajonal. Të gjitha vendet e rajonit duhet të jenë të vetëdijshme se gjithnjë e më shumë na duhet të përballemi me pasoja jo vetëm të tërmeteve, por edhe të përmbytjeve dhe fatkeqësive të tjera natyrore, ndaj duhet ta forcojmë bashkëpunimin se është e vështirë të kemi dikë që vjen më herët në ndihmë sesa vendet fqinje.

Gazetari: A jeni i kënaqur nga reagimi i qeverisë suaj këtu në Shqipëri pas tërmetit, si edhe i institucioneve të tjera këtu në Shqipëri?

Presidenti Meta: Të gjitha institucionet janë angazhuar menjëherë të përballen me pasojat dhe ato vazhdojnë të përmirësojnë mekanizmat e përballimit të këtyre pasojave. Shqipëria nuk është goditur nga një tërmet kaq shkatërrues prej një kohe të gjatë, por gjithashtu kemi parë dobësitë tona dhe besoj kemi nxjerrë mësimet e duhura se si t’i përmirësojmë ato në të ardhmen.
Ne jemi shumë të kënaqur me reagimin ndërkombëtar. Me reagimin e Kosovës, Maqedonisë Veriore, Serbisë, vendit tuaj, Malit të Zi, Kroacisë dhe vendeve të tjera të rajonit që u përgjigjën menjëherë, erdhën këtu dhe ofruan ekspertizën e tyre.

Gazetari: Ju thatë që llogaritjet janë në proces, llogaritjet e dëmeve, a ka ndonjë shifër se sa para i duhen Shqipërisë për të filluar rikuperimin, të filloni ndërtimin e shtëpive?

Presidenti Meta: Kjo do të vijë pas vlerësimit teknik sepse ne jemi në proces verifikimi, që është ende në vazhdim, dhe ka kategori të ndryshme të dëmeve dhe ndërhyrjeve që janë të nevojshme për rikuperimin e gjithë këtyre pasojave.
Sigurisht që ka një dëm të madh, por para së gjithash ata janë të përkushtuar të ndajnë burimet financiare vendase dhe gjithashtu të kërkojnë mbështetjen ndërkombëtare duke qenë se japin vlerësime shumë të besueshme dhe serioze.

Gazetari:Ka nisur një iniciativë së fundmi për një Mini-Shengen midis Shqipërisë, Serbisë, Maqedonisë së Veriut, Malit të Zi dhe Bosnjë-Hercegovinës. A është kjo një mënyrë për të pasur bashkëpunim më të mirë në rajonin e Ballkanit apo jemi më mirë me marrëveshje të tipit CEFTA? Ka opinione nga më të ndryshmet…

Presidenti Meta: Ne kemi kaq shumë platforma rajonale bashkëpunimi.
Çdo platformë rajonale bashkëpunimi, që është gjithëpërfshirëse, është e mirëpritur. Kjo duhet të ishte një parakusht për të promovuar dhe konsideruar iniciativa rajonale premtuese dhe të dobishme.

Iniciativa që ndihmojnë bashkëpunimin tonë janë gjithmonë të mirëpritura, por jo duke provokuar debate të panevojshme, duke u përpjekur për të margjinalizuar dikë ose një vend, apo t’i japësh protagonizëm dikujt tjetër.
Vetëm partneriteti dhe gjithëpërfshirja mund të rrisë besimin mes vendeve, mes njerëzve dhe mund të reduktojë dhe eliminojë të gjitha barrierat, qofshin ato legale, administrative apo burokratike në rajonin tonë.

Gazetari: Ju besoj se i njihni marrëdhëniet mes Serbisë dhe Bosnjë-Hercegovinës. Si do ta komentoni marrëdhënien midis këtyre dy vendeve, por tani edhe shtetit të ri të Kosovës?

Presidenti Meta: Kam bërë maksimumin në karrierën time politike për të promovuar marrëdhëniet mes të gjitha vendeve në rajon, përfshirë edhe Serbinë.

Kam qenë Kryeministrii parë i Shqipërisë, që kam takuar asokohe ish-Kryeministrin e ndjerë, Zoran Gjingjiç në përpjekje për të krijuar një epokë të re marrëdhëniesh mes Serbisë dhe Shqipërisë, por në përgjithësi mes shqiptarëve dhe serbëve.

Gjithashtu, edhe në lidhje me Bosnjën kam bërë maksimumin tim në pozicionet e mëparshme që kam pasur si Kryeministër, Ministër i Jashtëm, Kryetar i Kuvendit dhe tani si President. E shikoj Bosnjën si një vend me rëndësi të veçantë për stabilitetin dhe besueshmërinë e të gjithë rajonit.

Ne e dimë që ka disa vështirësi, por ne shpresojmë dhe lutemi që këto vështirësi do të tejkalohen me maturinë e liderëve të vendit tuaj, sepse ka vetëm një rrugë për të gjithë qytetarët e Bosnjës, që të lihet pas një herë e mirë e shkuara e hidhur dhe kjo është bashkëjetesa dhe harmonia midis të gjithë atyre që jetojnë në Bosnjë-Hercegovinë, integrimi europian, dhe gjithashtu të pasurit marrëdhënie të shkëlqyera me të gjitha vendet tuaja fqinje si Serbia, Kroacia dhe Mali i Zi.

Në këtë drejtim, ne nuk mendojmë se jemi larg Bosnjës dhe ne mezi presim të përmirësojmë infrastrukturën.

Shpresojmë gjithashtu vendosjen e lidhjes ajrore direkte në mënyrë që të forcojmë marrëdhëniet tona në të ardhmen dhe të përfitojmë sa më shumë të jetë e mundur nga ky bashkëpunim dypalësh.

Gazetari: Një problem tjetër në rajon është taksa e Kosovës ndaj Serbisë dhe Bosnjë-Hercegovinës. Cili është mendimi juaj, kjo taksë duhet të qëndrojë apo duhet të hiqet?

Presidenti Meta: Kur ata vendosën të vinin taksën nuk më pyetën, por unë nuk jam pro shtimit të barrierave në marrëdhëniet midis vendeve në rajon, sepse e ardhmja duhet të jetë bashkëpunim i hapur dhe pa kufij dhe pa pengesa.
Ne të gjithë synojmë të bëhemi pjesë e Bashkimit Europian. Ndaj shpresoj që Kosova të shqyrtojë sa më shpejt që të jetë e mundur mundësinë e përmirësimit të mëtejshëm të tregtisë dhe marrëdhënieve të përgjithshme, jo vetëm me Bosnjën, por edhe me Serbinë. Kjo do të ishte shumë e dobishme.

Gjithashtu nga ana tjetër, Serbia duhet të ndalojë këtë fushatë kundër integrimit të Kosovës në nismat rajonale ose institucionet ndërkombëtare. Siç është edhe për shembull anëtarësimi në Interpol.

Të gjithë në rajon janë të vetëdijshëm se krimi i organizuar është një nga problemet kryesore në të gjitha vendet tona dhe anëtarësimi i Kosovës në Interpol ndihmon bashkëpunimin, jo vetëm të Kosovës me Interpolin, por për të gjithë rajonin është një kontribut për të luftuar krimin e organizuar nga ky rajon.

Nuk e kuptoj pse Serbia do të merrte një pozicion të tillë, sipas meje, jo shumë të arsyeshëm dhe aspak konstruktiv.

Sidoqoftë, unë besoj në dialog, në partneritet dhe shpresoj që së shpejti palët të ulen në tryezën e dialogut dhe ne jemi fuqishëm pro normalizimit të plotë të marrëdhënieve mes Kosovës dhe Serbisë.

Gazetari: Ne e nisëm këtë bisedë me një pyetje në lidhje me tërmetin dhe dëshiroj të përfundoj po me një pyetje në lidhje me tërmetin. A ka ndonjë informacion në lidhje me mundësinë për të pasur një tërmet tjetër?

Presidenti Meta: Unë nuk jam shkencëtar, por do të isha shumë i kujdesshëm për rrezikun e tërmeteve në Shqipëri dhe rajon, sepse nëse ndjekim me vëmendje të gjitha këto zhvillime dhe këtë frekuencë të tërmeteve në vendet e tjera si Greqia, Italia, etj. Bosnja, etj., është e qartë se jemi në një zonë shumë të ndjeshme.

Unë kam studiuar për ekonomi dhe një nga lëndët kryesore të studimit të ekonomisë është statistika dhe probabiliteti. Në bazë të kësaj, ne duhet të jemi gjithmonë të përgatitur për t’u përballur me një emergjencë të tillë civile, sepse nuk mund ta parashikojmë saktësisht, por duhet të jemi përgjegjës dhe vizionarë.

Asnjëherë nuk dëshirojmë që të ndodhë në asnjë vend të botës, por nëse ndodh duhet të jemi të gatshëm të përballemi me të gjitha pasojat, sepse përgjegjësia e liderëve nuk është të qahen në momente të tilla, por të udhëheqin dhe të komandojnë këtë operacion. Të inkurajojnë, t’u japin shpresë njerëzve, duke pasur gjithmonë ekipe shumë profesionale të shpëtimit dhe reagim shumë të mirë-organizuar dhe të centralizuar në raste të tilla.

/abcnews.al

C726CB77-E63D-44BC-9B15-9FAD5BD00D81_w1023_r1_s.jpg
nev ila21:53 | 07/12/2019

Presidenti i Serbisë, Aleksandër Vuçiç, inspektoi të premten pranimin e helikopterëve të rinj të forcave serbe, përfshirë edhe katër helikopterë rusë Mi-35.

Në një ceremoni në bazën ajrore në Beograd, ai falënderoi Rusinë për mbështetjen ndërsa lavdëroi helikopterët Mi-35 që sipas tij “nuk kanë asnjë rival në botë”.

Armatosja e Serbisë nga Rusia ka nxitur shqetësime në perëndim dhe në vendet fqinje të rajonit që ende po ripërtërihet nga luftërat e përgjakshme të viteve të 90-ta.

Serbia, ushtria e së cilës bazohet në teknologjinë e armëve ish-sovjetike, ka siguruar nga Rusia vitet e fundit avionë luftarakë MiG-29 si dhe helikopterë, tanke dhe transportues të blinduar.

Ajo aspiron anëtarësimin në Bashkimin Evropian, por ruan lidhjet e ngushta me Rusinë dhe ka refuzuar t’u bashkohet sanksioneve ndërkombëtare kundër saj për shkak të konfliktit në Ukrainë.

Ajo është zotuar se do të qëndrojë jashtë NATO-s, një synim ky i Rusisë e cila nuk e sheh me sy të mirë zgjerimin e aleancës ushtarake perëndimore në Ballkan.

Serbia është mbështetur tek Rusia në refuzimin e saj të vazhdueshëm për të njohur pavarësinë e Kosovës, e cila shpalli shtetësinë më 2008, nëntë vjet pas përfundimit të luftës me ndërhyrjen e NATO-s që u dha fund mizorive të forcave serbe kundër shqiptarëve.

Serbia gjithashtu varet tek Rusia për furnizimet me gaz natyror dhe kompania më e madhe lokale e naftës, është në pjesën më të madhe në pronësi të Gazpromit rus./VOA

dhoma-e-tregtise-serbe.jpg
nev ila00:18 | 30/11/2019

Solidarizimi me shqiptarët e prekur nga tërmeti nuk njeh kombësi, e as ndasi. Një përfaqësues i Dhomës Serbe të Tregtisë ka ndërmarrë një fushatë për grumbullimin e fondeve në mbështetje të Shqipërisë. 

Ndjeshmëria e tij për këtë ngjarjeje lidhet edhe me faktin se natën e lëkundjeve të forta sizmike, Alleksandar Radovanovic, ndodhej pikërisht në Shqipëri.

Udhëtimi për në Tiranë për, Alleksandar Radovanovic, kishte qenë një gje e zakonshme biznesi. Për lidhjet ekonomike përfaqësonte Dhomën e Tregtisë së Serbisë nga zyra për rajonin.

Por, në mbrëmje agjenda e tij kishte ndryshuar. I gjendur në një kat të lartë në një hotel në qendër të kryeqytetit shqiptar, ai kishte menduar se godina po lëvizte 3-4 metra para mbrapa.. Ende i duket e pabesueshme dhe nuk i beson ekuilibrit.

“Në ato momente nuk kishe kohë as të kishe frikë dhe e vetmja gjë që mendoja ishte se sa I fuqishëm do të ishte. Filoi të biente cdo gjë dhe të tundej dhoma. Mendoja vetëm nëse do ta qëndronte apo jo objekti. Pastaj kam marrë shumë kisha thirrje pafund pasi e dinin se isha në Tiranë. Mediat filluan të raportonin dhe kam dhënë qindra komente për gjendjen. Ende më duket sikur dicka më dridhë”, tha Alleksandar Radovanovic nga Dhoma e Tregtisë së Serbisë.

Tani Radovanovic i ka duart plotë punë pasi me të kthyer ka nisur fushatën për grumbullimin e fondeve në mbështetje të Shqipërisë. Dhoma e tregtisë së Serbisë aktivizoj shumicën e dhomave të rajonit dhe tani kanë kërkuar nga 10 mijë biznese vetëm në Serbi që të japin donacione.

Ka patur një interesim shumë të madh dhe solidaritet nga qytetarët e Serbisë, mediat dhe bizneset për këtë situatë dhe duan të ndihmojnë”, tha ai.

Shtypi serb ka qenë i fokusuar tek cështja e termetit. Kësaj radhe duket se janë harruar inatet e vjetra.

Millica Antic, me kolegët janë një nga grumbulluesit e fondeve për Shqipërinë. Përvec gjërave të ndryshme organizata ku ajo punon ka inicuar në Serbi fushatë donacionesh në internet.

“Unë besoj se ka shumë njerëz me zemër të mirë dhe mund të lidhen dhe ndjejnë dhimbjen e njerëzve atje. Natyrisht gjithmonë ka edhe njerëz të keqij dhe komente, por ne besojmë ne jemi të orientuar drejt atyre që e kuptojnë se tragjedia është e njëjtë pavarësisht se ku ndodh ajo”, tha Millica Antic nga Organizata “Gradjanske Iniciative”.

Përveç Luginës së Preshevës ku janë bërë dhjetra pika të grumbullimit të ndihmave, në kryeqytetin serb janë aktivizuar disa pika në organizime të ndryshme./abcnews.al

 

matixc.jpg
Vladimir Prenga14:45 | 27/11/2019

Shqipëria ka kaluar një ditë të vështirë një ditë më parë, për shkak të një tërmeti që shkaktoi viktima, të plagosur dhe shumë dëme materiale. Personalitete nga të gjithë fushat janë solidarizuar me të prekurit nga tërmeti, ndërkohë që në rrjetet sociale kanë qenë të shumtë futbollistët që kanë bërë postime mbështetëse.

Veç lojtarëve të kombëtares, atyre të huaj që kanë luajtur në Shqipëri dhe luajnë akoma, ka edhe emra si Granit Xhaka dhe Xherdan Shaqiri që nuk e harrojnë origjinën, edhe pse kanë zgjedhur të përfaqësojnë Zvicrën.

Supriza është një futbollist serb, mesfushori Nemanja Matic i Manchester United. Pas tërmetit në Shqipëri, ai ka publikuar një mesazh të mbështetjes në rrjete sociale. Në llogarinë e tij në “Instagram” ai ka shkruar në anglisht: “Lutemi për Shqipërinë”. /abcnews.al

KOSOVE-SERBI-1280x720.jpg
ent ela15:29 | 25/11/2019

Parlamenti serb pritet të shqyrtojë një strategji mbrojtëse, e cila do të përfshijë një dispozitë që parashikon se kërcënimi i sigurisë së serbëve që jetojnë jashtë kufijve të Serbisë, nënkupton se rrezikohet automatikisht siguria e vetë Serbisë. Ministri serb i Mbrojtjes Vulin tha se shteti serb tani është mjaft i fortë për të mbrojtur njerëzit e tij.

Ministri serb i Mbrojtjes Aleksandar Vulin deklaroi se së shpejti në Parlamentin serb do të paraqitet një strategji mbrojtëse, e cila do të përfshijë, ndër të tjera, një dispozitë që parashikon se kërcënimi i sigurisë së serbëve që jetojnë jashtë kufirit nënkupton se rrezikohet automatikisht siguria e Serbisë. Vulin i tha Radio Beogradit se shteti serb tani është mjaft i fortë për të mbrojtur njerëzit e tij, dhe shtoi se një Serbi e fuqishme është gjithashtu garantuese e paqes në Ballkan.

Ky ligj përbën një sinjal “lufte” të Beogradit me Kosovën, ku politika zyrtare serbe i mëshon fort tezës se serbët e Kosovës ndihen të kërcënuar në territorin e Kosovës. Këto zhvillime në Serbi ndodhin ndërkohë që Shtetet e Bashkuara dhe vendet e mëdha evropiane po përpiqen të ndihmojnë në arritjen e një marrëveshje përfundimtare Kosovë-Serbi. Po kështu, në Kosovë, përmes procesit të decentralizimit janë krijuar komuna me shumicë serbe përfshirë edhe Mitrovicën e Veriut dhe tensionet ndëretnike janë pothuajse inekzistente. Në Kosovë ka edhe një prani të madhe ndërkombëtare, veçanërisht forcat e NATO-s, të cilat japin siguri për të gjithë dhe serbët e Kosovës janë po aq të mbrojtur sa gjithë të tjerët. /abcnews.al

albin-kurti-gjukanovic.jpg
nev ila13:54 | 19/11/2019

E përditshmja malazeze “Borba” shkruan se kandidati për kryeministër i Kosovës, Albin Kurti, i ka ofruar Podgoricës zyrtare një marrëveshje për aleancë kundër Serbisë. Gazeta shkruan se në këmbim të kësaj aleance me Podgoricën, Kurti ka thënë se nuk do të rihapë më çështjen e demarkacionit Kosovë-Serbi.

E përditshmja malazeze “Borba” shkruan të martën se kandidati për kryeministër i Kosovës, Albin Kurti, i ka ofruar Podgoricës zyrtare një marrëveshje për aleancë kundër Serbisë. Gazeta shkruan se në këmbim të kësaj aleance me Podgoricën, Albin Kurti, ka thënë se nuk do të rihapë më çështjen e demarkacionit Kosovë-Serbi.

E përditshmja malazeze Borba shkruan në edicionin e së martës se kandidati për kryeministër i Kosovës, Albin Kurti, po kërkon bashkëpunim me Malin e Zi kundër Serbisë, duke kërkuar marrëveshje me partinë social-demokrate të presidentit Milo Gjukanoviç.

Borba shkruan se Kurti i ka ofruar Podgoricës zyrtare një marrëveshje për aleancë kundër Serbisë dhe në në këmbim të kësaj aleance me Podgoricën, Albin Kurti, ka thënë se nuk do të rihapë më çështjen e demarkacionit Kosovë-Serbi, raportoi Express.

Albin Kurti citohet të ketë thënë se sapo të marrë përsipër postin e kryeministrit, do të takohet me homologun malazez për të parë se cfarë mund të bëhet. Gazeta shkruan se Kosova e sheh Malin e Zi si aleatin e saj të vetëm kundër Beogradit, meqë tashmë Tirana zyrtare po mbështet krijimin e projektit të quajtur ‘minishengen”.

Borba përmend edhe edhe deklaratat e kreut të VV’së lidhur me marrëdhëniet Kosovë- Mal i Zi të cilat janë shumë të mira dhe thekson se Prishtina e vlerëson mbështetjen e Podgoricës kur bëhet fjalë për pavarësinë. Marrëveshja për demarkacionin midis dy shteteve është ratifikuar në dy Kuvendet respektive./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono