Donald Trump: Netanyahu nuk do ta sulmojë më Katarin

Presidenti i SHBA-së, Donald Trump e quajti Katarin “një aleat shumë të mirë” dhe tha se Izraeli nuk do ta sulmojë përsëri kombin e Gjirit, pasi një sulm izraelit në Doha javën e kaluar shkaktoi kritika të gjera.

Megjithatë, në një fjali të paplotë, Trump la të kuptohej se, ndërsa Izraeli mund të mos e sulmojë Katarin, mund të vazhdojë sulmin e tij ndaj Gazës ose Hamasit. “Ai nuk do ta sulmojë Katarin, por do të sulmojë…”, tha Trump përpara se të hidhej në një shpjegim rreth përdorimit të njerëzve si mburoja njerëzore nga Hamasi.

“Ata do t’i nxjerrin nga tunelet e errëta. Dhe do t’i vendosin në vijën e zjarrit”, tha presidenti i SHBA-së.