isa mustafa

thaci-mustafa.png
ger ta10:58 | 01/04/2020

Ka nisur në Presidencë takimi i kreut të LDK-së, Isa Mustafës me presidentin e Hashim Thaçi.

Takimi Thaçi-Mustafa vjen pas përfundimit qe presidenti kishte me kryeministrin Albin Kurti.

Isa Mustafa është i shoqëruar nga sekretari i partisë, Arban Abrashi dhe shefi grupit parlamentar Arben Gashit.

Pas Mustafës, me Thacin pritet që të takohet edhe kreu i PDK-së, Kadri Veseli.

isa-mustafa-ldk.jpg
in a21:50 | 30/03/2020

Kryetari i Lidhjes Demokratike të Kosovës, Isa Mustafa, ka reaguar ndaj gjuhës agresive që po përdoret ditëve të fundit, siç thotë ai, nga individë të papërgjegjshëm në Kosovë dhe Shqipëri.

Përmes një postimi në “Facebook”, Mustafa ka thënë se diskursi politik për gjak, tradhti, puç, grushtet, rezistencë, vëllavrasje, rebelim qytetar…, është kulmi i sjelljes së individëve të papërgjegjshëm në Kosovë por edhe i disave nga Shqipëria.

Statusi:

Ku e kemi përgjegjësinë ndaj vendit, kombit dhe familjeve tona?
Diskursi politik për gjak, tradhti, puç, grushtet, rezistencë, vëllavrasje, rebelim qytetar…, është kulmi i sjelljes së individëve të papërgjegjshëm në Kosovë por edhe i disave nga Shqipëria.

Për kënd destinohen të gjitha këto?!Për fëmijët tanë (edhe të tyre), familjet tona, vëllezërit dhe motrat tona. Shtetin tone! Shqipërinë!
Nuk janë për këpurdhat, insektet, zvarranikët!

Ata nuk flasin për filma, të cilët do ti shohim në tv, por për veprime ndjellakeqe të Pranverës Kosovare. Janë e njëjta kuzhinë që përkrahte gjakëderdhjen në Shqipëri në vitin 1997në emër të Revolucionit. Dallojnë vetëm mendjeikurit, si militantë partiak ose të ardhur rishtazi në një parti, që bëhen zëdhënës të së keqës.
Së bashku me këta, edhe disa këshilltarëve të Kryeministrit tonë të sjellur nga Shqipëria, por edhe disa analistëve e kolumbistëve, Kosova po iu duket vend për safari. Për gjueti në njerëz.

Jo që këta po tregohen nën çdo nivel etik dhe njerëzor por hiq më larg nivelit të tyre nuk mbetet edhe ai që i solli këtu për ta disajnuar fatin e vendit tone me teori ekstreme të majta.

Nuk është e vërtetë se Kryeministrin, Kryeparlamentaren, Presidentin, zëvendëskryeministrat dhe ministrat i zgjodhi populli. Asnjërin prej këtyre. Bash asnjërin!
Populli zgjodhi deputetët e Kuvendit të Kosovës, të cilët, si të vetmit kanë mandate burimor nga sovrani.

Kryeministrin, Kryeparlamentaren, Presidentin e kështu me radhë, i zgjodhi Kuvendi, ky apo ai i kaluari, mbi bazën e marrëveshjeve politike për koalicione.
Ai që të zgjedh ka të drejtë edhe të të ç’zgjed, të të shkarkoj. Thirrja në popullin dhe imitimi i shenjëtorëve është manifestim i popullizmit dhe mungesë e vetëdijes dhe kulturës demokratike.

Populli në zgjedhjet e 6 tetorit të vitit të kaluar, përmes atyre që votuan, i besuan VV-së me çerekun e votave, (29 deputetë nga 120); LDK-së me çerekun tjetër, (28 deputetë nga 120), kurse subjektet e tjera morën përkrahje për 63 deputetë.

Këto janë vota nominale, sepse nuk votuan gjysma e qytetarëve. Prandaj duhet ta thërrasim mendjen, të sillemi urtë e të ecim përtoke. Askush s’ka marr më shumë se çerekun e votave të atyre që kanë dalë në zgjedhje, ose më shumë sesa 1/8 e votave të qytetarëve me të drejtë vote. Rrjedhimisht askush s’mund të sillet si fitues absolut dhe askush s’mund të ushtroj pushtet absolut.

Lufta kundër krimit dhe korrupsionit nuk është luftë e një individi, por është përgjegjësi e institucioneve. Jam nga ata që jam shprehur publikisht se LDK me VV-në mund ta bëjnë këtë luftë më me sukses. Por jo si luftë të dosieve, jo si revansh politik, por si proces ligjor. Së këndejmi askush nuk më bind që LDK nuk e bënë këtë punë dhe përgjegjësitë e tjera të shtetit në qeverinë e ardhshme më mirë dhe më pastër sesa VV.

Janë të pabindshme dhe qesharake deklaratat se disa njerëz që po e përkrahin VV-në por edhe disa në VV-së janë rojtarë (gardianë) të rugovizmit. Popullizmi dhe rugovizmi s’kanë asgjë të përbashkët. Duhet të besojmë në të vetëveten, të mos u nënshtrohemi fushatave, të cilat e dëmtojnë vendin tonë. IM

isa-mustafa-ldk.jpg
ger ta23:23 | 25/03/2020

Kreu i LDK, Isa Mustafa ka reaguar pas rrëzimit të qeverisë Kurti. Mustafa ka thënë se Kosova ka ardhur në një situatë ku i vihen sanksione nga aleati kryesor i saj. Ai ka shtuar se mocioni është shtyrë edhe nga shkarkimi që i është bërë Agim Veliut nga pozita e ministrit të Punëve të Brendshme.

Mustafa ka thënë se VV ende e ka mandatarin të cilit duhet të ia mundësojë presidenti për formimin e Qeverisë së re, por nëse ata dështojnë LDK do të bashkëpunojë me AAK-në, Nismën dhe minoritetet. Mustafa ka shtuar se ka biseduar me të Dërguarin Special të SHBA’së, Richard Grenell.

‘’Nuk mund të them se jemi të kënaqur por as që jemi të zhgënjyer. Nuk  mund të themi se nuk është pritur pasi e kemi themeluar këtë qeveri për të punuar dhe forcuar shtetin. Mund të them se gjatë rrugës ka pasur probleme të bashkëpunimit’’, tha ai.

“Kemi ardhë në një situatë që ndaj nesh ndërmerren sanksione dhe jo ndaj Serbisë. Çështja e fundit ka qenë edhe çështja e shkarkimit të ministrit të Punëve të Brendshme”, ka thënë ai në T7.

Seanca e sotme, sipas Mustafës ka shfaqur dallimet e mëdha që kanë LDK dhe Vetëvendosje, andaj në një situatë të tillë sipas tij ka qenë më mirë që mocioni është votuar.

“Në qoftë se i keni përcjellur të gjitha diskutimet e sotme, kemi ardhur në përfundim që mospajtimet kanë qenë të thella dhe kanë vluar edhe pse ne kemi bërë marrëveshje, pra doli se kemi pasur dallime. Është bërë mirë që mocioni është votuar. Më mirë është që një qeveri të ndërpritet në kohë se sa mos ta realizojë programin e saj”, ka thënë Mustafa.

Kreu i LDK, ka thënë po ashtu se nuk ka arsye për të përjashtuar Vjosa Osnamin, e cila votoi kundër rrëzimit të qevreisë.

‘’Në asnjë rast nuk përjashtohet Vjosa Osmani. Do të ulemi të bisedojmë se cilat janë arsyet që cojnë në vendime kundër. Ajo ka dhënë premtime normalisht edhe ne e mbështesim sepse ajo nuk jep premtime në vete pa partinë. Nuk e përjashtojmë askënd, nuk e përjashtojmë as Vjosën’’, ka deklaruar ai.

Mocioni për rrëzimin e qeverisë Kurti u votua me 82 vota pro dhe 32 kundër. Qeveria Kurti është më jetëshkurtra në Kosovë. Albin Kurti drejtoi vendin vetëm për 51 ditë.

kl_kosovo-isa-mustafa-dpa.jpg
in a16:19 | 01/03/2020

Kryetari i Lidhjes Demokratike të Kosovës, Isa Mustafa ka thënë se taksa 100 për qind ndaj produkteve të Serbisë dhe Bosnjë e Hercegovinës, duhet të hiqet ashtu siç kanë kërkuar Shtetet e Bashkuara të Amerikës.

Përmes një postimi në “Facebook”, Mustafa, partia e së cilit është në koalicion qeverisës me Lëvizjen Vetëvendosje të Albin Kurtit, tha se deputetët e LDK-së do ta mbështesin qeverinë për heqjen e taksës, pasi sipas tij, kjo është në interes të Kosovës.

Nga ana tjetër Kryeministri i Kosovës, Albin Kurti ka paraqitur planin e tij për heqjen e taksës. Ai ka njoftuar se më 15 mars do të hiqet taksa për lëndën e parë që importohet nga Serbia dhe Bosnjë e Hercegovina.

Ai ka thënë se nëse Serbia ndalë fushatën për çnjohje dhe zotohet për heqjen e barrierave jotarifore, nga 1 prilli, taksa do të hiqet prej një periudhe prej 90 ditësh.

Nëse Serbia nuk i përmbahet këtyre zotimeve, sipas Kurtit, nga 15 qershori, do të rivendoset taksa 100 për qind dhe do të zbatohet parimi i reciprocitetit.

Ky plan i Kurtit është kundërshtuar nga Shtetet e Bashkuara. I dërguari i Shtëpisë së Bardhë, për dialogun Kosovë-Serbi, ambasadori Richard Grenell ka thënë se Kurti bën “gabim serioz”, pasi sipas tij, kërkesa e SHBA-së është që tarifat të hiqen plotësisht./abcnews.al

isa-mustafa-1.jpg
eri Ida18:38 | 22/02/2020

Kryetari Lidhjes Demokratike të Kosovës, Isa Mustafa ka deklaruar se asnjë tarifë dhe asnjë reciprocitet nuk matet me peshën e partneritetit, sidomos me SHBA-të, por dhe me BE-në.

Përmes një postimi në rrjein social Facebook, ai thekson se aktualisht vërehet qartë se procesit të dialogut po i japin dinamikë dhe fuqi të veçantë SHBA-të me personalitetin e fuqishëm të Ambasadorit Grenwll.

“Kosova, për bindjen time, ka nevojë të shfrytëzojë këtë situatë për të përmbyllur dialogun me Serbinë. SHBA-të kanë qenë lidere të pavarësisë së Kosovës. Thënë shkurt, asnjë tarifë dhe asnjë reciprocitet nuk matet me peshën e partneritetit, sidomos me SHBA-të, por dhe me BE-në. Për këto arsye, vlerësoj se Kosova duhet të heqë tarifën, në mirëbesim me SHBA-të dhe BE-në. Kosova duhet të njoftojë partnerët tanë për të gjitha pengesat ekonomike, tregtare dhe politike, të cilat në periudhën në vazhdim duhet t’i heqë Serbia dhe Bosnja dhe Hercegovina, në mënyrë që pengesat reciproke të jenë zero; Vendet e BE-së do të duhej të hiqnin “tarifën e izolimit të qytetarëve të Kosovës”, ka shkruar Mustafa në facebook./abcnews.al

isa-mustafa.jpg
ger ta18:40 | 03/02/2020

Kreu i Lidhjes Demokratike të Kosovës, Isa Mustafa ka uruar Albin Kurtin për zgjedhjen e tij dhe të kabinetit qeveritar.

Mustafa i cili është edhe partner i Kurtit në këtë qeveri, ka thënë se Kosova sot kompletoi të gjitha institucionet e saj.

“Uroj Kryeministrin Albin Kurti për zgjedhjen e tij dhe të kabinetit qeveritar.

Ecëm ngadal, me vështirësi, por arritëm në cak. Kosova sot kompletoi të gjitha institucionet e saj.

Pritjet janë të mëdha, ashtu sikurse edhe premtimet, por Qeverisë duhet dhënë hapësirë të punojë normalisht. Nuk e ka leht! IM”, shprehet Mustafa./abcnews.al

afsdfsdsdf.jpg
Autor E17:57 | 03/02/2020

Kuvendi i Kosovës ka miratuar me 66 vota pro dhe 10 abstenime qeverinë mes LVV dhe LDK me kryeministër Albin Kurtin.

Qeveria nuk pati asnjë kundër pasi opozita e bojkotoi mbledhjen.

Ky kabinet nuk është votuar nga Partia Demokratike e Kosovës, Aleanca për Ardhmërinë e Kosovës, Lista Serbe dhe Nisma Socialdemokrate.

Kabineti qeveritar i Kurtit do të ketë 15 ministri ku gjashtë do të udhëhiqen nga Lëvizja Vetëvendosje, gjashtë nga Lidhja Demokratike e Kosovës dhe tri nga komunitetet pakicë.Gjatë ditës së djeshme janë bërë të ditur edhe emrat e ministrave nga dy partnerët e koalicionit. /abcnews.al

LDK.jpg
So Nila15:18 | 02/02/2020

Pas arritjes së marrëveshjes për bashkëqeverisjen me Vetëvendosjen, Kryetari i Lidhjes Demokratike të Kosovës, Isa Mustafa ka mbledhur këshillin e Përgjithshëm të LDK-së.

Mustafa në fjalën e tij para anëtarëve të këshillit është shprehur se marrëveshja e arritur për bashkëqeverisje me Lëvizjen Vetëvendosje është bërë në harmoni të plotë me parimet e vendosura më herët për balancim të pushtetit.

Gjithashtu lideri i LDK-së ka arsyetuar edhe rritjen e ministrive duke thënë se mandati i kryeparlamentarit do t’iu takojë me mandat të plotë, kurse posti i presidentit do të diskutohet më vonë me liderin e LVV-së, Albin Kurti.

“Dymbëdhjetë ministri i kanë partnerët kryesor LVV dhe LDK nga gjashtë dhe nga një zëvendëskryeministër dhe tre ministrit e tjera shkojmë për komunitetet dhe ndarja e tyre mbahet në bazë të marrëveshjes së kandidatit për kryeministër me përfaqësuesit e komuniteteve. Nëse shtrohet pyetja se pse është bërë shtimi i numrit të ministrive, unë them se është bërë me propozimin e Kurtit. Ne e kemi vlerësuar në qëndrueshmëri për të mos humbur shumë kohë pas themelimit të Qeverisë që të merremi me organizimin e ministrive se kemi trashëguar 21 ministri edhe janë kthyer në 15. Bashkërisht kemi vlerësuar se do të ishte më problematike dhe do të paguanim më shumë në qoftë se i kemi 12 ministri në emër të kursimeve se sa që i kemi 15 ministri dhe të funksionojnë menjëherë”, tha ai

Ndërkohë Muastafa ndër të tjera ka theksuar faktin se tashmë posti i kryeparlamentarit do t’i takojë LDK-së në mandat të plotë katër vjeçar.  Në fund Këshilli i Përgjithshëm i LDK-së ka votuar pa asnjë votë kundër marrëveshjen VV-LDK./abcnews.al

ilir-meta.jpg
in a10:55 | 02/02/2020

Presidenti i Republikës, Ilir Meta ka përshëndetur miratimin e marrëveshjes mes VV dhe LDK. Në rrjetin social “Facebbok” Meta shkruan se një qeverisje e qëndrueshme është në interes, jo vetëm të Kosovës, por edhe të gjithë rajonit.

“Qeverisë së Kosovës të drejtuar nga z.Albin Kurti i uroj suksese dhe arritje sa më të mëdha në të mirë të Kosovës në sfidat që e presin”, shkruan Meta.

Statusi:

Përshëndes ngrohtësisht arritjen e marrëveshjes për bashkëqeverisje të Lëvizjes Vetëvendosja (LVV) dhe Lidhjes Demokratike të Kosovës (LDK) si dy parti fituese të zgjedhjeve të përgjithshme të 6 tetorit 2019 në Kosovë.
Një qeverisje e qëndrueshme është në interes, jo vetëm të Kosovës, por edhe të gjithë rajonit.
Qeverisë së Kosovës të drejtuar nga z.Albin Kurti i uroj suksese dhe arritje sa më të mëdha në të mirë të Kosovës në sfidat që e presin./abcnews.al

lo.jpg
in a10:05 | 02/02/2020

Lëvizja Vetëvendosje dhe Lidhja Demokratike e Kosovës  zyrtarisht kanë konfirmuar se janë pajtuar për bashkëqeverisje në mandatin 4 vjetët e ardhshme.

Krerët e të dyja partive Albin Kurti e Isa Mustafa në një konferencë të përbashkët për mediat thanë se kjo marrëveshje është në dobi të Kosovës.

“U takuam dhe u dakorduam që të takohemi edhe nesër që ta zgjedhim qeverinë e re. Ne tashmë e kemi nënshkruar marrëveshjen e jemi marrë vesh për të gjitha, edhe për ndarjen e përgjegjësive në kuadër të qeverise së re”, deklaroi Kurti.

Ndërsa Mustafa u shpreh se marrëveshja është në dobi të Kosovës.

“Besojmë se është një marrëveshje e mirë. Në interest ë ndryshimeve që duhet të ndodhin në vendin tonë. Kemi ardhur bashkarisht në një zgjidhje të cilën e vlerësojmë se është zgjidhja e duhur për Republikën e Kosovës”, tha më tej Mustafa.

Sa i përket postit të kryeparlamentarit, Kurti tha se Glauk Konjufca nuk do të jap dorëheqje por do të vijë në ekzekutiv. Ndërsa, nesër VV do të propozojë një emër të LDK-së për kryetar të Kuvendit.

Kurse, Mustafa tha se janë pajtuar që posti i presidentit mos të jetë pjesë e kësaj marrëveshje.

Qeveria Kurti do t’i ketë 15 ministri dhe 33 zëvendësministra.

“Deputetët e Kuvendit të Kosovës pritet të votojnë të hënën qeverinë e re Kurti, dy ditë pa u bërë 4 muaj nga zgjedhjet e parakoshme në Kosovë pas dorëheqjes së Ramush Haradinajt nga posti i kryeministrit në korrik të 2019-ës”, deklaroi Kurti.

Tashmë deputetët e Kuvendit të Kosovës pritet të votojnë qeverinë e re Kurti të hënën me 3 shkurt./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono