mbrojtësi

veseli-smpoli.jpg
Veronik Istrefaj17:47 | 27/03/2020

Mbrojtësi i Shqipërisë, Frederik Veseli, ka folur për emisionin Fan Zone në Supersport, aty ku shpjegoi pse u largua nga Empoli, si dhe tregoi si po i kalon ditët e izolimit.

“Për momentin, jam në Nice të Francës. Po ha kroasant çdo mëngjes (qesh). Për momentin, të gjithë jemi mirë. Familjen e kam në Zvicër, mërzitem shumë për ata, pasi në Zvicër nuk ka shtet-rrethim dhe njerëzit kanë rrezik për t’u infektuar. Këtu në Francë, jemi në karantinë totale, kemi mundësi për të shkuar vetëm në farmaci ose supermarket.

“Më vjen shumë keq për gjërat që kanë ndodhur në Zagreb, kjo po bëhet një krizë ekonomike. Ne kemi biseduar me klubet, na kanë thënë që do të na ulen rrogat, nuk e di se sa. Por e rëndësishme është të mos kemi dëmtime në shëndet. Ne lojtarët e ekipit të parë, nuk na vret shumë, por ata që paguhen më pak, më vjen shumë keq për ta.

Mungesa në Instagram? Kam pasur Instagram më herët, por i hoqa së bashku me Facebook, pasi nuk jam shumë aktiv në rrjetet sociale. Gjithsesi, unë e hapa Instagramin sërish dhe iu bëj ftesë të më bëni “Follow” (qesh). Unë jam single dhe nuk e përdor Instagramin për atë arsye. Unë më i bukuri në kombëtare? Jooo (qesh). Bëni një sondazh, nuk e di.

Qëllimi im ishte të qëndroja tek Empoli, nuk doja të largohesha, por ndodhën disa probleme me drejtorët e klubit. Unë kam kërkuar të largohem, sepse më thanë që nuk do të luaj më. U befasova, pasi ai lajm më erdhi me datë 16 janar, shumë vonë në merkato. Më ka ardhur një ofertë nga Kina, por nuk doja të largohesha nga Europa. Zgjodha Le Mans, ka një projekt shumë të mirë dhe zgjodha të largohesha nga Empoli për të luajtur. Plus, doja të provoja një kampionat tjetër, një shtet tjetër. Gjëja pozitive për mua është se di të flas frëngjisht”, tha Veseli./abcnews.al

Alexander-Arnold-Liverpool.jpg
Veronik Istrefaj17:09 | 25/03/2020

Talenti i Liverpool, Trent-Alexander Arnold, është ndoshta mbrojtësi i djathtë më i mirë në botë. Kampioni i Europës dhe i Botës, ka një saktësi të pabesueshme në krosime dhe në pasime, duke i dhënë një tjetër rëndësi rolit të mbrojtësit anësor.

Te Liverpool, anglezi ka bërë ndeshje të shkëlqyera dhe këtë vit, ka qenë një ndër lojtarët më të rëndësishëm në marshimin e të kuqve në krye të Premier League dhe shumë shpejt, mund të shpallen dhe kampionë të kampionatit anglez.

Shumë shpejt, pasi për momentin, janë pezulluar kampionatet dhe futbollistët janë në karantinë. Edhe pse të izoluar, kjo gjë nuk i ka ndaluar yjet e futbollit të merrem me sport në shtëpitë e tyre, duke shpërndarë video të shumta në rrjetet sociale.

Arnold ka shpërndarë videon e radhës në faqet e tyre zyrtare, ku duket qartë saktësia që ka. Në oborrin e shtëpisë së tij, Arnold gjuan një top dhe e fut në një kosh të largët, e më pas largohet sikur gjithçka të ishte shumë e thjeshtë. Fantastik!/abcnews.al

Rrahmani-1.jpg
Veronik Istrefaj22:27 | 24/03/2020

Mbrojtësi Amir Rrahmani, ka dhënë një intervistë për emisionin Fan Zone në Supersport, aty ku foli për të ardhmen e tij, situatën aktuale në Itali dhe familjen e tij.

“Para dy të dielave, kemi zhvilluar ndeshjen me Sampdorian, kemi humbur 1-2. Pas disa ditësh, disa lojtarë të Sampdorias dolën pozitivë, kemi qenë të detyruar të qëndronim të izoluar. Nuk na është bërë asnjë test, sepse nuk kemi pasur asnjë simptomë.

Para se të nisë stërvitja, mendohet me 4 prill, por do të jetë e vështirë, do të na bëhen testet. Më 1 korrik është kontrata, nuk e di se çfarë do të bëhet.

Presidenti i Italisë e ka vendosur që deri më 4 prill duhet të jemi të gjithë brenda, para dy ditësh ka dalë në konferencë e ka thënë se mund të shtyhet. Ende nuk dihet çfarë do të ndodhë. Tani po e kuptoj që jo, kam mbetur vetëm, me biçikletën.

Më mirë që është shtyrë, sepse do ta zhvillonim pa tifozë. E provuam me Sampdorian, ishte pa ndenja, pa entuziazëm. Familja ime? Të gjithë janë mirë, kanë qëndruar brenda. Shpresoj të kalojë kjo situatë sa më shpejt“, tha Rrahmani../abcnews.al

osmani.jpg
Veronik Istrefaj20:32 | 24/03/2020

Mbrojtësi i Tiranës, Tefik Osmani, ka dhënë një intervistë për PanoramaSport, ku ka treguar si po e kalon izolimin, jetën pa futboll, titullin kampion dhe rifillimin e kampionatit.

IZOLIMI – “Uroj që jo vetëm njerëzit e sportit, por gjithë shqiptarët ta kalojmë sa më shpejt këtë situatë. Si të gjithë të tjerët edhe unë pranë familjes po qëndroj. Është shumë e vështirë për ne futbollistët nuk jemi mësuar të qëndrojmë kështu. Ama çdo e keqe e ka dhe një të mirë. Po  kënaqen fëmijët. Jemi çdo moment me ta dhe po e shijoj në shtëpi. I kam zhvilluar të gjithë lojërat që kam bërë fëmijë me dy çunat e mi”.

PA FUTBOLL – “Për ne futbollistët, thonë që vdesim dy herë. Një herë kur lë sportin dhe një herë kur të vjen nga Zoti. Mendoj që ky moment tani është sikur na ka rënë para-infarkt, por ne nuk jemi dorëzuar edhe kemi lëvizur, brenda orareve që ka vendosur Ministria e Shëndetësisë”.

FUTBOLL NË VERË? – “Vetëm le të nisë të luhet sa më shpejt. Nuk ka rëndësi muaji. Në  Shqipëri janë kushtet në të gjitha stadiumet dhe mund të luash dhe ne orën 22:00”.

STËRVITJA – “E thashë dhe më lart. Kam dalë nuk mund të rrijë një futbollist i mbyllur në shtëpi. Jam në një moshë që e kuptoj dhe vet për çfarë kam nevojë kam bërë vrapime dhe xhiro me biçikletë dhe menjëherë brenda rregullores se nuk i dihet mos më vjen ndonjë gjobë”.

TITULLI – “Tiranën me sa e njoh unë nuk do të kënaqej asnjëherë me titullin në tavolinë. Por edhe po të vendosej kështu mendoj që e meriton. Me 9 pikë përpara nuk do të kundërshtonte njeri”, tha Osmani./abcnews.al

Doka-Ngoo-Tirana.jpg
Veronik Istrefaj19:34 | 23/03/2020

Mbrojtësi i Tiranës, Albi Doka, ka folur gjithashtu në Fan Zone në Supersport, ku i është përgjigjur sulmuesit të Kukësit, Kristal Abazajt. Doka deklaroi se titulli është vetëm i Tiranës, si dhe iu përgjigj pyetjes nëse do të transferohej në të ardhmen te Partizani apo jo.

TITULLI – “Tirana do të shpallet kampione dhe mendoj kur të rikthehemi nga kjo gjendje do ta tregojmë. Mezi po pres të kthehem dhe të ngre kupën e kampionit.”

STËRVITJA – Tani bëj shumë stërvitje, sepse i kam kushtet në shtëpi, kam palestër, fushë basketbolli, ndërsa sa i përket ushqimit, ndez skarën dhe pjek mish.

MODELJA RUSE – “E kam thjesht shoqe dhe bëmë shaka në Instagram. E kam njohur në Greqi, gjatë pushimeve. Me të kam komunikuar anglisht. A kam të dashur? Jo, jam single”.

SHOKU I NGUSHTË – “Kristal Abazaj, me atë komunikoj më shumë. Kemi një grup ku janë edhe emra të tjerë si Çekiçi e Krymi… Abazajt po ia them drejtpërdrejt: titulli është i Tiranës dhe ai thjesht duhet të presë që të na shohë kur të ngremë kupën.

PARTIANI – “Jam te Tirana, vetëm për ekipin tim mendoj tani. Në të ardhmen nuk e di se çfarë do të ndodhë, por qëllimi im është të luaj jashtë” përfundoi Doka./abcnews.al

Mustafi.png
Veronik Istrefaj22:36 | 15/03/2020

Mbrojtësi me origjinë shqiptare i Arsenalit, Shkodran Mustafi, ka folur sot për faqen zyrtare të klubit londinez, duke dhënë një mesazh për të gjithë njerëzit. Vetë Mustafi, është në izolim prej disa ditësh, pasi trajneri Mikel Arteta rezultoi pozitiv me COVID-19.

“Ka gjëra më të mëdha se futbolli. Është e rëndësishme që ne po bëjmë gjithçka për ndalimin e përhapjes së këtij virusi”, tha fillimisht mbrojtësi me origjinë shqiptare.

“Deri sa gjithçka të rikthehet në normalitet, ju lutem ndiqni të gjitha rregullat që janë vendosur nga autoritetet dhe shmangni gjithçka që mund të sjellë rrezik te ju, familja juaj dhe te të afërmit. Qëndroni të sigurt dhe të shëndetshëm”, ishte mesazhi i Mustafit./abcnews.al

Wan-Bissaka.jpg
Veronik Istrefaj19:11 | 11/03/2020

Kur të thur elozhe një ish-futbollist, është diçka e madhe, ndërsa kur të thur elozhe një ish-futbollist që ka luajtur të njëjtin rol me ty, është diçka e jashtëzakonshme.

Kështu ka ndodhur dhe me Aaron Wan-Bissaka, të cilit i ka thurur elozhe Jamie Carragher. Ish-mbrojtësi i Liverpoolit tha se Wan-Bissaka, është mbrojtësi më i mirë në botë në lojën një kundër një.

Jamie Carragher tha për Wan-Bissaka: “Unë mendoj se ai është mbrojtësi më i mirë në botë në lojën një kundër një. Është i pakalueshëm dhe mendoj se asnjë sulmues, nuk do të përballet me të. Një mbrojtës fantastik”, tha ish-mbrojtësi i Liverpoolit dhe i Anglisë./abcnews.al

Osmani-Shkembi.jpg
Veronik Istrefaj17:09 | 10/03/2020

Tefik Osmani vazhdon të marrë vëmendje të madhe në rrjetet sociale. Mbrojtësi i Tiranës i ka komentuar trajnerit Bledi Shkëmbi, në një postim të këtij të fundit në Instagramin zyrtar.

Shkëmbi publikoi një foto të tij me fanellën e kombëtares shqiptare të futbollit dhe me shaka, Tefik Osmani i komentoi: “Profesor, të grumbulloi Reja”.

Komenti i mbrojtësit bardheblu ka marrë shumë vëmendje, si dhe një përgjigje nga vetë Shkëmbi, që pa anën gazmore të këtij komenti. Osmani vazhdon të jetë një personazh gazmor./abcnews.al

 

Komenti i Tefik Osmanit
meta-teqja.jpg
Veronik Istrefaj19:43 | 18/02/2020

Mbrojtësi i Kukësit, Aldo Teqja, ka folur për Supersport para ndeshjes ndaj Tiranës, që do të luhet në Air Albania. Kjo sfidë, vë përballë dy ekipet e kreut dhe Teqja parashikon një takim delikat dhe të vështirë.

“Jemi 2 prej skuadrave më në formë të Superiore dhe është e sigurt që do të jetë një ndeshje shumë e bukur, me ritëm dhe futboll spektakolar, që do t’u pëlqejë edhe tifozëve. Do të fitojë skuadra që do të gabojë më pak dhe ndonëse ne kemi fituar dy përballjet me Tiranën, kjo nuk do të thotë asgjë për takimin e të premtes”, deklaroi Teqja.

Të them të drejtën u bënë tre sezone që jam larguara nga Tirana dhe normalisht që doza emocionale ka rënë disi. Për më tepër, unë nuk kam një marrëdhënie shumë të mirë me golin dhe nuk mund të jap fjalën që nuk do festoj, nëse shënoj në një stadium si ‘Air Albania’, para tifozerisë aty.

Fillimisht shpresoj të shënoj, pasi vendimin për të festuar apo jo, do ta marr në ato momente. Ecuria është shumë pozitive, pasi humbjen e fundit e kemi kundër Laçit në transfertë, edhe atë me polemika, pra rreth 10 javë pa humbje.

Më vjen mirë që po përligj edhe besimin e klubit, që më ka dhënë një rol të rëndësishëm. Me Obanor jemi përshtatur mirë dhe deri tani jemi mbrojtja më e mirë e kampionatit. Kam fituar 5 trofe në karrierën time dhe i vetmi që më mungon është titulli kampion. Dua ta fitoj patjetër edhe titullin kampion”, përfundoi Teqja./abcnews.al

Hysaj-Elseid.jpg
Veronik Istrefaj23:17 | 16/02/2020

Elseid Hysaj u dëmtua në sfidën ndaj Cagliarit, duke u zëvendësuar në minutën e 80-të nga Mario Rui. Mendohej se ky zëvendësim ishte thjesht për të mbrojtur shqiptarin nga një dëmtim edhe më i rëndë, pasi kishte vrapuar shumë në krahun e majtë, aty ku dhe asistoi golin e fitores që u shënua nga Mertens.

Duket se dëmtimi i Hysajt është disi më serioz, pasi ka një shqetësim në gjurin e djathtë. Pas ndeshjes, Napoli njoftoi për gjendjen e mbrojtësit shqiptar.

“Elseid Hysaj, i cili u zëvendësua për shkak dëmtimi në minutat finale të Cagliari-Napoli, pësoi një problem në gjurin e djathtë. Kushtet e mbrojtësit shqiptar do të vlerësohen edhe më tej nesër, në rifillimin e stërvitjes”. Ky ishte njoftimi nga Napoli për gjendjen shëndetësore të Elseid Hysajt./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono