Loading ...
Koronavirusi i ka marrë jetën një tjetër mjeku në Shqipëri. Bëhet fjalë për epidemiologun Vilson Topulli, i cili nuk ka mundur t’ia dalë në përballjen me koronavirusin.
Lajmi i hidhur është bërë i ditur nga Silva Bino, Shefja e Departamentit të Epidemiologjisë dhe Kontrollit të Sëmundjeve Infektive në ISHP.
Bino shkruan se me Vilin, siç e quan ajo, është njohur që në vitin 1994 gjatë epidemisë së kolerës në Shqipëri duke shtuar se ai njihte çdo skutë të vendit për shkak të angazhimeve të përhershme ndaj sëmundjeve të ndryshme si fruthi, rubeola, antraksi, etj.
“Kjo pandemi na mori sot kolegun tone te palodhur Vilin , Vilson Topullin.
Me Vilin jam njohur gjate epidemise se Koleres ne vitin 1994. Me pas punova perreth 16 vite me te. Vili ishte personi qe njihte cdo skute ne Shqiperi e njihte vendin dhe kedo qe punonte ne shendet publik. Nje njeri i palodhur.
Ishte historia dhe kujtesa e ISHP ku kishte fillluar punen qysh 19 vjec. Njeriu qe kishte punuar per kontrollin e Antraksit e njihte cdo gje rreth tij, qe kishte punuar me cdo epidemi dhe kotnroll te saj ne ISHP.
Vili ishte kujtesa ku eksperienca reflektohej ne cdo veprim e pune tonen nga fushata e kontrollit te Fruthit dhe Rubeoles, punes per certifikimin e Shqiperise si vend pa polio, kontrollit te sa e sa shperthimeve epidemike e fushatave vaksinimi te ndryshme.
Vili qe planifikonte me kujdes dhe ruante cdo detaj ne fletore.
Ne nje nga shenimet qe shkruante gjeta: Po nisem urgjentisht ne Korce me Tan Ulqinakun dhe me Irisin per nje rast vdekjeje te nje te riu 28 vjec nga nje pneumoni virale. Ishte i palodhur ishte ndihma e cdo epidemiologu te ri e te vjeter. Ishte epidemiolog i mirefillte i terrenit.
Nuk mund ta dinte se vite me pas nje pneumoni e tille do ti merte jeten. Te na falesh Vili qe nuk te mbrojtem e nuk te shpetuam dot. Te qofte i lehte dheu kolegu jone i mire.
Ngushellime femijeve te tu te mrekullueshem Herionit qe u perpoq ne cdo cast keto jave dhe per te cilin ti ishe aq krenar, mbesave te bukura e nipit Mario qe i doje aq shume, dhe Lajles se dashur me te cilen ishe aq i lidhur e ajo me ty”, shkruan Bino.
/abcnews.al
