Loading ...
Senati i Shteteve të Bashkuara ka konfirmuar zyrtarisht Eric Wendt si ambasadorin e ri të SHBA-së në Shqipëri.
Në një intervistë për “Tirana Live” në ABC News, analisti Skënder Minxhozi vlerësoi se profili i ish-ushtarakut me integritet e bëri të pritshëm konfirmimin e tij me hapa dukshëm më të lehtë.
Sipas Minxhozit, ardhja e tij në këtë periudhë përbën një sinjal të rëndësishëm të vlerësimit që Uashingtoni ka për Ballkanin Perëndimor dhe gjeopolitikën e rajonit. Për rrjedhojë, ambasadori i ri pritet të sjellë një qëndrim rigoroz ushtarak të ndërthurur me kodin dhe etikën diplomatike.
“Konfirmimi ka ndjekur hapa të dukshëm më të lehtë, sesa kandidaturat e para. Një ish-ushtarak shihet një person i përkushtuar dhe integritet. Duke parë CV e ambasadorit Wendt ishte e pritshme që ai do ta kalonte shqyrtimin në legjislacionin amerikan.
Wendt vjen në një pjesë të Europës, të rajonit, që ka një mungesë të ambasadorëve të SHBA. Ardhja e një diplomati të tillë është një shenjë e mirë për një përfaqësim të ngritur të SHBA-ve në të gjithë rajonin. Jep mesazhin që amerikanët e vlerësojnë Ballkanin, posaçërisht Ballkanin Perëndimor.
Pozicioni jonë gjeopolitik ka një rëndësi të veçantë të SHBA. Nuk pres që Wendt të ketë të njëjtin angazhim. Ai do të ketë qëndrimin e prerë dhe rigoroz të një ushtaraku por të ndërthurur me kodin diplomatik që përbëjnë imazhin dhe punën e një ambasadori”, tha Minxhozi.
