Loading ...
BUDAPEST- Paris Saint-Germain është shpallur kampione e UEFA Champions League pas një finaleje të jashtëzakonshme ndaj Arsenal, e cila u vendos vetëm pas serisë së penalltive në stadiumin “Puskas Arena” në Budapest.
Koha e rregullt dhe shtesat u mbyllën me rezultatin 1-1, duke detyruar finalen të shkonte në “lotarinë” e penalltive.
Në një seri dramatike nga pika e bardhë, PSG u tregua më i saktë dhe fitoi 4-3, duke siguruar trofeun më të rëndësishëm për klube në Europë.
Arsenal kaloi i pari në avantazh me golin e Kai Havertz, ndërsa PSG barazoi në pjesën e dytë me penalltinë e Ousmane Dembele.
Në fund, saktësia nga pika e bardhë i dha PSG titullin e Champions League, në një finale që do të mbahet mend gjatë.
Finalja dhuroi spektakël të padiskutueshëm mes dy skuadrave që kanë dominuar sezonin evropian, por fati në fund i buzëqeshi PSG, e cila ishte më e saktë nga pika e bardhë e penalltive.
Kështu, francezët arritën të fitojnë Ligën e Kampionëve dy herë radhazi, duke u rikonfirmuar në tempullin e futbollit europian, në rang klubesh/abcnews.al
