deputetet
ger ta14:20 | 01/04/2020
Deputetët e Grupit Parlamentar të Partisë Socialiste kanë vendosur të dhurojnë gjysmën e pagës.
Gazetarja Esiona Konomi raporton për abcnews.al se deputetët kanë vendosur që gjysmën e pagës së tyre ta venë në dispozicion buxhetit të shtetit për nevojat e situatës së krijuar nga koronavirusi.
“Në vijim të situatës së krijuar nga koronavirusi, Grupi ynë parlamentar mori vendim për heqjen dorë nga gjysma e pagës dhe vënien nëdizpozicion të buxhetit të shtetit për nevojat e Luftës”- mesohet të ketë thënë Balla.
Grup Parlamentar i socialistëve do e depozitojnë shkresën përkatëse në Kuvend. /abcnews.al
eri Ida12:41 | 05/03/2020
Një sherr masiv ka ndodhur në sallëne parlamentit në Turqi pas debateve të ashpra për ndërhyrjen ushtarake turke në Siri. Pamjet tregojnë dhjetëra deputetë të partisë së presidentit Erdoan dhe ata të partisë kryesore të opozitës që shtyjnë dhe godasin njëri – tjetrin. Disa nga ata godasin me grushte por ka dhe deputetë që përpiqen të qetësojnë situatën.
Kjo nuk është hera e parë që nga parlamenti turk vijnë pamje të tilla. Përplasja e së mërkurës nisi kur Engin Ozkoç i partisë Republikane të Popullit në opozitë mori fjalën. Më parë në një konferencë për shtyp ai e quajti presidentin Erdoan si të pandershëm, të ulët dhe të poshtër.
Erdoğan, Suriye politikasını eleştirenler için "haysiyetsiz, onursuz ve şerefsiz" dedi
CHP'li Engin Özkoç aynı ifadelerle yanıt verdi
TBMM'de yumruk yumruğa kavga çıktı
Özkoç hakkında soruşturma başlatıldı
▶️ https://t.co/UhpwT0PDcM pic.twitter.com/5rltDqWJX4
— euronews Türkçe (@euronews_tr) March 4, 2020
Ai e akuzoi kreun e shtetit se po dërgonte fëmijët e Turqisë në luftë ndërsa fëmijët e Erdoan e kanë shmangur shërbimin ushtarak. Gjatë fjalës për anëtarët e partisë së tij Erdoan kishte akuzuar opozitën me të njëjtat fjalë: të pandershme, të ulët dhe të poshtër. Kjo sepse opozita kërkonte arsyet e ndërhyrjes ushtarake në Siri.
Tensionet në vend janë përshkallëzuar ndjeshëm pas vrasjes së më shumë se 50 ushtarëve turq në provincën veriore siriane të Idlib, vetëm muajin e fundit.
Turqia ka dërguar me mijëra ushtarë në Siri për të shmangur një ofensivë ushtarake të qeverisë siriane – e mbështetur nga Rusia – për të rimarrë kontrollin e Idlib. Si dhe për të mbështetur luftëtarët e opozitës siriane./abcnews.al
nev ila18:41 | 19/01/2020
Pas një pushimi mbi 1 mujor 122 deputetët do i rikthehen Kuvendit. Pasditen e së hënës, në orën 17:00 kryetari i Kuvendit, Gramoz Ruçi do të çel sesionin e 6-të, të Legjislaturës 9-të të Kuvendit.
Kjo do të jetë një seancë formale pasi në të nuk ka projektligje për t’u diskutuar e miratuar. Referuar të shkuarës, kryetari i Kuvendit drejton një mesazh për deputetët, për bashkëpunim mes tyre për ligje të rëndësishme.
Në këtë seancë nuk do të jetë kryeministri Edi Rama. Ky i fundit do të jetë në Kiev të Ukranis, vendi i parë që ai do të vizitojë si kryeses i OSBE-së.
Seanca e pasdites do të pasohet nga një mbledhje të Konferencës së kryetarëve që do të caktojë programin dhe kalendarin e punimeve të Kuvendit për javët në vijim.
Anti-shpifja që mbylli sesionin e kaluar pritet që të jetë edhe diskutimi i parë i këtij sesioni të ri parlamentar.
Presidenti Meta ka kërkuar prej Kuvendit rishikim të paketës pasi sipas tij cenonin lirinë e medias por maxhoranca ka paralajmëruar se do e rrëzojë atë në seancën më të afërt parlamentare.
Gjatë këtij sesioni një vëmendje të veçantë do të marrë dhe kuadri ligjor që prek ndërtimet./abcnews.al
ger ta14:08 | 04/01/2020
Telefoni nuk është forma e vetme me të cilën deputetët përpiqen të zgjidhin problemet, por ai ngelet mjeti kryesor.
Shkresat zyrtare janë një prej mekanizamve të kontrollit parlamentar, por gjatë vitit 2019 kjo e drejtë është ushtruar më shumë nga opozita, se sa nga mazhoranca.
Kështu, në 95 shkresa zyrtare që kanë dalë nga Kuvendi me firmën e deputetëve drejt qeverisë apo institucioneve të pavarura, vetëm 35 u takojnë deputetëve socialistë.
44 % e këkesave janë të opozitës së vjetër, PD e LSI gjatë dy muajve të parë të 2019, kur ata ishin në parlament.
Opozita e re gjatë gjithë vitit, ka dërguar vetëm 18 kërkesa për informacion tek qeveria. Ndër deputetët e rinj, spikat Vasil Sterjovski. Ai përfaqëson minoritetin maqedonas, dhe ka drejtuar disa shkresa për furnizimin me energji të bashkisë Pustec, për arsimimin në gjuhën maqedonase të minoritetit, etj.
Kërkesat e deputetëve socialistë janë vetëm 37 % e totalit. Në rastet kur ministrat nuk ju funksionojnë me telefon, apo për të lënë gjumë shkresore për shqetësimet e tyre, ata firmosin një kërkesë.
3 janë deputetet që e kanë përdorur më shumë këtë formë të kontrollit parlamentar:
Ermonela Felaj ka dorëzuar 10 kërkesa, të gjitha lidhur me zonën e saj elektorale Kucovën: ajo kërkon shtesë buxheti për bashkinë, rikonstruksion banesash të familjeve rome, rikonstruksion spitali e kishe në këtë bashki.
9 shkresa ka dërguar Vasilika Hysi, të lidhura kryesisht me drejtësinë për të mitur, pakicat kombëtare apo trajtimin e të sëmurëve mendorë në burgje.
E treta është Antoneta Dhima, me 7 kërkesa, edha ajo e përqëndruar tek zona e saj elektorale Patosi.
Dhima psh kërkon pastrimin e kolektorit në Roskovec, rikonstruksionin e qendrës shëndetësore në Zharrës, apo ngritjen e një nënstacioni të ri elektrik në Patos, si dhe informacion mbi statusin e naftëtarit./abcnews.al
nev ila11:14 | 17/12/2019
Që nga fillimi i vitit, 406 gratë janë vrarë në Turqi. Për këtë arsye, një grup deputetesh turke të opozitës protestuan në sallën e Parlamentit, para se ministri turk i Mbrojtjes të merrte fjalën.
Pas shesheve të gjysmës së botës, performanca virale “Përdhunuesi je ti” e nisur nga grupi feminist nga Kili, “Lastesis”, ka zbarkuar dhe në parlamentin turk.
Një grup deputetesh turke të opozitës, kënduan këngën duke përplasur duart në tavolina për të protestuar kundër dhunës ndaj grave, dhe vrasjeve të grave në vend.
Çdo gjë nisi kur në sallën e parlamentit ndodhej ministri i brendshëm turk Sulejman Soillu, i cili u akuzua se kishte urdhëruar shtypje me dhunë të protestave të tilla dhe shumë aktiviste ishin arrestuar nga policia.
SIpas platformës “Të ndalojmë vrasjen e grave” që nga fillimi i 2019-ës gratë e vrara në Turqi janë të paktën 406, një shifër në rritje në krahasim me vitet e kaluara./abcnews.al
ent ela18:44 | 05/11/2019
Komisioni i Reformës Zgjedhore thirri sot për të dëgjuar shoqërinë civile, por mbledhja u kthye në sherre e debate personale mes opozitës së re dhe mazhorancës. Të gjithë pranojnë se puna e deritanishme për reformën, mund të hidhet poshtë, nëse në një moment palët bien dakord për të ndryshuar sistemin zgjedhor.
Ishte parashikuar si një seancë dëgjimore me ekspertë zgjedhorë dhe shoqërinë civile mbi reformën elektorale në vend, por nisi ndryshe.
Damian Gjiknuri ju tha të ftuarve se kjo mbledhje nuk do të diskutonte për ndryshimin e sistemit zgjedhor, por opozita parlamentare, nuk ka shqetësim tjetër.
Nëse sistemi ndryshon, tani ose vitin tjetër, atëherë puna e bërë deri tani nga komisioni parlamentar shkon dëm.
Deputetët, të ngacmuar nga shoqëria civile për shpenzimet e tyre ne fushatë, u hodhën në kundërsulm.
Ekpsertët e atashuar pranë komisionit zgjedhor janë duke punuar një dokument për depolitizimin e administratës zgjedhore, dokument të cilin duan ta përfundojnë brenda këtij muaji. /abcnews.al
nev ila18:25 | 03/11/2019
Brexit ka shkaktuar dhe kaos në parlamentin britanik ndërkohë që Britania e Madhe dhe BE nuk kanë arritur akoma një marrëveshje për daljen nga Unioni. Kjo situatë ka shkaktuar tension në politikën britanike ndërkohë që kryeministri Johsnon refuzoi të bëjë marrëveshje me liderin e partisë së Brexit, Nigel Farage.
Tensionet në parlamentin britanik arritën kulmin në një debat ku deputetët nuk i kursyen fyerjet ndaj njëri-tjetrit, ndërsa të tjerë u shtrinë në sallë. Kryetari i parlamentit, John Bercoë është detyruar që të ngrejë zërin që të mbajë qetësi gjatë seancës.
Britania e Madhe dhe Bashkimi Europian ende nuk kanë arritur një marrëveshje për Brexit. Kjo situatë ka tensionuar dhe palët politike në Britani të cilët kërkojnë nga kryeministri, Boris Johnson, të mbajë premtimin që bëri kur mori këtë post.
Ndërkohë, Nigel Farage tha se nuk do të jetë kandidat për në zgjedhjet e përgjithshme të 12 dhjetorit. Farage I tha BBC-së se kishte vendosur se mund të shërbente më mirë duke mbështetur 600 kandidatët e partisë së tij në të gjithë Britaninë e Madhe.
Farage kritikoi marrëveshjen për Brexit të arritur nga kryeministri Boris Johson, duke thënë se ishte më keq sesa të ishin në BE.
Ndërkohë, kryeministri Johnson, ka refuzuar propozimin e presidentit të Shteteve të Bashkuara Donald Trump se duhet të bashkëpunojë me partinë e Brexit-it të Nigel Farange në zgjedhjet e 12 dhjetorit. Johnson theksoi se është “mirënjohës për këshillën”, por se nuk dëshiron të bëjë pakte parazgjedhore.
Presidenti i SHBA-së Donald Trump, ditë më parë kishte thënë se Farage dhe Johnson do të ishin “një forcë e pandalshme”.
Në anën tjetër, Farage kishte kërkuar nga kryeministri Johnson që të tërhiqet nga marrëveshja për Brexit-in dhe të bashkohen në një aleancë të përbashkët të largimit.
Mbretëria e Bashkuar do të shkojë në zgjedhje të parakohshme më 12 dhjetor, pas shtyrjes edhe një herë të afatit për largim nga Bashkimi Evropian deri më 31 janar 2020.
Johnson shpreson se do të fitojë shumicën e ulëseve, në mënyrë që të miratojë në Parlament marrëveshjen e arritur me BE-në, ndërkohë që Jeremy Corbyn i Partisë Laburiste ka premtuar se do të organizojë referendum të ri, nëse fiton pozitën e kryeministrit.
Kryeministri britanik, Boris Johnson ka thënë në ditën e shpalljes së zgjedhjeve se publiku duhet “të zgjedhë” për të ardhmen e Brexitit, por edhe të gjithë shtetit. Ndërkaq, lideri i laburistëve në Britani, Jeremy Corbyn është zotuar për të “transformuar” Britaninë teksa ka nisur fushatën zgjedhore.
Vendimi për largim të Britanisë nga blloku evropian ka ardhur pasi 52 për qind e votuesve kanë votuar për dalje të Britanisë nga BE-ja kundruall 48 për qind që kanë kundërshtuar atë, në referendumin e mbajtur më 2016./abcnews.al
ent ela17:14 | 28/10/2019
Deputetët zhvilluan sot një seancë të posaçme për problemet e qytetarëve. ABC News i pyeti ligjvënësit se cfarë shqetësimesh kishin zgjedhësit e tyre, dhe ata renditën nga problemet me ujin, rrugët dhe legalizimet, deri tek shitja e dhive sepse nuk dilnim me fitim, deri tek djersitja nëpër urbanët e Tiranës.
Këtë të hënë, deputetët u mblodhën për të diskutuar mbi problemet e zgjedhësve.
Pas një jave që duhet ta kishin kaluar me elektoratin, ligjvënësit u kthyen në parlament për të kërkuar zgjidhje për qytetarët. Por cfarë i shqetëson banorët?
Kujtim Gjuzi sjell një shqetësim të përdoruesve të transportit publik.
Dritan Bici ka sjellë një problem të banorëve të Gramshit.
Problemet nuk mungojnë as mes socialistëve.
Disa nuk i ndajnë me median, problemet e qytetarëve. /ABC news Albania 24/7
nev ila17:11 | 28/10/2019
Pasi e provoi duke folur e duke shkruar dhe nuk pati sukses, këtë të hënë, Majlinda Halilaj provoi të shkëlqejë përmes heshtjes.
Kur ka kaluar më shumë se një javë nga fjalimi i Korporatës, deputetët kanë mendime të ndryshme për kolegen e tyre.
Shumica jua hedhin fajin emocioneve.
Të tjerë nuk komentojnë.
Kujtim Gjuzi është si përherë origjinal.
“Majlinda Halili është një zonjë jo vetëm e mençur por edhe e bukur dhe është deputetja e parlamentit të Republikës së Shqipërisë”, tha Gjuzi.
Majlinda Halilaj është deputete që prej marsit, dhe ka zënë karrigen e Lulzim Bashës./abcnews.al
ad min13:00 | 10/08/2019
Aksioni kundër atyre që ju shmangen taksave vijon në të gjithë vendin. Erjon Braçe tha se tregu më problematik ka rezultuar ai i karburanteve, teksa ju kujtoi biznesmenëve që shpëtimi i vetëm është të paguajnë detyrimet, sepse asnjë telefonatë me miq politikanë nuk do t’i ndihmojë.
Qeveria vijon aksionin e saj kundër informalitetit, ku rezulton se abuzuesit më të mëdhenj janë në tregun e karburanteve. Zëvendës kryeministri Erjon Braçe raportoi se këto kompani nuk shisnin çdo litër me kupon, duke shmangur pagimin e taksave.
Teksa njofton se të gjitha këto kompani karburantesh do të detyrohen të paguajnë të gjitha taksat e shmangura, Brace thotë se organizatorët e kësaj vjedhjeje do të përballen me ligjin.
Nën filtrin e qeverisë kanë kaluar të parat kompanitë e mëdha.
Por sjellja e biznesmenëve VIP nuk ka qenë e njëjtë.
Në fund, numri dy i qeverisë ka një apel për pronarët apo administratorët e bizneseve që i nënshtrohen kontrollit.
Erjon Braçe ju bën thirrje dhe gjykatësve administrativë të rreshtohen në mbrojtje të interesit publik dhe jo të atyre që bëjnë evazion fiskal./ABC News Albania 24/7
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
21:11 | 02/04/2020
