arta dade

dade-1.jpg
in a22:09 | 12/02/2020

E ftuar në “Byro Politike” me Juli Xhokaxhi, ish-deputetja e PS Arta Dade ka folur për politikën shqiptare. Dade u shpreh se demokracia është e barasvlefshme me sundimin e ligjit.

“Nuk është e thjeshtë të japësh përgjigje nëse politika shqiptare ka bërë progres apo regres. Në mjaft drejtime ka një kthim pas për sa i përket mënyrës se si funksionojnë forcat politike. Ndoshta për këtë ka ndikuar edhe dalja nga një regjim mbytës. Shumë nga ata që krijuan forca të reja politike ishin të formuar edhe me dashurinë për një sitem që nuk kishin përvojë, patëm marë si modele ato forca politike që i quanim më pranë atyre qasjeve ku ne synonim të aderonim. Ndoshta ka patur gabime apo modele të deformuara. Për fat të keq sot demokracia është e barasvleshme me sundimit e ligjit dhe problemet nuk zgjidhen ashtu siç do ta kërkonte një shoqëri demokratike”, theksoi Dade.

Sa këshillohen politikanët e rinj me ju?

Dade: Kur kemi qenë në qeveri kishim këshilltarë me integritet dhe i mernim në konsiderata atë çfarë na sugjeronin. Sot shumë gjëra ka ndryshuar, dhe kjo mund të jetë një regres./abcnews.al

abc-1-1280x655.jpg
in a21:37 | 12/02/2020

E ftuar në “Byro Politike” me Juli Xhokaxhi, ish-deputetja e PS Arta Dade ka folur për politikën shqiptare. Dade u shpreh se demokracia është e barasvlefshme me sundimin e ligjit.

“Nuk flas për programet apo dokumentet themelorë të forcave politike, por theksoj se demokracia është e barasvlefshme me sundimin e ligjit. Politika ka qenë e kujdesshme që me pëgjegjësitë që mori të ishte konform”, tha Dade.

Sa këshillohen politikanët e rinj me ju?

Dade: Kur kemi qenë në qeveri kishim këshilltarë me integritet dhe i mernim në konsiderata atë çfarë na konsideronin. Edhe shumë gjëra ka ndryshuar dhe kjo mund të jetë një regres.

Ndërsa politikani i njohur Neritan Ceka sa i pëket politkës në Shqipëri theksoi se ka dy periudha në zhvillimet politike ajo e idealizmit dhe periudha profesionale ku partitë bëhen institucione. Ndërsa theksoi se të dy fazat kanë qenë të deformuara dhe se ka një rënie të kualitetit.

“Duhet ta pranojmë progresin. Jemi në një tren i cili ecën. Lëvizjet e mëdha, iniciativa private ka luajtur rol të jashtëzakonshëm ku pa të shteti nuk do të bëntë asgjë. Sot e duan më pak pupullin dhe populli i don më pak”, tha Ceka.

Paskal Milo: Funksionimi i brendshëm i partive politike në fillim të viteve ‘90 ka qenë i mirë në krahasim me sot. Një nga asryet kryesore pse kemi rënie të demokracisë së brendshme janë ndryshimet Kushtetuese dhe i Kodit Zgjedhor i cili vuri bazën ligjore të autoritarizmit.

Cilat janë vitet që besoni se Shqipëria filloi të ecte mirë?

Milo: Në vitet ‘92 deri në ’94 ishin vitet ku kishte më shumë pasion, kishte një qasje intelektuale dhe një debat të nivelit politik. Ndërsa ‘97 deri në vitin 2001 janë vite shumë të vështira të politikës shqiptare, kishte një thyerje e cila reflektoi në jetën politike. /abcnews.al

dade.jpg
ger ta17:40 | 11/02/2020

Ish-ministrja e Jashtme Arta Dade, e ftuar në studion e Abc News me gazetarin Endri Xhafo ka komentuar takimin e sotëm të kryeministrit Edi Rama me homologun kosovar, Albin Kurti. Dade mes të tjerash tha se e rëndësishme është që të ketë një bashkëpunim mes dy vendeve dhe marrëveshjet e shumta të mos mbeten thjeshtë në letër. Po ashtu, Dade u shpreh se Ramës i duhet një bashkëpunim i ri, për shkak edhe të marrëdhënies që kishte me Haradinajn.

Pjesë nga biseda në studio:

Endri Xhafo: Kemi vizitën e parë në mënyrë Albin Kurti zgjedh Shqipërinë, por ajo qaë del qartë nga konferenca e përbahskët për shtyp ndenjën më gjatë mesa duket i kanë thënë njëri tjetrit se çfarë mendojnë. U duk sikur kishin rënë dakord për të mos rënë dakord.

Arta Dade: Unë besoj se nuk ka vetëm simbolikë në vizitën e parë të kryeministrit të Kosovë snë Shqipëri. Besoj se një kryeministër sapo merr detyrën qoftë ai në Shqipëri apo në Kosovë, vizitën e parë i takon ta bëjë në një vend tjetër të banuar nga shqiptarët.  E rëndësishme është që të kemi një bashkëpunim në dobi të qytetarëve dhe për t’i vënë në lëvizje  ato që duken sikur janë në vend numëro, janë shkruar shumë marrëveshje, por shumë pak janë bërë për t’i zbatuar këto marrëveshje. E rëndësishme është cila është thelbi. Unë e kam ndjekur Kurtin kur fitoi zgjedhjet dhe e vuri theksin te zbatimi i këtyre marrëveshjeve nuk ka asnjë dobi që ato të mbeten në letër, sikur rëndom mbeten shumë ligje.

Endri Xhafo: Atëherë zoti Rama ka të drejtë kur thotë flasim për një shpejtësi të re, por jo për një filim të ri?

Arta Dade: Unë besoj që meqë është bërë shumë pak, kjo do të thotë zëre se është një fillim i ri. Dhe fakti që Rama ka pasur edhe përplasje me Haradinajn besoj se ai ka shprehur një vullnet të ri për një fillim të ri në këto marrëdhënie, ndoshta ndërinstitucionale ose më mirë mes kryeministrave.

Endri Xhafo: Kryeminitri Rama tha në rast se do të bashkëpunonim në kuadër të bashkëpunimit rajonal askush nuk e do na akuzonte se po bënim Shqipërinë e Madhe. Si do e këshillonit kryeministrin? Të vinte theksin te një bashkëpunim për t’i bërë të zbatueshme këto marrëveshje me Kosovën apo të vinte theksin te bashkëpunimi rajonal?

Arta Dade: Këto nuk e përjashtojnë njëra-tjetrën. Unë nuk besoj se ai merr në konsideratë këshillat e tjerëve që janë me përvojë. Unë kam qenë ministre e jashtme me Majkon dhe Metën, besoj se Nano dëgjonte më shumë dhe ishte më i ditur në fushën e politikës së Jashtme se kryeministri aktual. Ka shumë kufizime në këtë fushë, dhe po të mos ishte shumë gjëra do të ishin zhbllokuar. Rasti i fundit me Haradinaj është i papranueshëm. Marrëdhënia me Kosovën dhe organizimi i  mbledhjeve  të përbashkëta janë disa hapa pozitivë. Duhet thënë që ky parim i bashkëpunimit rajonal është si parakusht. Minishengeni Ballkanik nuk është vetëm Serbia, Shqipëria, Mali i Zi apo  Maqedonia. Ballkani ka 12 shtete. Hap diskutim terminologjia. Për mua është një term që nuk qendron, sepse Shengeni Europian ka të bëjë me elementë shumë të tjerë ndryshe nga ata që kanë përdorur në këto takime të vakëta.

Endri Xhafo: Çfarë mendimi keni ju për këtë bashkëpunim rajonal, a mund të kryhet ky bashkëpunim?

Arta Dade: Ata duhet të ulen si të barabartë, kjo ëhstë kërkuar nga Kosova. Këtë e ka prishur pala serbe, fakti që ndërmorrën një fushatë për të tërhequr njohjet, por në fakt Serbia ka shkelur marrëveshjen dypalëshe, ka shkelur ligjin ndërkombëtar duke bërë këtë fushatë agresive kundër Kosovës.

Endri Xhafo: Kur Thaçi deklaroi se nuk do vinte në Tiranë, Rama tha se i ishte imponuar Vuçiç që kosovarët të vinin dhe të uleshin në tryezë.

Arta Dade: Këtë e thotë kryeministri, por nuk e kemi dëgjuar të artikuluar nga Vuçiç, nga ai kemi dëgjuar të mohonte masakrën e Recakut. Unë pata  një takim me disa të rinj dhe thonin çfarë ka ndodhur me kryeministrin e Shqipërisë, se Rama e ka izoluar Kosovën. I fundit fare është procesi i Berlinit që është edhe Kosova, ne s’kemi pse të marrim pjesë ku Kosova është e përjashtuar. Paraprakisht bisedohet me të gjithë aktorët shqiptarë. Nëse kryeministri i Shqipërisë cilido që të jetë nuk merre në konsideratë, madje është dhe një nga kërkesat që ka Kushtetuta, nisu nga kjo është edhe etike që kur ti ndërmerr një hap që ka të bëjë me bashkëpunimin rajonal, seps ti je vendi amë thjeshtë për një etikë dhe që kombi shqiptar është një dhe i pandarë këtë nuk po e them unë për herë të parë. Interesat i kemi të përbashkëta, dhe kjo duket në rrugëtimin drejt BE, janë shprehur për integrimin në NATO. Për sa kohë ne kemi një orientim të përbashkët atëherë pse të mos bashkëpunojmë. Kryeminustri nuk duhet ta largojë nga vetja e vet që ne duhet të lobojmë, cfarë bëri ministria e jashtme e Shqipërisë që nuk u anëtarësua Kosova në Unesco. Çfarë bënë vendet tona aleate? Munguan vetëm tre vota.

/abcnews.al

hh.jpg
nev ila21:36 | 01/11/2019

E ftuar në emisionin “Provokacija” në AbcNews, ish-deputetja e PS, Arta Dade u shpreh se personat e lidhur me botën e krimit janë aktivizuar në fushata zgjedhore edhe nga PD, por këta të fundit u kujdesën që të mos i përfshijnë në nivele të larta politike.

“PS u bë një shtrat i ngrohtë për kontigjentë kriminale. Ata edhe PD i ka angazhuar në fushata, ne bënim kujdes të mbroheshin, por PD vetë bëri kujdes që mos i fuste në nivele të larta të politikës”, tha ish-ministrja e Jashtme.

Më tej Dade është ndalur edhe tek përplasja e moderatorit Mustafa Nano në emisionin ‘Opinion’. Sipas saj kryeministri përdor këto mjete për të mbuluar paaftësinë për të qeverisur.

Më lejoni t’ju shpreh keqardhjen për arrogancën e kryeministrit. Në fakt ne që kemi një farë përvoje dhe merremi me psikologjinë, përdor këto mjete për të mbuluar paaftësinë totale për të qeverisur. Korrupsioni është bërë endemik. Një kryeministër kur del në publik duke patur pamundësinë për të argumentuar mungesën e rezultateve kthehet tek mjetet, jam e bindur që edhe militanët nuk do mbështesin kur kryeministri del në publik siç është rasti në emisionin Opinion”, tha Dade, teksa më tej krahasoi sjelljen e Ramës me Berishën  në studiot televizive.

Berishën, po absolutisht e kam parë, kur kam kohë e ndjek mendohen gazetarët kur i bëjnë pyetje. Kur një kryeministër bën nga atë gjest bullizimi, vetezhvlerësohet si figurë dhe i krijohet hapësira. Nuk ma ka ndodhur kurrë. Edhe unë kam qenë ministre e Jashtme, e Kulturës kam patur debate mjaft të nxehta, dhe nuk kam patur një rast ku të më jenë drejtuar në mënyrë të paedukatë. Përjashto debatet në parlament. Besoj se njeriu vetë duhet të dijë të ruajë dinjitetin”, shtoi ajo.

dade.jpg
nev ila21:22 | 01/11/2019

Ish-deputetja socialiste Arta Dade ishte e ftuar në emisionin “Provokacija” në Abcnews. Dade mes të tjerash është pyetur nga moderatori Mustafa Nano për raportin e saj me kryeministrin Edi Rama si dhe çështjen e Reformës Zgjedhore.

Për këtë të fundit Dade tha se sistemi aktual duhet të ndryshojë, por problemet nuk duhet ti atashohen vetëm sistemit.

“Unë refuzova të jem anëtare dhe ka qenë zgjedhja e kryeministrit që nuk jam në asamble. Janë shumë gjëra që duhet të dryshojnë dhe më së pari sistemi zgjedhor duhet të ndryshojë. Nëse do kishim lider mëndjehapur patjetër që sistemi të krijon mundësi të krijosh një grup parlametar me vlera. Prandaj duhet të kalojmë në një sistem ku votat të kalojnë për atë individ që votohet.

Unë thashë që nuk mund ti atashohet çdo gjë sistemit. Është bërë një hap përpara me gratë në politikë. Ajo i krijon elektoratit një mendje të hapur për të zgjedhur individin. Edhe atyre që marrin vendime për të caktuar kandidatë i kufizon për të bërë abuzimin me lista. E dyta ka të bëjë me sistemin aktual, me zbatueshmërinë e neneve me statutet përkatëse. Ne kemi dalë përmes një sistemi demokratik. Do pjekuri politike do që të kesh lider me mendje të hapur. Nuk është se nuk ta mundëson ky sistem, por mbi bazën e këtij sistemi është thelluar autoritarizmi i liderit”, tha Dade.

E pyetur nga Nano nëse do i vinte një kërkesë për t’u ripërfshirë a do e pranonte, Dade u përgjigj:

“Nëse do të kishim këtë format me këtë lider partie, me këtë kryesi. Nuk e pranoj. Unë kam refuzuar të punoj me Edi Ramën që në momentin kur refuzova të jem pjesë e tij në listën e kryesisë. Në mbledhjen e asamblesë mbeta i vetmi zë për shkeljet flagrante të statutit. Dhe nisur nga kjo unë kam menduar që Edi Rama duhet të ikte, PS duhet të krijonte një ekip me vlera”, u shpreh ajo.

Më tej moderatori e ka pyetur Daden edhe për kryebashkiakun e Tiranës, Erion Veliaj, për të cilin u shpreh se të krijon përshtypjen sikur punon por vijon të jetë sipas saj “nën tutelën e Edi Ramës”.

“Mua më duket që po punon por në fakt krijohet përshtypja që vazhdon të jetë nën tutelën e kryeministrit. Ndoshta ka patur momente që mund të kishte festuar një lidership më shumë dhe një pavarësi relative më të madhe. Unë kam dashur që ta shikoj këtë. Mendoj që në zgjedhjet e fundit, asnjë zë nga kandidatët e PS nuk artikuloi qendrimin që do të pëlqente të kishte një kundërshtar përballë. Pra kjo është një fitore në tavolinë për të cilën lidhur me ato që ka kërkuar opozita vazhidmisht, artikulohet nga mazhoranca se mund të jetë një fitore në tavolinë. Unë besoj se mazhoranca do të përfitonte disa vlera duke dhënë mesazhin se duhet të ulet tensioni politik kur ti ke në axhendë integrimin në BE. PS ka pasur raste për ta bërë e vetme qeverinë dhe nuk e kemi bërë. Opozita u vetëvra duke dorëzuar mandatin. Këtu fillon edhe kundërshtia ime.  Opozita në takimet që ka patur me ndërkombëtarët mund të ketë marrë një garanci për tu ulur. Ne kemi adoptuar në mjaft raste shumë nga praktikat të cili i kemi refuzuar sa herë që kemi patur zgjedhje’, deklaroi ajo.

ARTA-DADE-PER-RAMEN.mpg_snapshot_00.25-1280x720.jpg
nev ila14:08 | 10/10/2019

Edi Rama ka mbetur i njëjti në sytë e Arta Dadës. Karriera politike nuk e ka ndryshuar dhe këtë e sheh edhe sot teksa sipas saj nuk hedh asnjë hap për të zhbllokuar situatën politike në vend.

“Me situatën, me krizën e thellë që ka përshkuar vendin sepse procesi i integrimit lidhet ngushtësisht edhe me vizionin dhe mënyrën se si zgjidh disa situata konfliktuale brenda vendit tënd. Sa je në gjendje të bësh një relaksim të jetës politike, sa je në gjendje të shtrish dorën e bashkëpunimit. Absolutisht ka treguar që nuk ka mundur që të dalë mbi veten e vet, të dalë mbi një grup njerëzish që kërkojnë të jetë “i fortë” sepse mua më duket i fortë ai që di t’i zgjidhë gjërat me argumente, që di të zhbllokojë situata”, tha Dade.

Me togfjalëshin “kap ca të kapësh” nuk ka bërë zbulim të ri kryeministri Rama sipas ish ministres socialiste që e argumenton me ekseriencën e të shkuarës.

Mungesa e zgjidhjes është një ngadefektet që është vënë në dukje edhe nga rekomandimet e OSBE/ODIHR e këtu nuk lë pa fajësiar edhe opozitën që dorëzoi mandatet e deputetëve.

“Duhej vënë një zgjidhje tjetër” , jo vetëm për vendin por edhe për cilësinë e deputetëve në parlament.

 “Nuk e di rezervoj që të jap opinione, por në fakt… duke kaluar shikoja policin që shërben. Dëgjova njërin që thoshte “Hajde hajde si ka vajt puna polici po i hap rrugën X” që ishte deputet i ri. Është kthyer në barsoletë” tha ajo.

Prandaj thotë se mbështet idenë e ndrrimit të sistemit zgjedhor.

“Nëse opozita ngulmon tek kjo unë do të isha dakord sepse një numër gjërash të padëshirueshme kanë rezultuar edhe si shkak i ndryshimit të sistemit në 2008-n dhe i pazareve dhe ujdive të pathemelta në 2008-n”.

Nuk e ftojnë më në Partinë Socialiste ish-ministren e jashtme, Arta Dade, që nga viti 2014 atë e kanë vendosur në këndin e zërave kundër që sot brenda selisë rozë sheh se ka mbetur vetëm një.

“Besoj që duhet të shtohen zërat si Ditmiri, por edhe jashtë partisë. Ajo që ndodhi në Shkodër mua m’u duk pozitive se pashë një mbledhje me njerëz që folën hapur. Dëgjova që ka pasur debate edhe në partinë e Durrësit. Uroj që përmes debatit, por jo përmes dhunës të zgjidhen ata që janë më të mirët”

Ish-ministrja e jashtme Arta Dade në studion e ABC News përballë gazetares Mirela Milori këshilloi edhe gratë socialiste që të mos dërgojnë letra në emër të të gjithëve kur përfaqësojnë gjysmën e qeverisë që drejtohet nga një kryeministër  që i konsideron vetëm për numra./ABC News Albania 24/7

arta-dadee-1.jpg
ad min22:18 | 09/10/2019

Ish-ministrja e Jashtme dhe ish-deputetja e Partisë Socialiste, Arta Dade, ishte e ftuar këtë të mërkurë në ABC Neës. Gjatë një interviste që zhvilloi me gazetaren Mirela Milori, ajo theksoi se është dakord me idenë që opozita kërkon ndryshimin e sistemit zgjedhor në vend.

“Sot kam dëgjuar që është artikuluar ideja që të ndërrohet sistemi zgjedhor. Nëse opozita ngulmon tek kjo unë do të isha dakord sepse një numër gjërash të padëshirueshme kanë rezultuar edhe si shkak i ndryshimit të sistemit në 2008-n dhe i pazareve dhe ujdive të pathemelta në 2008-n”, tha Dade.

Arta Dade komentoi edhe çdekretimin e zgjedhjeve të 30 Qershorit. Sipas saj, Presidenti mund të jetë nisur me idenë që partitë politike të kishin kohë për të zhbllokuar situatën e rëndë ku ndodhej vendi.

“Unë nuk jam në gjendje sepse e dini që nuk jam juriste, por në kushtet e situatës që po degradonte, ndoshta u nis nga predispozicioni pozitiv që tu jepte një shans partive të kishin kohë që ta zhbllokonin. Nëse kjo do të ndodhte do të ishte edhe në të mirë të marrjes së një vendim pozitiv tani”, tha Dade.

Përsa i përket zgjedhjeve në Kosovë ish-ministrja tha se, “Beson se Kosova jo vetëm për zgjedhjet, por edhe në mjaft elemente të tjera të funksionimit të jetës politike na jep leksione ne. Tentojnë të mos bëjnë gjëra për show. Zgjedhjet, besoj që nuk është hera e parë që Kosova zhvillon zgjedhje konform standardeve. Kjo është element që i bën nder edhe klasës politike. Zgjedjet në shqipëri gjithmonë prishen nga ndërhyrjet e politikës. Vetë fakti që KQZ është i bërë nga përfaqësues politik, tregon që partitë ushtrojnë trysni edhe tek elementet ligjore që duhet të konsiderohen kur është fjala për zgjedhje. Atje po të shikosh dhe parlamentin bëjnë kujdes që të mos lëndojnë në nivelin personal kolegun e tyre. Ata në shumë elemente kanë një lloj fisnikërie që duhet të jetë element kryeson për një politikan”./abcnews.al

dadee.jpg
ad min21:48 | 09/10/2019

KÇK (Kap ça të kapësh). Kështu iu drejtua kryeministri Edi Rama, prokurorëve dhe gjyqtarëve që e dinë se nuk e kalojnë Vettingun. Gjatë fjalës së tij në parlament këtë të mërkurë, ai tha se “Këtë grupim KÇK, ky parlament duhet ta shpalli grup në kërkim, jo metaforikisht, e them në mënyrë të drejtpërdrejtë. Ta shpallim në kërkim, me çdo mënyrë, duke ushtruar pushtetin e sovranit këtu të gjithë së bashku, është e kotë ti bëjmë njëri tjetrit predikime dhe e kotë që nga tryezat e opozitës të ngrihemi këtu e të fajësojmë qeverinë, apo nga qeveria të ngrihemi e të justifikojmë”.

Por nga studio e ABC News, ish-ministrja e Jashtme, Arta Dade, deklaroi se togfjalëshi që kryeministri përdori në Kuvend ka ekzistuar historikisht në vendin tonë. Madje sipas saj, kjo vjen nga përvojat personale dhe individuale.

Sipas saj, është shqetësuese nëse dënohen gjyqtarë dhe prokurorë me ligj parlamenti sepse nuk kemi mendësinë e qartë se si funksionon ndarja e pushteteve dhe si duhen dënuar ata që kanë bërë krime.

“Nuk besoj se ekzekutivi si pushtet më vete nga pushteti gjyqësor mund të ketë këto kompetenca. Për atë kap ça të kjapësh kjo ka qenë historikisht në Shqipëri. Nga fundi, qeveritë kalonin akte normative, kalonin ligje me një sy mbullur. Njërin nuk e kam votuar fare në 2017-n. Po të jetë kjo “Kap ça të kapësh” kjo është edhe nga përvojat personale dhe individuale, por edhe të gjitha qeverive që kanë kaluar. Kështu që nuk e di se për çfarë e ka pasur fjalën për këtë”, tha Dade.

Por edhe prezenca e zv/Kryeministrit Erion Braçe në seancën gjyqësore ndaj një zyrtari të Kadastrës nuk i ka pëlqyer ish-ministres. Sipas saj ka institucione të tjera që duhet të dënojnë prokurorin që dyshohet se po kryen krim.

“Nuk më la një shije të mirë që zv/kryeministri shkon në një proces gjyqësor sepse po të jetë për punonjësit e shtetit janë dënuar me qindra. Nëse kanë shkelur ligjin patjetër që duhen dënuar. Nëse vijmë tek prokurori dhe e besoj kryeministrin që duhet t’i ketë këto, por cili është mekanizmi ligjor dhe në varësinë e kujt është ky prokuror.

Rastin e Tahirit, nuk pamë njeri që shkonte atje dhe ta mbronte, sepse ai ishte një person që e drejtonte administratën. Mund të jenë dënuar dhe me të pa të drejtë. Cilat janë shkallët ligjore të atakimit të një vendimi të padrejtë të shkallës së parë të gjyqësorit? Është shkalla e parë, shkalla e dytë, shkalla e tretë. Nuk është zgjidhje, është populizëm është si në kohën e komunizmit kur bëjmë një show të madh. Po ata që nuk i njeh zv/kryeministri dhe kryeministri kush i mbron”, tha Dade./abcnews.al

arta-dade-per-edi-ramen.jpg
ad min21:25 | 09/10/2019

Ish-ministrja dhe ish-deputetja Arta Dade konstaton se me gjithë krizën e thellë të vendit kryeministri Rama nuk ka mundur që të dalë mbi veten. Gjatë një interviste në ABC News këtë të mërkurë, Dade tha se do të ishte në interesin e Partisë Socialiste që të zhbllokohe kjo krizë që ka përfshirë vendin.

Sipas Dades integrimi i vendit lidhet edhe me faktin se sa liderët politikë janë të gatshëm që në situata të shtira të zgjasin dorën e bashkëpunimit që të qetësojnë situatën në vend.

“Me situatën, me krizën e thellë që ka përshkruar vendin sepse procesi i integrimit lidhet ngushtësisht edhe me vizionin dhe mënyrën se si zgjidh disa situata konfliktuale brenda vendit tënd. Sa je në gjendje të bësh një relaksim të jetës politike, sa je në gjendje të shtrish dorën e bashkëpunimit. Absolutisht ka treguar që nuk ka mundur që të dalë mbi veten e vet, të dalë mbi një grup njerëzish që kërkojnë të jetë “i fortë” sepse mua më duket i fortë ai që di t’i zgjidhë gjërat me argumente, që di të zhbllokojë situata. Do të ishte në interesin e PS-së që të zhbllokohej situata. Një nga defektet që kemi patur dhe na është vënë në dukje nga rekomandimet e OSBE/ODIHR është konfliktualiteti i jetës politike dhe mënyra se si ne në vend që t’i zhbllokojmë situata i acarojmë më keq”, tha Dade.

Ndër të tjera, ish-ministrja u shpreh se nuk ka shkuar më në Partinë Socialiste. Ajo solli në kujtesë një mbledhje të zhvilluar disa vite më parë, ku ishte sëbashku me personalitete të larta të PS-së dhe pas kundërshtive dhe kritikave që thanë nuk u ftuan më.

“Unë nuk kam shkuar sepse praktikisht e para që nuk jam ftuar. Po shikoja një film për të ndjerin Hajdaraga dhe pati disa pjesë të mbledhjeve. Aty kam qenë edhe unë dhe mendova që ajo mbledhje nuk është bërë më që nga 2014-a në Janar sepse u mblodhëm dhe thamë disa rezerva që kishim për qeverisjen 6-mujore dhe që nga ai moment, që edhe Hajdaraga dhe të tjerë thamë disa kundërshti dhe thamë sugjerime ne nuk jemi mbledhur më. Në Asamble nuk jam sepse ishim meqë ishim deputetë të Ps. Në kryesi ju e dini që refuzova të shkoj sepse refuzova të isha pjesë e fasadës. Më vjen keq  që PS nuk arriti të ngrihej në kërkesat dhe besimin që i dha elektorati”, tha Dade.

Për sa i përket zërave kundër në parti, ajo tha se Ditmir Bushati është i vetmi për momentin.

“Për shembull ka patur zëra kundër në parti dhe ato janë unifikuar. Ditmir Bushati është i vetmi zë. Besoj që është një qëndrim parimor dhe jam kundër zërave që thonë se Ditmiri iku nga ministri. Kjo bën sens se nëse një ministër nuk ia thotë publikisht kryeministrit në një bisede thotë kokë më kokë atëherë çfarë duhet të bëjë. Duhet të jetë i pasinqertë me opinionin publik dhe ato që ka të mos i thotë? Besoj që duhet të shtohen zërat si Ditmiri, por edhe jashtë partisë. Ajo që ndodhi në Shkodër mua m’u duk pozitive se pashë një mbledhje me njerëz që folën hapur. Dëgjova që ka pasur debate edhe në partinë e Durrësit. Uroj që përmes debatit, por jo përmes dhunës të zgjidhen ata që janë më të mirët”, tha Dade.

Ish-ministrja e konsideron hap pozitiv që opozita mori pjesë në reformën zgjedhore. Madje ajo është dakord për idenë e opozitës që të ndërrohet sistemi./abcnews.al

arta-dade-2.jpg
ad min19:59 | 22/03/2019

Ish-ministrja Arta Dade ishte e ftuar në emisionin “Provokacija” këtë të premte. Ajo dha versionin e saj për zgjidhjen e krizës politike në vend. Sipas ish-deputetes së PS-së, Rama duhet të bëjë një dalje të butë. Ajo theksoi se ai duhet të zgjedhë një kryeministër tjetër socialist që do të mundësonte hapjen e dialogut.

“Unë kohët e fundit në daljet e mia, kam pasur një version timin edhe për zgjidhjen e krizës, në të cilën mbetemi të mbërthyer, që Rama nëse vërtetë mendon për Shqipërinë, për integrimin, për të mos penalizuar edhe PS-në, forcën që e ka zgjedhur dhe krijuar mund të bënte një dalje të butë taktike. Një largim të vetin nga politika. Le të rrijë në politikë si kryetar i PS-së, por të zgjidhte një kryeministër tjetër socialist. Të bëhej një kabinet që do të emetonte siguri. Të qetësohej situata, të hapej dialogu. Sigurisht të merremi edhe me reformën në drejtësi, por edhe elektorale. Sepse mesa duket ky sistem që ndryshuam prodhoi këtë lloj parlamenti. Ka zëra që të rikthejmë në një farë mënyre jo sistemin që kishim, por mazhoritarin, i cili i bën liderit e partisë dhe strukturat të mendohen 10 herë për të kandiduar një person që do të garojë direkt. Në fakt deputetët tani janë no name, no face. Unë edhe tani të më thuash as grupi socialist nuk di të them. Shoh ndonjëherë aty ca thinjoshë dhe them ky thinjoshi, ç’është ky, nga erdhi ky”, tha Dade.

Më tej, Dade ka theksur se është larguar vetë nga PS.

Mustafa Nano: Në rastin tuaj keni zgjedhur ju që të largoheni?

Arta Dade: Unë jam larguar.

Mustafa Nano: Nuk ju kanë larguar?

Arta Dade: Këtu hyn dhe një intrigë tjetër. Dikush që i bën këto lista të premton diçka, pavarësisht që ti duhet të mendohesh për atë që të propozon Kryeministri dhe pastaj ndodh sikur nuk ka ndodhur asgjë. Në fakt kjo është një fyerje e dytë. Nëse ti tregon një fisnikëri dhe në prag të zgjedhjeve nuk ke si ti japësh rrugë ndoshta dhe një inati siç ka ndodhur. Kujtoj Jozefina Topallin që kur nuk u përshi në listë filloi të kritikonte Lulzim Bashën dhe partinë. Unë nuk mund ta bëja këtë gjë. Unë bëra vetëm një hap që mendova të pjekur që duhet të veja në zonën time elektorale dhe t’u shpjegoja strukturave të partisë që nuk i kisha kthyer kurrizin, por në fakt nuk kam besuar asnjëherë që ajo çka kryeministri propozoi do të realizohet dhe e dyta vetë duke parë një degradim të qeverisjes, por edhe të kryeministrit nuk do kisha dëshirën të bashkëpunoja me të.

Mustafa Nano: Çfarë propozimesh?

Arta Dade: Një propozim në diplomaci dhe ndoshta do të ishte shumë mirë për vendin sipas mendimit tim, por në fakt kjo gjë nuk u realizua dhe si duket do që t’i mbajë edhe ambasadorët për interesat e tij personale. Dhe në fakt kjo është në disfavor të vendit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono