Dita kundër Korrupsionit, Basha: Të pastrojmë politikën nga njerëzit e lidhur me krimin

schedule11:19 - 9 Dhjetor, 2021

schedule 11:19 - 9 Dhjetor, 2021

Në ditën ndërkombëtare kundër korrupsionit, kryedemokrati Lulzim Basha ka bërë thirrje për pastrimin e politikës nga abuzuesit dhe njerëzit e lidhur me krimin. Basha shprehet se kjo do të sillte një politikë të pastër në shërbim të familjeve shqiptare dhe mirëqenies së tyre.

“Arsyeja pse fatkeqësisht Shqipëria renditet gjithmonë e më shumë e fundit për gjërat që ua lehtësojnë jetën shqiptarëve dhe e para për ato që ua bëjnë të pamundur atë, është korrupsioni. Është korrupsioni që varfëron qytetarët, që dëmton demokracinë, që shpopullon vendin, që vret besimin tek e ardhmja.

Ndaj këtë 9 Dhjetor, Ditën Ndërkombëtare Kundër Korrupsionit, përballë kapjes së shtetit nga paligjshmëria dhe pandershmëria, është koha për një angazhim dhe mobilizim të të gjithë shoqërisë për të ecur me vendosmëri përpara në përballjen me korrupsioni dhe të korruptuarit… për pastrimin e politikës nga abuzuesit dhe njerëzit e lidhur me krimin dhe korrupsionin, për një politikë të pastër në shërbim të familjeve shqiptare dhe mirëqënies së tyre. vetting në politikë”, shkruan Basha. m.v/Abcnews.al