holanda

KRONIKE-LLESHAJ-AVRAMOPULOS.mpg_snapshot_00.23-1280x720.jpg
ad min17:43 | 09/10/2019

Konferenca e shtypit e Komisionerit për Migracionin dhe Punët e Brendshme, Dimitris Avramopoulos dhe ministrit të Brendshëm të Shqipërisë, Sandër Lleshaj, nxorri në pah këndvështrimet e ndryshme mbi çështjen e luftës kundër krimit të organizuar dhe problematikës së azilkërkuesve shqiptarë. Lidhur me skepticizmin e Holandës, ministri Lleshaj konsideron se problemi i krimit të organizuar është një çështje perceptimi i zmadhuar i realitetit, pasi krimi i ushtruar nga personat që mbajnë pasaportën shqiptare dhe kryejnë krime në Holandë është shumë i vogël krahasuar me vende të tjera të Bashkimit Europian.

Sandër Lleshaj, Ministër i Brendshëm: “Perceptimi është ai që është. Është një perceptim i zmadhuar i realitetit. Jemi përpjekur ta sqarojmë dhe më shumë  dhe po përpiqemi për të ndërtuar mekanizma bashkëpunimi, për të adresaur këtë problem për krime që kryhen në Holandë dhe juridikisht janë përgjegjësi e Holandës. Por ne ndjejmë përgjegjësi për këtë”.

Lidhur me pyetjen e ABC News, se pse nuk janë arrestuar krerët e strukturale kriminale pas kapjes së sasive të mëdha të kokainës në Shqipëri, por vetëm ekzekutuesit e urdhrave, ministri Lleshaj konsideron se janë kapur shumë peshq të mëdhenj. Ndërkohë që komisoneri Avramopolous njeh progresin në operacionin e goditjes së drogës, por bën thirrje për rritjen e hetimeve dhe dënimeve të kriminelëve.

Sandër Lleshaj, Ministër i Brendshëm: “Nuk e di se ç’quani ju peshq të mëdhenj. Ne mendojmë se u kemi dhënë fre grupe të organizuara dhe kemi kapur dhe sasi të mëdha kokaine në bashkëpunim me shtetet anëtare si Greqia. Nuk e di nëse ju quani peshq të mëndhenj ndërkombëtarë ata që kontrollojnë kokainën në vend. Ndoshta këta mund të jenë peshq të mëdhenj. Por për mendimin tonë, ne kemi kapur shumë peshq të mëdhenj në kuadër të krimit të organizuar”.

Dimitris Avramopoulos, komisioner për migracionin: “Fakti që operacionet kundër krimit të organizuar janë në vazhdimësi në Shqipëri janë si rrjedhojë edhe e bashkëpunimit të vendeve anëtare të Bashkimit Europian, kjo është gjë e mirë. Por hetimet dhe ndjekjet penale duhet të jenë më të thella. Duhet që të goditen grupet kriminale dhe për kriminelët të ketë dënimet përfundimtare në Gjykatë”.

Për azilkërkuesit, statistikat e ministrit Lleshaj ndyshojnë nga ato të komisionerit Avramopoulos. Ministri Lleshaj flet për një rënie konsekutive të numrit të azilkërkuesve në zonën Shengen, ndërkohë që komisioneri Avramopoulos flet për një rritje të lehtë këtë vit.

Sandër Lleshaj, Ministër i Brendshëm: “Në të gjithë zonën Shengen ka një rënie të vazhdueshme dhe eskpotenciale të numrit të azilkërkuesve shqiptarë me një anomali në Francë. Kjo lidhet me politikat e ndryshme që ndjek Franca”

Dimitris Avramopoulos, komisioner për migracionin: “Në gjysmën e parë të këtij viti, ka patur një rritje të lehtë të azilkërkuesve shqiptarë. Ndaj Shqipëria duhet të vazhdojë të verë në zbatim ato masa që ka aprovuar dhe të vazhdojë të punojë me të gjitha shtetet anëtare dhe marrëveshjet e ripranimit duhet të funsionojnë mirë. Lidhur me aktivizimin e mekanizimit të pezullimit të vizave, pas njoftimit të marrë nga Holanda ne arritëm në përfundimin, se nuk përmbushen rrethanat për aktivizimin e këtij mekanizmi. Por unë i bëj thirrje autoriteteve shqiptare që të marrin masa të sigurojnë këtë dhuratë që u është bërë nga Bashkimi Europian”.

Lidhur me pyetjen e ABC News, nëse ka siguri 100% që ky mekanizëm nuk do aktivizohet nëse ka njoftim nga autoritetet franceze, komisioneri Avramopoulos është përgjigjur:

“Unë isha i qartë se ne nuk duam të aktivizojmë këtë mekanizëm.. Mos më drejtoni pyetje lidhur me 100% siguri. Nuk mund të kesh siguri 100% për asgjë në jetë”.

Konferenca e shtypit është zhvilluar në vijim të nënshkrimit të marrëveshjes mbi luftën kundër terrorizmit midis komisionerit Dimitris Avramopoulos dhe Ministrit të Brendshëm të Shqipërisë, Sandër Lleshaj  Kjo marrëveshje është pjesë e planit të përbashkët të veprimit për luftën kundër terrorizmit midis BE-së dhe Ballkanit Perëndimor. Ky plan kërkon veprime ambicioze dhe konkrete për të arritur 5 objektiva kundër terrorizmit, përfshirë parandalimin dhe kundërveprimin e radikalizmit, shkëmbimin efektiv të informacionit, luftimin e financimit të terrorizmit dhe mbrojtjen e qytetarëve.  /ABC News Albania 24/7

OK-HOLANDA-MBYLL-DEREN-M1T1.mpg_snapshot_00.03-1280x720.jpg
ad min22:21 | 08/10/2019

10 ditë para vendimit të Këshillit Europian për negociatat e Shqipërisë me BE-në,  Holanda duket se nuk e mbështet nisjen e bisedimeve mes Tiranës dhe Brukselit. Por gjatë një seance pyetjesh ne komisionin e jashtëm të parlamentit holandez, ministri i Jashtëm Stef Blok shmangu një përgjigje të drejtpërdrejtë për veton ndaj Shqipërisë.

Qeveria holandeze konsideron se Shqipëria nuk është gati për hapjen e negociatave të anëtarësimit në Bashkimin Europian.  Ministri i Punëve të Jashtme të Holandës, Stef Blok e bëri këtë deklaratë në komisionin parlamentar për çështjet europiane të Parlamentit holandez, i pyetur nga deputetë holandezë, nëse duhen hapur negociatat e anëtarësimit me Shqipërinë ose jo.

Por ende nuk ka një “jo” të prerë nga ky vend. Blok nuk e ka shtjelluar përgjigjen e tij, duke lenë tê paqartë nëse Holanda do të vendosë veton për Shqipërinë në takimin e Ministrave të Punëve të Jashtme në 15 Tetor apo samitin e liderëve europianë në 18 Tetor.

Ministri shmangu një përgjigje të drejtpërdrejtë për veton ndaj Shqipërisë, por ndryshe nga përgjigjja për Maqedoninë, la të kuptohet se Shqipëria nuk është në nivelin e duhur për hapjen e negociatave. Pas pyetjes të tre partive të koalicionit qeveritar nëse mbetet në fuqi mocioni i aprovuar nga 2/3 e deputetëve holandezë për Shqipërinë, ai është shprehur se ky mocion mbetet në fuqi.

Kjo nënkupton, se qeveria holandeze mbështet Parlamentin holandez kundër hapjes së negociatave të anëtarësimit me Shqipërinë, të aprovuar në Qershor të këtij viti. Menjëherë pas përfundimit të seancës në komisionin e Jashtëm të Parlamentit në Holandë, Ambasada holandeze në Tiranë, përcolli përmes një deklarate për mediat qëndrimin zyrtar të Ministrisë së Jashtme në Holandë.

Në të theksohet se vendet kandidate duhet të përmbushin kushtet strikte përpara se të bëjnë një hap tjetër në procesin e integrimit. Në datën 15 Tetor, Këshilli i Ministrave do të diskutojë në Luksemburg në lidhje me zgjerimin dhe do të vendosë në mënyrë unanime.

“Holanda, – theksohet në deklaratën e ambasadës së këtij vendi në Tiranë, – po ndjek në mënyrë kritike progresin në Shqipëri dhe Maqedoninë e Veriut dhe është e mendimit se Këshilli duhet të vleresojë secilin vend sipas meritave të veta.

Këshilli ka parashtruar një sërë kriteresh për t’u përmbushur nga Shqipëria përpara hapjes së negociatave.

“Holanda e mirëpret punën e madhe dhe hapat e ndërmarra në vitin e fundit. Holanda mendon se duhet bërë më shumë punë në luftën kundër korrupsionit dhe krimit të organizuar”, përfundon qëndrimi i ambasadës së Holandës në Tiranë./ABC NEws Albania 24/7

ministret-e-rames-1280x737.jpg
ent ela18:15 | 08/10/2019

Holanda është një prej vendeve që mund të rrezikojë negociatat e Shqipërisë, për shkak të shqetësimit të saj me bandat kriminale shqiptare. Koha për t’i ndryshuar mendje këtij vendi është duke skaduar, dhe më momentet e fundit qeveria e Edi Ramës ka vënë në lëvizje 8 ministret gra, të cilat i kanë shkruar një letër Holandës. Ato kërkojnë që të hapen negociatat, duke renditur si sukses numrin e lartë të grave në qeveri.

Nga kuzhina diplomatike e qeverisë është servirur këtë javë një  asortiment i ri: superfuqia e grave.

Një letër që mban firmat e 8 ministreve femra të Edi Ramës  i drejtohet parlamentit dhe qeverisë së Holandës, duke ju kërkuar të mos na bllokojnë integrimin.

Nuk dihet nëse ministret janë ulur bashkë në bankën e qeverisë dhe kanë përpiluar këtë letër, apo kanë shkuar vec për ta firmosur në paradhomën e kryeministrit, por ajo që vihet re, është se ministret kanë këtë argument kryesor:

“Ne jemi krenare të ndajmë me ju faktin se vetëm disa ditë më parë, Organizata e Grave të Kombet e Bashkuara e njohu Shqipërinë si një nga pesë vendet më të mira në botë me kabinetet më të ekuilibruara gjinore. Tetë nga 15 ministri në Qeverinë shqiptare mbahen nga gra”.

Holanda nuk ka shprehur ndonjëherë shqetësim për barazinë gjinore në Shqipëri, megjithëkëtë, Olta Xhacka, Anila Denaj, Belinda Balluku, Besas Shahini, Etilda Gjonaj, Elva Margariti, Ogerta Manastirliu dhe Elisa Spiropali,  e shtrijnë dhe më tej argumentin, duke shënuar si sukses Arta Markun dhe Donika Prelën, jo për punën, por për gjininë.

“Në ditët e sotme, gratë përbëjnë të paktën 50% të të gjitha këshillave bashkiakë dhe 60% të të gjitha pozicioneve të larta në sektorin publik. Në të vërtetë, ato drejtojnë të gjitha institucionet kryesore që janë duke luftuar për të konsoliduar sundimin e ligjit në Shqipëri: Ministrinë e Drejtësisë, Prokurorinë e Përgjithshme dhe Prokurorinë e Krimeve të Rënda”.

Në 4 faqe letër, ministret e Edi Ramës i kërkojnë Holandës të mos lejojnë që forcat e errëta të bllokojnë prespektivën evropiane të Shqipërisë.

mark-rutte-1280x852.jpg
nev ila22:25 | 02/10/2019

Kryeministri i Holandës, Mark Rute ka rikonfirmuar skepticizmin e vendit të tij lidhur me hapjen e negociatave të anëtarësimit.

Në një konferencë shtypi me kancelaren Merkel, Rute është shprehur i shqetësuar për mungesën e progresit në Shqipëri dhe ka deklaruar se do ta diskutojë çështjen me partnerët europianë.

Holanda është e shqetësuar për mungesën e progresit në Shqipëri dhe ka vendosur ta diskutojë rastin e vendit tonë në takimet e ardhshme me vendet e tjera anëtare të BE-së.

Kështu ka deklaruar kryeministri holandez Mark Rute, pas një takimi të zhvilluar me kancelaren gjermane Angela Merkel, kur u pyet posaçërisht për negociatat e anëtarësimit me Shqipërinë dhe Maqedoninë e Veriut.

Ne jemi po aq të shqetësuar sa edhe vendet e tjera. Për Maqedoninë e Veriut njëçikë më pak dhe për Shqipërinë pak më shumë. Pyesim veten se sa progres është arritur në Shqipëri dhe në këtë aspekt jemi shumë të shqetësuar. Prandaj do ta diskutojmë këtë çështje me partnerët tanë europianë në javët e ardhshme. Maqedonia e Veriut ka arritur më shumë se sa Shqipëria dhe kjo do të jetë në fokus të bisedimeve, tha kryeministri holandez Rutte.

Deri më tani Holanda është shprehur skeptike për hapjen e negociatave të anëtarësimit me Shqipërinë.

Pak ditë më parë, ministri i Jashtëm, Stef Blok deklaroi se për çeljen e këtij procesi është ende herët dhe se rasti i Shqipërisë duhet të trajtohet më vete nga ai i Maqedonisë së Veriut./ABC News Albania 24/7

gent-ibrahimi-1280x725.jpg
ad min10:16 | 01/10/2019

Kryetari i KLP, Gent Ibrahimi zhvillon këto ditë një vizitë punë në Holandë në kuadër të informimit të qeverisë holandeze mbi progresin në zbatimin e reformës në drejtësinë dhe ngritjes së institucioneve të reja ligjizbatuese në luftën kundër korrupsionit dhe krimit të organizuar para vendimit që Këshilli i Europës pritet të marrë këtë muaj përsa i përket hapjes së negociatave me Shqipërinë. Holanda është një nga vendet skeptike brenda Bashkimit Europian e pozicionuar qartë kundër procesit të zgjerimit me vendet të Ballkanit Perëndimor.

Në takimin zhvilluar në Qendrën për Bashkëpunim Ligjor Ndërkombëtar (Center for International Legal Cooperation) me selinë në Hagë me drejtuesin e saj, Willem van Nieuwkerk është nënvizuar nevoja për një veprim të menjëhershëm, koherent dhe efikas në implementimin e reformës në drejtësisë me ngritjen e prokurorisë speciale SPAK dhe Byrosë Kombëtare të Hetimit (BKH). Gjithashtu Nieuwkerk ka theksuar faktin se Holanda pret rezultate reale në luftën kundër korrupsionit, krimit organizuar, konfiskimi i aseteve me burim të paligjshëm dhe vendosja para drejtësisë të personave të inkriminuara.

Kryetari i KLP-së paraqiti punën e deritanishme të Këshillit, risitë dhe vështirësitë që përballojë sistemi i drejtësisë në Shqipëri gjatë zbatimit të reformës. Si një nga hartuesit të saj, Ibrahimi ka ofruar shpjegime për mënyrën e re të zgjedhjes se Prokurorit të Përgjithshëm dhe prokurorëve të SPAK nga ana e Këshillit të Lartë të Prokurorisë, duke vlerësuar kriteret të meritës, integritetit dhe profesionalizmit të kandidatëve për këtë pozicion.

Kreu i KLP-së tha se Shqipëria ka bërë hapa para në zbatimin e reformës në drejtësisë duke ndërtuar një sistem të ri, të pavarur dhe pa ndikuar politikisht, në të cilin publiku të ketë besim dhe i cili të vijë në përmbushjen e pritshmërisë së tij sepse populli shqiptar tregon se pret me padurim funksionimin dhe rezultatet nga institucione të reja të drejtësisë.

Ibrahimi është shprehur se hapja e negociatave do të ishte një garant se reforma po ecën në drejtimin e duhur dhe Shqipëria ka nevoje për ekspertizën dhe mbikëqyrjen e faktorit ndërkombëtar gjatë këtij procesit shpeshherë të komplikuar për shkak të aktorëve të shumtë të përfshirë dhe afateve kohore të paracaktuara.

Kryetari Gent Ibrahimi kërkoi vazhdimin e asistencës dhe ekspertizës juridike holandeze për zbatimin e reformës në drejtësinë dhe ngritjen e institucioneve te reja, SPAK dhe BKH. Gjatë qëndrimit në Hagë, Ibrahimi ka parashikuar takime me ekspertë ligjor të EUROJUST dhe një bisedë të hapur me rreth 70 gazetarë, pedagogë dhe aktivistë të të drejtave të njeriut mbi sfidat të ndryshimit gjatë zbatimit të reformës në drejtësisë në Shtëpinë e Europës (House of Europe).

Gjithashtu, Gent Ibrahimi pritet të takohet me Prokurorin e Përgjithshëm të Mbretërisë së Holandës, Gerrit van der Brug dhe Presidentin e Këshillit të Lartë të Gjyqësorit të Mbretërisë së Holandës Henk Navis./abcnews.al

bashkimi-eurpian.jpg
ad min13:41 | 30/09/2019

Holanda dhe Franca pritet të bëjnë të njohur të mërkurën qëndrimin që do të mbajnë në tetor për negociatat e anëtarësimit në BE të Shqipërisë dhe Maqedonisë së Veriut. Nëse Hollanda i qëndron, JO-së për Shqipërinë, atëherë Bashkimi Europian pritet të shkohet drejt ndarjes së vendimarrjes për Maqedoninë e Veriut  dhe Shqipërisë.

Franca dhe Holanda do të japin qëndrimin e tyre për hapjen e negociatave me Shqipërinë dhe Maqedoninë e Veriut të mërkurën, gjatë takimit të ambasadorëve të përhershëm të Bashkimit Europian në Bruksel. Këtë e kanë bërë të ditur për ABC News burime zyrtare të Bashkimit Europian.

Sipas këtyre burimeve, pas votimit në Bundestag për hapjen e negociatave të anëtarësimit me Maqedoninë e Veriut dhe hapje të kushtëzuar të negociatave për Shqipërinë, pritet që të mërkurën Franca t’i bashkangjitet qëndrimit gjerman. Franca, që ka qëndruar hermetike lidhur me dosjen e Shqipërisë dhe Maqedonisë së Veriut pritet të japë një PO për Maqedoninë e Veriut dhe një Po tê kushtëzuar për Shqipërinë.

Ndërkohë, nuk dihet ende nëse qëndrimi i Holandës do të jetë ai i shprehur së fundmi nga ministri i punëve të jashtme, Stef Blok. Në komisionin për çështjet europiane të Parlamentit hollandez, Stef Blok  është shprehur, se nuk ka surpriza lidhur me hapjen e negociatave për Shqipërinë, pasi qëndrimi mbetet ai i verës. Ai i është referuar mocionit të aprovuar nga Parlamenti hollandez në qershor të këtij viti kundër hapjes së negociatave të anëtarësimit me Shqipërinë. Blok ka shtuar se Shqipëria do të hapë negociatat e anëtarësimit kur të pëmrbushë kushtet. Ndërkohë që Maqedonia e Veriut duhet të vlerêsohet në mënyrë të pavarur.

Takimi i ambasadorëve të përhershëm të Bashkimit Europian zhvillohet në Bruksel të mërkurën. Nëse Hollanda i qëndron, Jo-së për Shqipëirnë, atëherë Bashkimi Europian pritet të shkohet drejt ndarjes së vendimarrjes për Maqedoninë e Veriut  dhe Shqipërisë. Ky takim i paraprin mbledhjes se ministrave të jashtëm të Bashkimit Europian që zhvillohet nê 15 tetor në Luksemburg, ku do të merret edhe vendimi pêr Maqedoninë e Veriut dhe Shqipërinë. /ABC News Albania 24/7

stef_blok-780x405.jpg
ent ela13:09 | 29/09/2019

Holanda ka paralajmëruar se do të vendosë bllokadë ndaj hapjes së negociatave për Shqipërinë. Ministri i Jashtëm, Stef Blok ka deklaruar se vendi ynë duhet më parë të plotësojë kushtet e Këshillit Europian, ndryshe nga Maqedonia e Veriut, që sipas tij ka arritur një progres të qëndrueshëm.

Holanda pritet të bëhet sërish pengesë për hapjen e negociatave të anëtarësimit mes Shqipërisë dhe Bashkimit Europian. Në një seancë të komisionit për çështjet europiane në Parlamentin holandez, ministri i Jashtëm Stef Blok ka deklaruar se vendi ynë duhet të plotësojë më parë 5 kushtet e vendosura nga Këshilli Europian. Ndërkohë, sa i takon Maqedonisë së Veriut, Blok ka vlerësuar se progresi i saj ka qenë i mjaftueshëm dhe ka shtuar se, si rast duhet të trajtohet më vete nga ai i Shqipërisë.

Stef Blok, ministër i Jashtëm i Holandës: “Zgjerimi është sërish në agjendën e tetorit. Jam i lumtur t’u përgjigjem pyetjeve që më janë bërë, por nuk do të ketë surpriza, pasi qëndrimi është i njëjtë me atë që diskutuam përpara verës. Besoj se Maqedonia e Veriut dhe Shqipëria duhet të vlerësohen në mënyrë të pavarur sepse janë dy vende të ndryshme, me probleme të ndryshme dhe proges të ndryshëm. Unë tregova më herët se shkalla e progresit në Maqedoni është më e madhe se në Shqipëri”.

Sipas ministrit Blok, Shqipëria ka çaluar në luftën kundër krimit të organizuar dhe korrupsionit.

Stef Blok, ministër i Jashtëm i Holandës: “Unë mendoj se Shqipëria do të jetë në gjendje të hapë negociatat sa më shpejtë që të plotësojë kriteret. Por nuk është ende momenti”.

Në Komisionin për çështjet europiane ka patur debate edhe sa i përket faktit nëse Holanda do të jetë e vetme në qëndrimin bllokues ndaj Shqipërisë. Por ministri Blok ka insistuar se i takon secilit vend anëtar të japë mendimin e tij për zgjerimin. /ABC News Albania 24/7

SHQIPTARET-E-ARRESTUAR.mpg_snapshot_00.04-1280x720.jpg
ent ela10:53 | 20/09/2019

Shtatë shqiptarë përfunduan në pranga në Milano ku policia goditi një bandë trafiku dhe ka sekuestruar një sasi të konsiderueshme droge dhe armësh. Droga vinte kryesisht nga Holanda.

Policia italiane në Milano arrestoi tetë persona, shtatë prej të cilëve shqiptarë dhe një Italian. Ata akuzohen për trafik droge dhe armëmbajtje pa leje. Katër prej tyre janë të dënuar për një vepër tjetër penale. Ata akuzohen për shpërndarje droge të llojit kokainë dhe heroinë e cila vinte nga vendet e ulëta, për shpërndarje marijuana, dhe armëmbajtje pa leje. Përvec sasisë së konsiderueshme të drogës atyre iu janë sekuestruar dhe një revolver, dy pistoleta mitraloz dhe një pistoletë gjysëm automatike. Veprat penale janë kryer në zona të ndryshme të Milanos nga dhjetori 2017 deri në shkurt 2018.

Gjatë hetimeve janë përgjuar dhe bisedat e tyre sidomos në automjetet e të dyshuarve, ku si pasojë u mundësua që në shtator të 2018-ës të arrestoheshin 23 persona, 22 shtetas shqiptar dhe një shtetase rumune që akuzohen për shfrytëzim prostitucioni ndaj 25 vajzave kryesisht shqiptare dhe të europës lindore. /ABC News Albania 24/7

angela-merkell.jpg
ad min22:37 | 18/09/2019

Kancelarja gjermane Angela Merkel ka deklaruar se vendimi i Gjermanisë për hapjen e negociatave varet nga Bundestagu. Merkel tha se qeveria e saj ka bërë një rekomandim pozitiv, por ka refuzuar të flasë në emër të vendeve të tjera qe njihen si skeptike për këtë proces.

Kancelarja gjermane Angela Merkel ka deklaruar se qeveria e saj e ka bërë rekomandimin sa i takon hapjes së negociatave të anëtarësimit me vendet e Ballkanit Perëndimor. Në një konferencë të përbashkët shtypi me kryeministren serbe Brnabiç, Merkel ka thënë se tani i takon Parlamentit gjerman që të thotë fjalën e fundit.

“Aktualisht po vijojnë bisedimet në Bundestag. Në Gjermani është Bundestagu që duhet të bjerë dakord për të filluar negociatat e anëtarësimit. Qeveria gjermane ka bërë rekomandime pozitive me specifikat e veta për Maqedoninë e Veriut dhe Shqipërinë, por nuk mund të them paraprakisht rezultatin e vendimit të Bundestagut”.

E pyetur nga mediat, Merkel ka refuzuar të flasë në emër të vendeve të tjera, si Franca apo Holanda.

“Nuk mund të them asgjë për vendet e tjera. Ato shtete do vendosin vetë”.

Vendimi për hapjen ose jo të negociatave të anëtarësimit për Shqipërinë dhe Maqedoninë e Veriut pritet të merret në Tetor. Deri më tani në avantazh ndodhet shteti maqedonas, për shkak të arritjes së marrëveshjes së emrit me Greqinë./ABC News Albania 24/7

kompaniaaa.jpg
ad min14:11 | 11/09/2019

Një kompani holandeze e specializuar në artikuj për fëmijë, ka vendosur të punësojë njerëz pa i kërkuar CV, pa një intervistë pune dhe pa qenë e domosdoshme një eksperiencë në punë. Mjafton të regjistrohet emri në listë dhe të pritet telefonata.

Për të punuar në kompaninë “MamaLoes”, një sipërmarrje e specializuar në artikuj për fëmijë, nuk duhet të dërgosh një CV apo një letër prezantimi. Mjafton të regjistrosh emrin në një listë dhe të presësh telefonatën.

Bëhet fjalë për realitetin e parë tregtar në vendet e ulëta, ku njerëzit punësohen përmes praktikës së punësimit të hapur. Motoja është: “Nëse dëshironi  të punoni, thjesht nisni të punoni”. Nuk ka asnjë pyetje për eksperiencën në punë, asnjë intervistë dhe asnjë ndërhyrje nga ana e qeverisë.

Koncepti është krijuar nga një pastiçeri njujorkeze e themeluar nga një mjeshtër “ZEN” dhe e frymëzuar nga principi budist “mos gjyko”. Motoja e tyre është: Ne nuk punësojmë për të bërë ëmbëlsira, bëjmë ëmbëlsira për të punësuar njerëz.

Pikërisht kjo pastiçeri në Bronks është partner i kompanisë holandeze e cila po zhvillon këtë program pilot për punësimin e hapur dhe në anën tjetër të oqeanit.

Së fundmi kompanisë holandeze i është bashkuar dhe një tjetër kompani logjistike me 75 të punësuar dhe pritet që iniciativës ti bashkohet dhe një laborator për lëkurë si dhe një zinxhir pastiçerish.

Nga 130 nëpunës të “MamaLoes”, tetë janë punësuar me këtë mënyrë. Ndërsa në total në 10 vjet punë të sipërmarrjes janë rreth 40 të punësuarit pa asnjë intervistë apo CV. Të gjithë fillojnë me një pagë minimale të caktuar nga sindikata dhe gradualisht marrin një rritje page në përputhje me punën që kryejnë./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono