Ekspertët e OBSH pritet të zbarkojnë në Kinë: Studiohet origjina e Covid-19

schedule20:20 - 7 Korrik, 2020

schedule 20:20 - 7 Korrik, 2020

Shkencëtarët dhe ekspertët e Organizatës Botërore të Shëndetit planifikojnë që të udhëtojnë drejt Kinës këtë fundjavë për të hetuar origjinën e koronavirusit të ri. Lajmin e ka konfirmuar të martën Drejtori i Përgjithshëm i OBSH-së, Tedros Adhanom Ghebreyesus.

“Gjatë muajve të fundit, ka pasur shumë diskutime rreth origjinës së Covid-19. Të gjitha përgatitjet kanë përfunduar dhe ekspertët e OBSH do të udhëtojnë në Kinë këtë fundjavë për të përgatitur plane shkencore me homologët e tyre kinezë për identifikimin e burimit të sëmundjes zoonotike, “tha Tedros gjatë konferencës ditore nga Gjeneva.

Sipas kreut të OBSH, qëllimi kryesor i këtij udhëtimi do të jetë studimi i mënyrës sesi sëmundja kaloi nga kafshët tek njerëzit.

Ndërsa, drejtori ekzekutiv i Programit të Emergjencave Shëndetësore të OBSH-së, Mike Ryan u shpreh se ekspertët do të të kërkojnë të gjurmojnë narrativën sesi koronavirusi mund të jetë përhapur nga bota e egër, tek një kafshë ferme dhe më pas tek njerëzit. /abcnews.al/