Kritika
nev ila21:57 | 28/03/2020
Kryeministri Edi Rama, gjatë mesditës së sotme ka drejtuar një mesazh disa prej qytetarëve që sipas tij “nuk duan të marrin vesh“.
Në tentativë për të qenë më se i qartë me këta qytetarë, dashur pa dashur, bëri edhe një deklaratë ku la të kuptohet se është kundër presidentit të Shteteve të Bashkuara të Amerikës ose të paktën nuk është dakord me mënyrën e menaxhimit të situatës nga Trump, për koronavirusin ne Amerikë.
Gjatë mesazhit të tij Rama thotë se Presidenti i SHBA-ve u kishte thënë qytetarëve se virusi do kalonte shpejt, e sot po përballet me një situatë që spitalet nuk kanë më vende, dhe kjo sipas Ramës ka ndodhur sepse nuk janë marrë masat e duhura.
“Meqë keni qejf shembujt me Amerikën, Presidenti u thoshte deri dje se kjo do iki shpejt, thjesht do iki. E shikoni tani se çfarë u thotë amerikanëve. Ndërkohë që duke pritur që të iki vetë i hap rrugën armikut. Sot kanë kaluar Kinën me infektim dhe s’po kanë më as vend dhe as mjete mbrojtëse për mjekët dhe infermierët në spitalet e Nju Jorkut.
Amerika është Amerikë dhe mbase dhjetëra mijëra të vdekur nuk i ka aq problem sa ne. Po ne që me Amerikën nuk krahasohemi dot në asnjë gjë, si mund t’ja lejojmë vetes të lëshohemi dhe të vëmë në diskutim jetën duke moskuptuar se kjo është një luftë për ekzistencë dhe jo një lojë kukamçefti e politikës së poshtër siç kanë qejf ta quajnë disa nga ju.
Realisht nuk di si të flas me disa prej jush që nuk duan të marrin vesh, nuk duan të hapin sytë e të shohin realitetin. Me siguri di vetëm një gjë, që po vazhduam kështu do ta kalojmë pa qindra mijëra viktima, dhe do hapim pjesë –pjesë rrugët e jetës normale, më herët se të tjerët.
Po u lëshuam, po u dorëzuam, me të dalë ku të dalë, ne do bëhemi turpi më i madh i këtij vendi, dhe gazi i planetit”, shprehet ndër të tjera Rama./abcnews.al
Vladimir Prenga09:07 | 11/03/2020
Olsi Rama, një ditë më parë në llogarinë e tij në “Instagram” postoi një foto me presidentin Gaz Demi. Tifozët vërshuan me komente nga më të ndryshmet dhe Drejtori i Përgjithshëm i Partizanit mori përsipër edhe të replikonte me ta. Shumëkush i kërkonte largimin, ndonjë tjetër e akuzonte për largimin e Skënder Gegës, ndërkohë që nuk mungojnë kritikat e shumta për prurjet e Partizanit në merkaton e verës. Më poshtë ju sjellim disa nga replikat e bëra, që kushdo mund t’i lexojë të plota në profilin e Ramës në “Intagram”, që e ka publik.
REPLIKAT E DREJTORIT TË PARTIZANIT, OLSI RAMA, ME TIFOZËT NË LLOGARINË E TIJ NË INSTAGRM
KLEDIADEMAJLIVE.COM4896: A nuk ndjen pak pergjegjesi ,qe shkaterrove nje ekip kampion dhe i zvendesove me diletante,edhe Korca doli kampion disa vite rresht por asnjehere nuk shkaterroj ekip,menaxhim per te ardhur keq
RAMA.OLSI @klediademajlive.com4896 a të shijoj fitimi i titullit kampion pas 26 vitesh?
KLEDIADEMAJLIVE.COM4896 @rama.olsi Sigurisht qe po,por keto jane pritshmerite per Partizanin,fito nje vit dhe prit njecerek shekulli,a mund me gjesh nje ekip kampion qe prishet i teri ne vere,a mund te me thuash se si mund ta zvendesosh profesor Gegen ,me nje trajner qe ngjante me shume sikur vinte nga getot e Napolit,nuk ishte fundi botes se profesor Gega te rrembeu skenen ,perkundrazi duhet te ndieshe krenar qe ishe pjese e nje Partizani fitues,i shpreh keto shqetesime se vertet e dua me shpirt Partizanin,asnje gje veretie per personin Rama,por per dretorin Rama
RAMA.OLSI @klediademajlive.com4896 si të rezulton ekipi i prishur i teri në verë, kur u larguan vetëm ata që nuk kishin kontratë dhe kërkuan vetë të largoheshin??? Qëndroj gjithë pjesa tjetër me lojtarët më kryesore e u bën afrime me një CV shumë cilësore. Rezultati sigurisht nuk është aspak ai i prituri po arsyet mund të jenë të shumta.
nev ila16:28 | 29/02/2020
Blerina Gjylameti, anëtare e Komisionit të Ekonomisë është pyetur nga gazetarja Esiona Konomi për nismën më të fundit që kryeministri Rama propozoi ditën e sotme në Kongresin e Partisë Socialiste.
Amnisti fiskale kombëtare për një periudhë të caktuar ishte propozimi i Kryeministrit Rama gjatë fjalës së tij, mbajtur sot në Kongresin e PS.
Në lidhje me këtë, Gjylameti sqaroi më tej, se cilët do të përfitojnë nga kjo nismë.
Intervista e plotë:
Esiona Konomi: Kishit dijeni për këtë propozim që ngjan si nismë elektorale?
Blerina Gjylameti: Nuk është nismë elektorale, janë dy propozime. Ajo që shumë shqiptarë sot i ka bërë të lumtur është fakti se paga minimale brenda 1 viti do kalojë nga 26 mijë në 30 mijë lekë.
Për sa i përket nismës për amnistisë fiskale, ne dimë që një numër i konsiderueshëm i shqiptarëve ka emigruar jashtë vendit, kanë punuar shpesh herë edh enë të zezë, kur janë kthyer në vend dhe kanë dashur të investojnë kanë patur vështirësinë për ti patur të deklaruara pasuritë. Kjo është pikërisht një nismë që vjen si përgjigje apo në adresim të kësaj problematike që është disa vjeçare në Shqipëri.
Esiona Konomi: Kur parashikohet të hyjë në fuqi dhe sa do të zgjasë ajo?
Blerina Gjylameti: Do të ketë një kufizim por nëse më duhet të flas për afate fikse nuk mund të flasim sot, do të ngrihen grupet e punës me ndërministeriale, për të arritur që kjo nismë të jetë e konkretizuara do të duhet të presim ditët në vijim do të mësojmë se kur do të filojë. Është lajm shumë i mirë sepse të gjithë e dimë që informaliteti ka qenë relativisht i lartë dhe e dimë që ekonomia shqiptare ka nevojë për likuiditete dhe për kreditim, dhe kjo nismë mundëson që të adresohet por të ketë edhe një rritje ekonomike shumë më të qëndrueshme.
Esiona Konomi: Pak muaj më parë këni nisur operacionin Forca e Ligjit që synon të sekuestrojë ato pasuri që nuk justifikohen, apo i jepni ju një mundësi personave, që mund të kenë vënë pasuri përmes veprimtarisë kriminale, të mund ti legalizojnë ato?
Blerina Gjylameti: Kryeministri e saktësoi në fjalën e tij por po ashtu edhe në materialet që ne kemi nuk bëhet fkjalë për subjektet e ligjit apo të operacionit forca e ligjit, nuk bëhet fjale për një amnisti për ta. Bëhet fjalë për të gjithë ata që për shkak të emigracionit apo të ardhurave të padeklaruara ndër vite të kenë mundësi të formalizojnë këtë pjesë dhe të ligjërojnë të gjithë të ardhurat e tyre. Për sa i përket atyre që janë subjekt i OFL nuk ka një ndryshim të tillë.
Esiona Konomi: Mund të ketë persona që nuk janë dënuar ndonjëherë që mund të kenë para të padeklaruara sepse kanë patur zotësinë ti fshehin dhe tashmë mund ti fusin në ekonomi….
Blerina Gjylameti: Ajo që ka ndodhur me OFL nuk ka të bëjë vetëm me ata që kanë qenë të dënuar në Shqipëri por edhe ata që kanë qenë të dënuar në vende të tjera. Amnistia ka të bëjë me të gjithë ata të cilët nuk kanë qenë as të dyshuar, më pak të proceduar apo edhe të dënuar në vendet të tjera por kanë qenë njerëz që kanë emigruar për një të ardhme më të mirë dhe të investojnë.
Esiona Konomi: A do të përfitojnë nga kjo amnisti Politikane kolegë që mund të mbajnë para nëpër kasaforta?
Blerina Gjylameti: Absolutisht jo, ligjet në fuqi në Shqipëri nuk e lejojnë një gjë të tillë. Politikanët kanë detyrime të deklarimit të pasurisë prej shumë vitesh. Politikanët do të vazhdojnë të përgjigjen për cdo qindarkë që fitojnë dhe duhet të përgjigjen para ligjit nëse janë fituar në mënyrë të paligjshme. Kjo amnisti nuk ka fare për subjekt politikanët por njerëzit e zakonshëm.
Esiona Konomi: Ju personalisht, si politikane prej vitesh në partinë socialiste, a keni ndonjë kritikë për qeverinë dhe lidershipin e zotit Rama në krye të partisë socialiste?
Blerina Gjylameti: Ne kemi diskutime të shpeshta, qoftë në kryesinë e PS, për çfarë duhet, dhe si duhet bërë më mirë. PS është një shtëpi shumë e madhe ku kritikat janë më se të mirëpritura, debate ka por në fund ajo çfarë ndodh në një shtëpi demokratike, me rregulla demokratike, fiton mendimi më i mirë. Besimi për kryeministrin Rama është treguar tashmë në 2 zgjedhje qendrore ku votat nga mandati i parë në të dytin janë rritur. Mandati i tretë është që njerëzit dhe qytetarët shqiptarë do kuptojnë që forca që kanë besuar është një forcë që në çdo moment ka qenë në përgjigje të pritshmërive të tyre./abcnews.al
R D20:23 | 26/02/2020
Ish-kryeministri i Kosovës, Ramush Haradinaj deklaroi se taksa ndaj mallrave serbe nuk duhet të hiqet. Në një intervistë për Telegraf, Haradinaj tha se qytetarët nuk kanë votuar Kurtin dhe Osmanin që të kthejnë Serbinë në Kosovë. Për këtë çështje, Haradinaj tha se Kurti po dëshiron t’ia kthej tregun Serbisë, duke shtuar se taksa duhet të hiqet vetëm nëse Serbia e njeh Kosovën.
“Qytetarët nuk e kanë votuar Kurtin e Osmanin që ta kthejnë Serbinë në Kosovë. Taksa e ka sjellë Kosovën në peshën që ka. Taksa duhet të hiqet në kontratë finale me njohje jo më herët. Sa më shumë që e kërkon Amerika dhe Evropa heqjen e taksës, kësaj teme i rritet vlera. Është gabim me ofrua reciprocitet. Ky është Axhamillëk total i Kurtit si mungesë e analizës së thellë. Kurti në vend që me kërkua negocim të vazhdueshëm se përse mu heq taksa, ai ka thënë se do ta bëjë reciprocitetin. Ne kemi me punuar që mos të lejojmë heqjen e taksës, çdo gjë që na lejon demokracia dhe kushtetua do ta bëjmë”, tha Haradinaj.
Ish-kryeministri foli edhe për dialogun, ku bëri të ditur se në vitin 2017, ish-përfaqësuesja e lartë e BE-së, Federica Mogeherini ia kishte ndërprerë konferencën e përbashkët për media shkaku që ai kishte kërkuar përfshirjen e Amerikës në dialogun me Serbinë.
R D21:33 | 12/02/2020
Si kryetar i Reformës në Drejtësi, ish-ministri Fatmir Xhafaj nuk i fsheh asnjëherë rezervat kur bëhet fjalë për amendime të ligjeve të caktuara, siç ishte ai për statusin e gjyqtarëve dhe prokurorëve në funksion të paketës Anti-KÇK të propozuar nga qeveria. Pasi e kundërshtoi në komisione, ndryshimin e ligjit, apelin e fundit Xhafaj e shprehu për socialistët nga foltorja e Parlamentit.
“Ne jemi maxhoranca që e udhëhoqëm hartimin e reformës në drejtësi. Kemi përgjegjësinë historike për zbatimin e drejtë të saj. Kuvendi duhet të marri përgjegjësitë dhe të tregoj më shumë proaktivitet në këtë mision të rëndësishëm dhe aq të mirëpritur nga qytetarët. Sot jemi të vonuar nesër mund të jetë shumë vonë.Konstatohet një përpjekje për të ndryshuar paksa me lehtësi ligjet e reformës në drejtësi. Natyrisht nuk ka tabu për këtë, sepse sic dihet nuk ka një ligj perfekt ashtu sic nuk ka edhe një ligj cudibërës. Për më tepër ne sot nuk vuajmë nga mungesa e ligjeve, por nga zbatimi i drejtë dhe proaktiv i tyre.Shihni rastin konkret. Kjo dispozitë, neni 152 është ndryshuar në korrik të vitit që shkoj dhe sot vjen përsëri për amendim. Kur ndryshojmë ligjet duhet të jemi shumë të kujdesshëm pasi druaj që shpeshherë, problematikat që mund të kemi në zbatim kërkojmë t’i kapërcejmë me zgjidhjen më të lehtë, amendimin e ligjit”, u shpreh ai.
Por ndryshimi që i jep të drejtë Inspektoriatit të Lartë të Drejtësisë të shqyrtojë në vetëm 3 ditë pezullimin e gjyqtari apo prokurori për një vendim të caktuar, për Xhafajn nuk e zgjidh problemin.
“Cështja shtrohet a e zgjidh kjo nismë shqetësimin tonë në të gjitha përmasat ? A është kjo qasja e duhur dhe eficente ? A ka dicka tjetër që duhet bërë më mirë për të adresuar fenomenin sot, por edhe për të mos krijuar ndërhyrje apo precedentë që mund të rihapin probleme të reja. Së pari sot kemi një realitet të ri me reformën në drejtësi që na imponon edhe një qasje të re, komunikim e marrëdhënie të re me sistemin”, tha më tej Xhafaj.
Lirimi i Endrit Dokles nga gjyqtarja e Krujës, solli një reagim të fortë nga ana e kryeministrit, por për Xhafajnë gjyqtarët nuk janë të gjithë njësoj.
“Se është gjyqtare Enkelejda Hoxha në Krujë, por po në Krujë është edhe gjyqtarja Kolgjokaj që nuk pranoj ti nënshtrohet krimit dhe korrupsionit. Ashtu si gjyqtarja në Fier, ajo në Mat apo ajo në Tiranë që nuk lejoj vendimin e pushimit të prokurorit të Tiranës lidhur me dhunën e ushtruar ndaj familjes së gjyqtares së Krimeve të Rënda. Ndaj krahas qëndrimit kritik duhet të jemi të drejtë, motivues dhe mbështetës edhe me personat me integritet në sistem dhe kryesorja në kufijtë e pushteteve respektive. Janë të shëndetshme debatet në publik për cështje të tilla, por në respekt të ndarjes së pushteteve, në respekt të institucioneve të reja të sistemit dhe pavarësisë së tyre. Nga ana tjetër kërkohet edhe më shumë koordinim e bashkëpunim me to përmes standarteve e zgjidhjeve kushtetuese, ligjore dhe institucionale”, vijoi ai.
Përpara se të mendojnë për amendimin e ligjeve, Xhafaj i ftoi kolegët e tij socialistë drejtë zgjidhjes më të mirë.
“Ka vetëm një rrugë për ta adresuar, zbatimi i reformës në drejtësi e cila ka në fokus të saj, goditjen e fenomenit të pandëshkueshmërisë. Jemi realisht në një moment delikat të reformës. Zbatimi i saj ka hyrë në një pikë kritike”.
/abcnews.al
in a14:44 | 06/02/2020
Sulmet kryeministrore ndaj gjyqtarëve dhe prokurorëve që nuk e kanë kaluar “Vettingun” janë kritikuar nga ish-ministri i Brendshëm, Fatmir Xhafaj.
Personi që udhëhoqi reformën në drejtësi, thotë se tashmë politika duhet të flasë dhe se organet e reja të drejtësisë, duhet të punojnë më shumë.
“Sjelljen, qasjen të 20, 30 apo 50 gjyqtarëve nuk mund t’ja veshim sistemin as dje dhe aq më tepër sot, sepse kjo nuk është pozitive, politikanët duhet të tregohen të kujdesshëm”, tha Xhafa.
Por deputeti socialist nuk është as i kënaqur me protagonizmin e Këshillit të Lartë Gjyqësor dhe atij të Prokurorisë.
“Jam shumë i keqardhur. Shikoj një debat të fortë publik, pavarësisht se në krye të debatit është vetë kryeministri, është një debat që është pjesë e të gjithë shoqërisë civile”, u shpreh ai.
Fatmir Xhafaj tha se nuk duhet të ndërhyhet kaq shpesh në ligjet e reformës në drejtësi, dhe se duhet bërë një analizë e zbatimit të saj, dhe ndërhyrjet ligjore të jenë të plota e të koordinuara, mendim të cilin e ndau edhe socialisti tjetër Bashkim Fino./abcnews.al
R D13:15 | 06/02/2020
Komisioni i Ligjeve miratoi dy ndryshime ligjore që janë themelore për reformën në drejtësi. Gazetarja e Abc News, Esiona Konomi përcolli “live” zhvillimet më të fundit nga Kuvendi. Ajo tha se gjatë mbledhjes ka patur kritika nga Fatmir Xhafaj dhe Bashkim Fino.
Fino tha se reforma ka nevojë për analizë dhe nuk mund të arnohet here pas here, sa herë gjenden ngushtë institucionet e reja të drejtësisë.
Ndërsa Xhafaj ishte kritik ndaj Kryeministrit Edi Rama për nismën anti-KCK. “Politika dhe Rama personalisht ka udhëhequr një debat të fortë, duke u treguar i pakujdesshëm sepse gjyqtarët dhe prokurorët kanë tashmë “qeveritë” e tyre. Flet më shumë Rama se KLGJ dhe KLP sidomos në rastin e gjyqtares së Krujës që liroi Indrit Doklen. Është e papranueshme që KLGJ s’ka reaguar ende për këtë rast”, është shprehur Xhafaj gjatë mbledhjes së komisionit të Ligjeve. /abcnews.al
So Nila11:04 | 11/12/2019
Pasi Golden Globes publikoi listën me nominimet përkatëse në secilën kategori, nuk munguan kritikat e ashpra në lidhje me faktin se për të shumtën herë, nuk ka asnjë regjisore grua të nominuar për çmimin prestigjoz.
Që nga viti 2000, Golden Globes ka nominar më shumë se 100 burra në kategorinë “Regjisori më i mirë” dhe vetëm katër gra. Në Oscars gjithashtu janë nominuar vetëm tre regjisore gra në 20 vitet e fundit, krahasuar me 87 burra.
Nuk është hera e parë që Golden Globes kritikohet për nominimet. Vitin e kaluar, kur prezantoi çmimin, Natalie Portman tha se “këtu të gjithë të nominuarit janë burra”. Pas kritikave të një viti më parë, u mendua se këtë vit gjërat do të ishin ndryshe, por ja që fatlumët për çmim janë: Bong Joon-Ho (Parasite), Sam Mendes (1917), Todd Phillips (Joker), Martin Scorsese (The Irishman) dhe Quentin Tarantino (Once Upon a Time in Hollywood).
Rebecca Goldman nga fondacioni “Time’s Up” – që ka në qendër lëvizjen kundër ngacmimeve seksuale në Hollywood – tha se përjashtimi i grave nga kjo kategori nuk është një problem vetëm i Golden Globes – është një krizë e gjerë në të gjithë industrinë dhe është e papranueshme.
Charlize Theron tha për Los Angeles Times se mungesa e kandidateve gra në kategorinë e regjisorit/es më të mirë është “me të vërtetë, me të vërtetë qesharake”.
“Regjia nuk është një fushë ku gratë kanë patur mundësi të depërtojnë,” tha kryetari i “Time’s Up”, Heather Rabbatts për BBC në 2018-n. “Sa më shumë t’i njohim ato dhe t’i inkurajojmë, aq më shumë do t’i bëjmë gratë e tjera që të besojnë te vetja.”/abcnews.al
Veronik Istrefaj21:36 | 09/12/2019
Trajneri i Montpellier, Michel Der Zakarian, ka akuzuar Neymar për aktrim dhe për mungesë respekti ndaj rivalëve. Në minutën e 72-të, Neymar shënoi nga goditja e dënimit në atë fitore 1-3 të PSG-së përballë Montpellier.
Der Zakarian tha në fjalën e tij se Neymar “provokon kundërshtarët”, si dhe tregon një mungesë profesionalizmi dhe respekti të tepruar: “Neymar ka një lojë që provokon gjithmonë kundërshtarët me aftësitë dhe driblimet e tij. Kur i ndërhyn, ai gjithmonë “qan”.
Është një lojtar i shkëlqyer dhe është për të ardhur keq në fund të ndeshjes flitet vetëm për veprimet që bën gabim. Kur jeni një nga lojtarët më të njohur në botë, duhet të tregoni vlerat e duhura. Qëndrimi i tij që kur ai ka ardhur në Francë, nuk ka nevojë për koment. Të gjithë flasin keq për të”, përfundoi Zakarian./abcnews.al
Vladimir Prenga18:09 | 20/11/2019
Emanuele Calaio dhe Francesco Montervino kanë qenë dy nga lojtarët që dhanë një kontribut të vyer për Napolin, që të kthehej në Serie A në vitin 2008. I pari spikati me golat e tij, kurse i dyti ishte lider dhe jo më kot mbante shiritin e kapitenit.
Këta dy lojtarë i ka kthyer në vëmendje Eduardo De Laurentiis, djali i presidentit të Napolit. Ai ka ngacmuar sërish lojtarët aktualë të “axurrëve”, duke theksuar se nuk kanë këllqe si ata që e ngjitën ekipin në Serie A.
“Duhen figura si ata (Calaio dhe Montervini) në dhomat e zhveshjes së futbollit italian. Ata kanë më shumë këllqe, u përballën me fusha më të vështira dhe dolën si fitues të mëdhenj”, është shprehur De Luarentiis Junior.
Gjithashtu ai u kujton futbollistëve se janë punëtorë dhe duhet të tregojnë respekt për fanellën dhe tifozët. “Ata fitojnë shumë para, por janë të punësuar dhe duhet të kenë respekt për fanellën dhe tifozët që shkojnë në stadium”, deklaron djali i Aurelio De Laurentiis, presidenti të Napolit. /abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
11:20 | 29/03/2020
11:04 | 29/03/2020
