holanda
nev ila14:40 | 24/03/2020
27 ministrat e Bashkimit europian kanë dhënë mbështetje politike për hapjen e negociatave më Shqipërinë dhe Maqedoninë e Veriut.
Siç raporton gazetarja e ABC News Erisa Zykaj nesër fillon procedura me shkrim e cila duhet të përfundojë brenda darkës të së mërkurës në mënyrë që ky tekst të jetë gati për aprovimin e 27 kryetarëve të shteteve të qeverive të Bashkimit Europian dhe të bëhet më pas zyrtar.
Ky vendim bëhet zyrtar vetëm pas aprovimit të krerëve të qeverive të BE të 27 vendeve në datën 27 mars.
Një vendim i shumë pritur prej 6 vitesh nga Shqipëria dhe me shtyrje të herëpashershme gjatë këtyre viteve. Gëzimin për këtë lajm nuk e kurseu as komisioneri për zgjerimin Oliver Vaherleyi me anë të një mesazhi përcjellë në llogarinë e tij në Twitter.
Për këtë ka reaguar edhe ministri të çështjeve europiane të Gjermanisë Michael Roth i cili ka mundur të bindë Holandën.
Gjermania ndërkohë ka bindur të gjithë shtetet anëtare duke përfshirë edhe Francën që ishte skeptike. Oliver Varlei ka provuar se ka bërë diferencën krahasuar me komisionerë të mëparshëm siç ishte Johanes Hahn i cili nuk ke ka patur prioritet këtë.
Tashmë mund të themi se dera e BE është hapur, për të dy vendet. Dhe këto dy vende mund të shkojnë drejt kësaj rruge me ritmin e tyre duke mbërritur në fund të këtij rrugëtimi si anëtare të Bashkimit Europian.
Për Maqedoninë e Veriut është marrë rekomandimi për çeljen pa kushte të negociatave ndërkohë për Shqipërinë do të marrë më shumë kohë.
Janë 3 kushtet kryesore që i janë vënë Shqipërisë për hapjen e negociatave që kanë të bëjnë me aprovimin e reformës zgjedhore sipas rekomandimeve të OSBE/ODIHR, së dyti me ngritjen dhe funksionimin e Gjykatës së Lartë dhe asaj kushtetuese, së treti ka të bëjë me përfundimin e strukturave të specializuara lidhur me luftën e krimit të organizuar./abcnews.al
Klejdi Kaimi13:39 | 20/03/2020
Pasi e refuzoi ofertën e Barcelonës në janar, Ronald Koeman, shpreson që një ditë të jetë në stolin e katalanasve. Në një intervistë të fundit, trajneri i Holandës, tregon pse nuk mori vendin e Valverdes, siu dhe foli për situatën e Barcelonës dhe jo vetëm.
“E vetmja arsye pse e refuzova ofertën e Barcelonës ishte Holanda. Nuk është se kisha frikë nga situata që po kalonin ata. Katalanasit gjithmonë do të fitojnë, pasi kanë lojtarë të klasit botërorë në gjirin e tyre. Në një moment tjetër do ta pranoja, të gjithëve i pëlqen Barça. Nuk ka rëndësi situata ku janë. Qyteti gjithashtu është shumë i bukur dhe shpresoj që një ditë të jem unë trajneri”, shpjegon Koeman.
“Duhet ta pranojmë që kanë disa probleme. Zotërimi i topit nuk vlen fare nëse gjatë gjithë lojës krijon vetëm tre ose katër raste për gol. Një ekip ka nevojë për një lojtar të shpejtë. Të gjithë e pame se çfarë i bërë Vinicius në El Clasico. Ansu Fati po bën shumë mirë dhe i ka të gjithë mundësitë për t’u bërë një lojtar i madh”, deklaron holandezi.”
“De Jong? Është e rëndësishme që ai po luan, edhe pse jo në pozicionin e tij të preferuar. Në kombëtare ai luan në zona më të thella, ndërsa te Barcelona janë katër lojtarë që e bëjnë atë. Pozicioni që po luan tani është ndryshe nga ai që luan në kombëtare dhe nga ajo që luante tek Ajaxi. Frenkie po mëson, por prapë mendoj se nuk është në pozicionin ku ai mund të japë më të mirën”, mbyll Koeman. /abcnews.al
nev ila14:31 | 25/02/2020
Erisa Zykaj-Bruksel
“Drita jeshile për metodologjinë e re të zgjerimit nuk është dritë jeshile automatike për hapjen e negociatave të anëtarësimit me Shqipërinë dhe Maqedoninë e Veriut”. Ky është qëndrimi që kanë përcjellur ministrat e jashtëm të Holandës dhe Francës pas prezantimit të metodologjisë së rishikuar të zgjerimit të Komisionit Europian në takimin e ministrave të jashtëm të Bashkimit Europian në Bruksel. Kërkohet unanimitet në gjirin e 27 vendeve anëtare për metodologjinë e re dhe vlerësim pozitiv nga Komisioni Europian i reformave tê shtetit ligjor, gjyqësorit dhe reformës zgjedhore në Shqipëri dhe Maqedoninë e Veriut:
“ Ne sot kemi folur për metodologjinë e re të zgjerimit të Komisionit Europian me kritere më të rrepta lidhur me korrupsionin dhe shtetin ligjor. Metodologjia e re mbështet nga Holanda. Por nuk kemi folur për reformat në dy vendet. Ne presim së pari raportin e Komisionit Europian për të patur një qëndrim të qartë”, u shpreh Stef Blok, ministër i jashtëm i Holandës.
Pyetje: Pra, metodologjia e re mbështet, por kjo nuk do tê thotë dritê jeshile për dy vendet ?
“Qartësisht, nuk ka ende dritë jeshile për dy vendet. Drita jeshile vjen kur tê përmbushen kriteret. Për Holandën, Maqedonia e Veriut ka përmbushur kushtet, por për Shqipërinë presim më shumë rezultate”, tha Blok.
Ndërsa, Amélie de Montchalin, Sekretare e shtetit francez për Çështjet Europiane u shpreh : Komisioneri Varhelyi na tha që do tê na prezantojë ditët e ardhshme vizionin e Komisionit mbi reformat e shtetit ligjor, gjyqësorin, reformën zgjedhore në Shqipêri dhe Maqedoninë e Veriut. Ne presim këto raporte.
Ai na przeantoi metodologjinë e re. Franca është shumë e kënaqur me këtë metodologji. Pozicioni i Francës është i thjeshtë. Nëse kemi një marrëveshje të 27 vendeve anëtare për metodologjinê e re tê Komisionit Europian dhe nëse raporti i Komisionit Europian flet për konsolidimin e progresit në reforma që kemi kërkuar në qeshor të 2018, atëherë ne mund të marrim një vendim brenda një kuadri të ndryshëm nga ai i tetorit të vitit të shkuar .
Edhe presidenca kroate pret raportin e Komisionit Europian pêr hapjen e negociatave të anëtarësimit me Shqipërinë dhe Maqedoninë e Veriut në fillim të marsit:
“Metodologjia e re e Komisionit Europian u mirêprit nga tê gjitha shtetet anëtare. Një mbêshtetje vërtet e madhe për metodologjinë, si edhe mbêshtetje pêr tre shtyllat ku ajo bazohet, përfshirê hapjen e negociatave tê anëtarësimit me Shqipêrinë dhe Maqedoninë e Veriut dhe fokusi për reformat ekonomike”, shprehet Maros Sefcovic, zv/president i Komisionit Europian.
Kurse, Andreja Metelko- Zgombiç: sekretarja e shtetit për çështjet europiane të Kroacisë thekson:
“Atê për të cilën ramë dakort, është që kur të marrim raportin e rifreskuar të Komisionit Europian mbi progresin zhvillimet e fundit në Shqipêrinë dhe Maqedoninë e Veriut, atëherë do kemi një diskutim që mund të na ndihmojë në arritjen e njê vendimi pozitiv për hapjen e negociatave me Maqedoninê e Veriut dhe Shqipërinë”.
Ndërsa, Ministri i shtetit gjerman për Europën, Michael Roth ka një mendim disi ndryshe.
“Shpresojmë që mund t’i përmbahemi premtimeve tona dhe të dërgojmë një sinjal pozitiv për zgjerimin me vendet e Ballkanit. Presim që raporti i Komisionit Europian mbi zhvillimet e fundit lidhur me reformat luftën kundër korrupsionit dhe krimit të organizuar në Shqipëri dhe Maqedoninë e Veriut të përbëjë bazê të mirë për marrjen e vendimit lidhur me të dyja vendet. Mbetemi optimist”, shprehet ai.
Interesi kryesor i shteteve anëtare kritike për hapjen e negociatave të anëtarësimit me Shqipërinë, si Holanda, Franca dhe Danimarka për progres-raportin e Komisionit Europian është ecurina e reformave lidhur me forcimin e shtetit ligjor dhe luftës kundër korrupsionit dhe krimit të organizuar në Shqipëri. /abcnews.al
ger ta18:03 | 14/02/2020
Holanda do të dhurojë 3 milion euro për Shqipërinë pas pasojave të tërmetit tragjik. Lajmi është bërë me dije nga ministri i Jashtëm holandes, Stef Blok.
Minsitri ka thënë mes të tjerash se Holanda është e angazhuar të mbështesë Shqipërinë, për pasojat që la tërmeti tragjik i 26 nëntorit, i cili shënoi 51 viktima, qindra të plagosur, ndërsa qindra ndërtesa u kthyen të pabanueshme.
“Tërmeti shkatërrues që goditi Shqipërinë vitin e kaluar na tronditi të gjithëve. Kam parë pamje të trishtueshme, ndërsa Kryeministri Rama dhe kolegu im Cakaj më kanë treguar histori që të thyenin zemrën për qytetarët shqiptarë që ranë viktimë e kësaj fatkeqësie. Vendet janë të përkushtuara fort që të ndihmojnë Shqipërinë në përpjekjet për rindërtim. Në solidaritet me popullin shqiptar Vendet e ulëta do të dhurojnë 3 milionë euro për rindërtimin”, tha Blok. /abcnews.al
🇳🇱stands next to 🇦🇱in the aftermath of the earthquake and will donate €3 million for reconstruction efforts. #together4albania pic.twitter.com/mq2G2m6sWp
— Stef Blok (@ministerBlok) February 14, 2020
So Nila15:45 | 17/01/2020
‘Wharton School’ në Universitetitn e Pennsylvania në SHBA çdo vit rendit vendet ku është më mirë të rrisësh një fëmijë. Në këtë studim u analizuan 73 vende nga kontinente të ndryshme të botës si Azia, Europa, Amerika, Afrika dhe Lindja e Mesme.
Vlerësimi u bazua në parametra të tillë si cilësia dhe kostot e arsimit, mbrojtja e të drejtave të njeriut, siguria e qytetarëve dhe mëmësia.
Këtë vit vendi i parë mbahet nga Danimarka, pastaj Suedia, në vend të tretë Norvegjia, në të katërtin Kanadaja dhe të pestin, Holanda.
5.Holanda
Hollanda u ngjit në një pozicion këtë vit në vendin 5 më të mirë për rritjen e fëmijëve.
Në Holandë, ekzistojnë mënyra të ndryshme që punonjësit mund të marrin pushime ligjore, sipas Agjencisë Hollandeze të Ndërmarrjeve. Nënat kanë të drejtë për katër deri në gjashtë javë pushim të shtatëzanisë (para datës së caktuar) dhe të paktën 10 javë pushim të lehonisë (pas lindjes).
4.Kanada
Në Kanada, punonjësit të mbuluar nga Kodi i Punës kanë të drejtë të marin leje të lehonisë deri në 17 javë. Nëse të dy prindërit kujdesen për një fëmijë të porsalindur ose të birësuar rishtazi, ata kanë të drejtë në një periudhë të kombinuar të pushimit prindëror jo më shumë se 63 javë.
3.Norvegji
Si vendet e tjera nordike, Norvegjia ka politika bujare për pushimet prindërore. Nënat mund të marrin 46 javë me pagë të plotë ose 56 javë me pagë 80%, sipas Forumit Ekonomik Botëror.
2.Suedi
Suedia zbriti një pozicion në këtë renditje. Secilit prind i lejohet 480 ditë leje e paguar sigurisht dhe 90 prej atyre ditëve janë të rezervuara për secilin prind, sipas sweden.se, faqja zyrtare e Suedisë.
1.Danimarka
Danimarka mban numrin 1 në këtë renditje. Europa, faqja zyrtare e Bashkimit Evropian, e quan sistemin danez të lejes së prindërve “ndër më zemërgjerët dhe fleksibël në BE”. Të dy prindërve u jepet 52 javë pushim prindëror të paguar dhe nënat kanë të drejtë për katër javë pushim të lehonisë përpara se të fillojnë punën./abcnews.al
Igli Nikolli21:31 | 19/12/2019
Stefan De Vrij është një nga pikat më të forta të defensivës së Interit dhe këtë sezon është aktivizuar në 20 ndeshje mes kampionatit dhe Champions League, teksa numëron edhe një gol të shënuar. Ndryshe ndodh në kombëtare, aty ku 27-vjeçari holandez përballet me një konkurrencë shumë të fortë.
Van Dijk dhe De Ligt janë dy të preferuarit e trajnerit Roland Koeman. “Tulipanët” kanë një brez shumë të mirë mbrojtësish, mes tyre është edhe Nathan Ake, 24-vjeçari që luan te Bouremouth. Trajneri i Holandës ka folur troç për Voetbal International. Elozhet për De Vrij dhe Ake nuk mungojnë, por titullarët janë të tjerë.
“De Vrij dhe Nathan Ake janë dy mbrojtës të shkëlqyer. Njëri ndodhet në krye me Interin në Itali, ndërsa tjetri luan prej vitesh në Premier League dhe mund të përmirësohet akoma. Por më pas gjendesh përpara emrave si Matthijs De Ligt dhe Virgil Van Dijk“, thekson trajneri i kombëtares holandeze. /abcnews.al
Igli Nikolli18:53 | 30/11/2019
Kosova ka mësuar kundërshtarët e mundshëm në Euro 2020, gjithmonë nëse ia del të fitojë dy finalet e mbetura në Nations League. Dardanët do të përballen me Maqedoninë në fund të marsit, teksa në finale i pret njëra prej Gjeorgjisë ose Bjellorusisë.
Të dy ndeshjet do të zhvillohen në transfertë për fat të keq, por djemtë e Challandes nuk duan të humbasin këtë mundësi të artë.
Nëse ia del, Kosova do të bëjë pjesë ne grupin C. Holanda, Ukraina dhe Austria janë tre skuadrat që shorti i ka vënë në këtë grup dhe këto mund të jenë kundërshtarët e skuadrës dardane. /abcnews.al
Veronik Istrefaj21:35 | 20/11/2019
Në Holandë, kanë vendosur të veprojnë kundër racizmit. Kampionati holandez i futbollit, Euredivisie, si dhe kategoria e dytë, Eerstedivisie, kanë rënë dakord që të mos e luajnë minutën e parë të çdo ndeshje, si dhe të shpërndajnë banderola anti-racizëm.
Një nga banderolat që do të jetë e pranishme në çdo stadium dhe që do të shpaloset gjatë minutës së parë, do të jetë: “Bëni veprime raciste? Atëherë nuk ka futboll!” Sot, të gjithë drejtuesit e klubeve holandeze kanë bërë një mbledhje për të diskutuar për këtë çështje dhe është arritur në këtë përfundim.
Duket se Holanda ka vendosur të veprojë dhe jo thjesht të dalë kundër racizmit në rrjetet sociale. Një shtet për t’u marrë shembull!/abcnews.al
Klejdi Kaimi11:29 | 17/11/2019
Holanda arriti të sigurojë kualifikimin për në Euro 2020 pas barazimit pa gola kundër Irlandës së Veriut. Një ndeshje për t’u harruar për holandezët, ku vendasit humbën dhe një penallti në pjesën e parë. Përpos rezultatit legjenda e kombëtares, Marco Van Basten, është i lumtur për kualifikimin dhe pret më shumë nga ekipi gjatë Europianit.
‘’Ishte një ndeshje e dobët nga ana jonë. Pas 30 minutash lojë unë vendosa të shikoj Netflix sepse nuk po arrija ta shikoja më ndeshjen, ishte e mërzitshme”, deklaron holandezi për programin “Goedemorgen Oranje” në FOX Sports.
‘’Më pëlqen të shikoj futboll. Ekipi jonë kombëtar është rritur nga ndeshja në ndeshje dhe e meritoi kualifikimin. Lojtarët janë më të bashkuar se kurrë dhe kjo duket në fushën e lojës. Jemi një ekip më i mirë tani dhe lojtarët duhet ta shijojnë këtë moment. Thjesht duhet të luajnë futboll’’, mbyll Van Basten. /abcnews.al
Igli Nikolli16:25 | 16/11/2019
Antonio Conte ka marrë një lajm të keq nga Holanda. Stefan De Vrij ka pësuar një dëmtim në seancën stërvitore të kombëtares së tij. “Tulipanët” zbresin sonte në fushë dhe do të luajnë kundër Irlandës së Veriut në transfertë.
Një ndeshje deçizive për miqtë, të cilët kualifikohen edhe me barazim. De Vrij do të mungojë në këtë ndeshje, teksa nuk do të jetë i pranishëm as në pankinë.
Mbrojtësi zikaltër ndjen shqetësime fizike dhe trajneri e tifozët e Interit shpresojnë që të mos jetë asgjë serioze. Gjendja e tij do vlerësohet më imtësisht në orët e ardhshme, pasi të kryejë kontrolle të detajuara mjekësore. /abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
23:48 | 02/04/2020
23:30 | 02/04/2020
