partia demokratike

ramaaa-1280x721.jpg
nev ila18:45 | 02/04/2020

Kryeministri Rama ka reaguar pas deklaratës së Partisë Demokratike e cila akuzoi kryeministrin se nisma për të ndaluar pagesën e qirasë nga qiramarrësit të bizneseve të mbyllura, do të nxisë konflikt social mes shqiptarëve.

Rama shkruan se akti normativ po bëhet gati dhe se do të shpjegojë sonte në mbrëmje më tepër në lidhje me këtë akt.

Postimi i plotë:

🔴 Ndërkohë që kam publikuar parimin e nismës së Aktit Normativ mbi pagesat e qerave të të dëmtuarve rëndë nga lufta që kanë humbur momentalisht aftësinë paguese dhe janë nën lloj-lloj presionesh, deri edhe të rënda nga qeradhënës të caktuar, shoh që ende pa dalë akti PD-ja është lëshuar siç di vetë kur prek majën e dëshpërimit!

🔵 Sa gjynah që janë, nuk e gjej dot pse Zoti nuk ua ushqen fare vajin e kandilit të trurit as në këtë kohë të errët, po nuk kemi ç’bëjmë!

🔴 Akti Normativ po bëhet gati, e meqë sonte kisha konfirmuar praninë në studion e 🔵PINIONIT, do të kem mundësinë t’ju shpjegoj edhe qeramarrësve më hallexhinj, edhe qeradhënësve në hallin e tyre, edhe të gjithë të tjerëve me hallet përkatëse të kohës që jetojmë, se sa i drejtë është ky Akt Normativ, me ligj e me zakon, e se sa e fajshme është në mes të luftës kjo kundërvënie e verbër e një çete vulëhumburish (pa din, pa iman e pa asnjë hall tjetër veç ëndrrës së tyre në beze), ndaj njerëzve më në hall të kësaj lufte!./abcnews.al

tr1.jpg
in a21:07 | 01/04/2020

Partia Demokratike në rrjetin social “Facebook” ka reaguar me akuza ndaj kryeministrit Rama. PD ka publikuar videomesazhin e liderit të opozitës, Lulzim Basha, duke rënditur fakte që sipas saj janë provë e vjedhjes flagrante të qeverisë. PD gjithashtu  thekson se SPAK duhet të nisë menjëherë hetimet.

“Edi Rama dhe Olta Xhaçka heshtin për vjedhjen me tenderin e ushqimeve. Heshtja nuk mbulon dot të vertetën e hidhur: Qeveria e Edi Ramës vjedh edhe në ditën më të keqe për shqiptarët”, shkruhet në rrjetin social “Facebook”.

Statusi:

Edi Rama dhe Olta Xhaçka heshtin për vjedhjen me tenderin e ushqimeve. Heshtja nuk mbulon dot të vertetën e hidhur: Qeveria e Edi Ramës vjedh edhe në ditën më të keqe për shqiptarët. Faktet janë kokëforta:

1. Kompania shtoi tregtimin e ushqimeve si aktivitet të saj 6 ditë para hapjes se tenderit.
2. Ministria e Mbrojtjes përzgjodhi si fituese kompaninë pa asnjë aktivitet tregtar.
3. Kompania e përzgjedhur nga Olta Xhaçka është kompani kompjuterash.
4. Tenderi u zhvillua pa garë, pa transparencë, me vetëm një ofertë.
5. Tenderi u zhvillua me 3 javë vonesë, pas shpërthimit të krizës, në mënyrë që kompania e paracaktuar nga Edi Rama dhe Olta Xhacka të rregullonte letrat.

Prokuroria të mos bëhet vegël e qeverisë. Ky rast i vjedhjes flagrante duhet të hetohet menjëherë nga SPAK.

PArtia-Demokratike.jpg
nev ila20:11 | 31/03/2020

Partia Demokratike ditën e sotme përmes ish-deputetit Enkelejd Alibeaj njoftoi se ministria e mbrojtjes ka realizuar një tender me urgjencë i cili sipas PD është një skandal pasi është zhvilluar pa garë  dhe në kundërshtim me ligjin.

Ish-deputeti Enkelejd Alibeaj në një deklaratë për mediat ditën e sotme u shpreh se kompania fituese nuk është specializuar për produkte ushqimore. Sipas tij kjo kompani është specializuar për pajisje elektrike.

Për këtë fakt PD në një deklaratë për mediat ka njoftuar se pas dokumentimit të skandalit me tendein e blerjes së ushqimeve, do të paraqesë kallzim penal në SPAK ndaj ministres së mbrojtjes Olta Xhacka.

Njoftimi i Partisë Demokratike:

“Abuzimi me tenderin pa garë 1.5 milionë euro të ushqimit, Partia Demokratike kallzim penal në SPAK për Olta Xhaçkën

DEKLARATË E PARTISË DEMOKRATIKE TË SHQIPËRISË

Pas dokumentimit të skandalit me tenderin e blerjes së ushqimeve nga Ministria e Mbrojtjes, ku një kompani elektronike dhe ndërtimi, u shpall fituese për tregimin e ushqimeve, në kundërshtim me ligjin, Partia Demokratike e Shqipërisë do të paraqesë nesër në mëngjes kallëzim penal në SPAK ndaj Ministres së Mbrojtjes Olta Xhaçka.

Ky tender i realizuar me urgjencë në këtë kohë krize, ku është shpallur fituese pa garë, një kompani kompjuterash, është një aferë e pastër korruptive dhe klienteliste, për shkak se:

  1. Kompania që Edi Rama dhe Olta Xhaçka kanë parapërzgjedhur t’i japin plot 1.5 milion euro nuk ka asnjë eksperiencë në tregtimin e produkteve ushqimore. Kompania “Eurovia” është e specializuar për pajisje kompjuterike dhe ndërtim, jo për tregtimin e produkteve ushqimore.
  2. E njoftuar parapakisht për hapjen e këtij tenderi, në datë 19 Mars 2020, pra vetëm 6 ditë para se të shpallej fituese e tenderit për ushqime nga Ministria e Mbrojtjes, kompania “Eurovia” shpk, dega Shqipëri, ka modifikuar objektin e aktivitetit të saj, duke shtuar edhe tregtimin në produktet ushqimore. Vetëm 6 ditë pas këtij modifikimi, pa asnjë eksperiencë në këtë fushë, ajo shpallet fituese e tenderit 1.5 milionë euro të zhvilluar nga Ministria e Mbrojtjes për paketat ushqimore.

Organi i prokurorisë duhet të veprojë me urgjencë për vënien përpara përgjegjësisë ligjore të kujtdo që, edhe në kohë pandemie vjedh. Në këtë kohë krize është e domosdoshme mirëmenaxhimi i fondeve publike dhe rritja e përgjegjshmërisë së institucioneve shtetërore.

Në tenderin e Ministres së Mbrojtjes Olta Xhaçka rezulton e provuar kryerje e tre veprave penale dhe konkretisht: “Shpërdorimi i detyrës”; “Shkelja e barazisë së pjesëmarrësve në tendera apo ankande publike” dhe “Korrupsioni pasiv i funksionarëve të lartë shtetërorë ose i të zgjedhurve vendorë; parashikuar nga nenet 258, 258 dhe 260 të Kodit Penal“./abcnews.al

Selia-e-PD.jpg
Sid Orela21:38 | 19/03/2020

Partia Demokratike, me anë të një postimi në Twitter ka reaguar në lidhje me planin e masave social-ekonomike që kryeministri Rama shpalosi mbrëmjen e së enjtes.

Në reagimin e postuar në Twitter, PD thotë se e konsideron planin si të domosdoshëm, por propozimi i qeverisë, sipas opozitës, ka nevojë urgjente për transparencë.

Postimi:

“PD e konsideron planin e masave social-ekonomike si të domosdoshëm për përballimin e krizës së shkaktuar nga pandemia e koronavirus. Propozimi i Qeverisë ka nevojë urgjente për transparencë dhe për t’u detajuar.”

Kryeministri Rama shpalosi planin e masave social-ekonomike që do të ndërmerret për të përballuar krizën e krijuar nga koronavirusi në vend disa orë më parë.

Gjatë fjalës së tij, Rama sqaroi se ky plan përbëhet nga 7 pika:

-Së pari 2.5 mld ose 25 milion dollarë, për luftën në vijën e zjarrit, që vihen në dispozicion të Ministrisë së Shëndetësisë, për pajisje dhe materiale mjekësore, apo mbështetje të të gjithë personelit të angazhuar mjekësor.

– 10 mld lekë ose 100 milion dollarë, përmes instrumentit të një garancie sovrane, për komapnitë që kanë vështirësi objektive, për të paguar pagat e punonjësve të tyre.

– 6.5 mld lekë ose 65 milion dollarë, për nevojat më imediate për shtresat më në nevojë, për biznesin e vogël, për papunësinë e mundshme për shkak të luftës.

– 2 mld lekë ose 20 milion dollarë, që vihen në dispozicion të Ministrisë së Mbrojtjes për operacionin humanitar.

– 1 mld lekë ose 10 milion dollarë, si fond rezervë, për Këshillin e Ministrave për cdo urgjencë të paparashikuar.

– do të fshijmë përgjithmonë kamatëvonesat për debitorët aktivë që kanë konsum energjie sot, familjarë apo biznes i vogël, me fekt financiar deri në 15 miliard lekë ose 150 milion dollarë, dhe nga kjo masë do të përfitojnë 211 024 abonentë.

 – Do të ri-skedulojmë në 6 –mujorin e dytë të vitit 2020 dhe në vazhdim tatim-fitimin për të gjithë biznesin deri në fashën nga 2-14 mln lekë.

-Shtyrja e ddorëzimit të bilanceve për një periudhë deri në 1 qershor të këtij viti për bizneset që dorëzojnë bilancet në QKB online ose drejtpërdrejtë, do të përfshihet nesër me të gjithë të tjerat, datë 20.03.2020 si pjesë e aktit normativ për ndryshimet në Buxhetin e Shtetit 2020.

Selia-e-PD-770x434-648x365-1.jpg
eri Ida12:26 | 01/03/2020

Partia Demokratike ka reaguar pas premtimeve të kryeministrit Rama në Kongresin e PS-së që e barazoi Shqipërinë me vendet që janë në luftë për nga numri i lartë i shqiptarëve azilkërkues në Bashkimin Europian.

Selia blu në reagimin e saj në Facebook, shkruan se për Edi Ramën nuk di të ketë më një mandat të tretë, qeveria e tij e krimit do të marrë fund me votën e lirë.

Postimi i Plotë:

Kush është i poshtri?

Në 2 mandatet e Edi Ramës kryeministër më shumë se 300 mijë shqiptarë u larguan nga vendi. Me korrupsion, krim, arbitraritet, papunësi dhe injorancë, Edi Rama e barazoi Shqipërinë me vendet që janë në luftë për nga numri i lartë i shqiptarëve azilkërkues në Bashkimin Europian. Poshtërsi është të mohosh këtë të vërtetë, duke bërë me faj herë Bashkimin Europian, herë shqiptarët që ikin se nuk pajtohen me qeverisjen e keqe të Edi Ramës. Kjo do të marrë fund me votë të lirë! Për Edi Ramën nuk do të ketë më një mandat të tretë! Për Shqipërinë nuk do të ketë më eksod!/abcnews.al

Screenshot_3-16.png
R D12:26 | 19/02/2020

Lulzim Basha ishte sot në një familje kuksiane, ku u njoh nga afër me shqetësimet e banorëve, që janë kryesisht varfëria dhe emigracioni. Gjatë takimit me banorët, Basha theksoi se do ta hiqte taksën në Rrugën e Kombit sapo të vinte si kryeministër.

“Ditën e parë do ta heq, thuajini të gjithëve”, iu përgjigj një shoferi që iu ankua për rritjen e kostos së transportit.

Një tjetër banor i tha kryedemokratit se kishin 30 fëmijë që ishin larguar nga vendi dhe jetonin jashtë shtetit.

Jemi 6 vëllezër dhe 30 fëmijë i kemi të gjithë jashtë shtetit” , i tha njëri prej familjarëve. Ndërsa vëllai tjeter u shpreh “po të shkollosh një fëmijë do të duhen 25 milionë leke, unë i kam shkolluar fëmijët dhe tani janë jashtë”.

Gjatë bashkëbisedimit, Basha tha se problemin e emigracionit e zgjidh ekonomia. “Po të ketë ekonomi dhe invesvime këtu keni për ta pa se autobusët do të mbushen nga Brukseli për në Kukës dhe jo anasjelltas. Nuk duhet me e humb besimin, kjo rrugë që është bërë (rruga e Kombit) ishte zhvillim. Edhe socialistët e pranojnë se 2005-2009 ishte qeverisje e mire e PD-së”. Basha u premtoi atyre se kur të vijë PD në pushtet, fëmijët që sot janë në emigracion do të kthehen pranë familjeve dhe për këtë tha ai do të punojë për forcimin e ekonomisë. “Fëmijët që ikën nga skamja, kam me ua kthye”, u shpreh ai ndër të tjera /abcnews.al

bylykbashiiii.jpg
eri Ida12:52 | 13/02/2020

Ideleguari i PD për tryezën për Reformën Zgjedhore Oerd Bylykbashi gjatë prezantimit të paketës kundër krimit zgjedhor ka dhënë detaje dhe në lidhje me kërkesën e demokratëve për krijimin e një qeverie teknike.

Sipas tij Partia Demokratike kërkon një qeveri kujdestare që të jetë neutrale në raport me zgjedhjet. Ndër të tjera Bylykbashi ka theksuar se ëshytë e rëndësishme që të garantohet ndarja e shtetit nga partitë politike.

“Duhet të garantohet ndarja e shtetit nga partitë politike. Shteti nuk duhet të funksionojë në shërbim të partisë në pushtet. Nuk do të ketë bashkëqeverisjes mes opozitës dhe qeverisë. Një qeveri kujdestare duhet të jetë neutrale në raport me zgjedhjet. Policia do të jetë aktive për të mbrojtur procesin zgjedhor dhe jo mburojë për të mbrojtur partinë në pushtet. Duhet të jetë krejtësisht jashtë këtij konflikti interesi. Do të jetë një qeveri neutrale që zbaton ligjin. Në lidhje me krimin zgjedhor po i japim atë që i mungon sot, kompetencën për ta goditur. Ne japim zgjidhje. Kjo është një zgjidhje që nuk vjen nga hiçi. Ajo garanton interesin publik dhe zgjedhësit. Nuk pres që mazhoranca të thotë po. Kur propozuam ligjin e dekriminalizimit në vitin 2015 ajo kundërshtoi sepse cenoheshin të drejtat e kriminelëve. Nuk mundet sot Prokuroria dhe policia sot të thotë se nuk e dinim që kishte shkelje. Kjo paketë vendos instrumentet e domosdoshëm për të goditur krimin zgjedhor. Ne kemi rast ku zgjedhësit shqiptarë kanë denoncuar tentativat për shitblerje të  votave. Ka shumë qytetarë që refuzojnë me neveri“, tha Bylykbashi./abcnews.al

dashi-1.jpg
in a21:05 | 12/02/2020

Partia Demokratike ka reaguar sërish për makinën e blinduar të vëllait të kryeministrit Edi Rama. Sekretari i Përgjithshëm i PD, Gazment Bardhi ngre tre pyetje për Kryeministrin, duke i kërkuar të mos fshihet.

Bardhi, kërkon përgjigje nga Edi Rama: Pse vëllai i Kryeministrit është mbi ligjin dhe për të nuk vepron Urdhri nr. 1834/1, datë 06.11.2019 i Policisë së Shtetit?”

Edi Rama nuk mund të fshihet. Ai duhet të përgjigjet:

– Pse nuk ndalohet për verifikim nga OFL dhe pse nuk e bllokohet makina e blinduar e Olsi Ramës?

– Pse vëllai i Kryeministrit është mbi ligjin dhe për të nuk vepron Urdhri nr. 1834/1, datë 06.11.2019 i Policisë së Shtetit?

– Në çfarë aferash është përfshirë dhe çfarë e rrezikon Olsi Ramën, që është detyruar të përdorë një makinë të blinduar, e ndërtuar për të përballuar plumbat”, shkruan Bardhi.

/abcnews.al

pakti.jpg
in a16:36 | 12/02/2020

Policia do të ketë rol më të madh gjatë ditëve kur shqiptarët do t’i drejtohen kutive të votimit.

Kjo kërkesë e Partisë Demokratike është diskutuar sot më në detaje në tryezën e Reformës Zgjedhore, ku ndryshe nga takimet e mëparshme ishin të pranishëm dhe dy ekspertë të ODIR-it.

“Është roli i Policisë së Shtetit në një kuadër masash, të garantojë fushën e barabartë të lojës”,  theksoi ish deputeti i PD, Oerd Bylykbashi.

Deri më tani asnjë çështje që lidhet me akuzat për krime zgjedhore nuk është hetuar nga organet e drejtësisë. Këtë PD pretendon që ta bëjë struktura e posaçme kundër korrupsionit dhe krimit të organizuar.

“Kemi bërë propozime në lidhje me rolin që duhet të ketë Prokuroria, qoftë Prokuroria e Posaçme qoftë ajo e zakonshme”, u shpreh Oerd Bylykbashi.

Pjesë e kësaj tyreze nuk do të jenë diskutimet për krijimin e një qeverie tranzitore para zgjedhjeve, siç kërkon PD.

 “Ato gjëra që nuk janë arritur me “luftë” në rrugë nuk mund ti marrësh në tavolinën e negociatave. Nuk ka sens të diskutohet kjo gjë në këtë tavolinë. Është një çështje e natyrës politike për të cilën Partia Demokratike ka qasjen e saj, por mazhoranca e ka bërë të qartë. Qeveria është kushtetuese, qeveritë teknike nuk janë të dobishme për popullin”, deklaroi Damian Gjiknuri.

Përfaqësuesja e opozitës parlamentare në tyrezë, Rudina Hajdari tha se nuk do të hiqet dorë nga ndryshimi i sistemit. Për propozimet e PD ajo pati këtë koment: “Kishte edhe propozime të tjera që erdhën nga PD-ja, por vijnë të një natyre politike. Propozimet do ishte mirë t’i kishim marrë më herët, që takimet të jenë sa më produktive”, tha më tej Rudina Hajdari.

Në tryezën e ardhshme diskutimet do të fokusohen tek financimi i fushatave zgjedhore. Palët janë dakordësuar që të kenë një dokument të dakordësuar deri më 15 mars.

PArtia-Demokratike.jpg
nev ila18:57 | 01/02/2020

Në lidhje me miratimin nga ana e qeverisë së paketës normative Anti-KCK ditën e djeshme, ka reaguar partia Demokratike përmes një deklarate.

Sipas PD akti normativ i qeverisë është antikushtetues dhe nuk forcon luftën ndaj krimit të organizuar po dublon kompetencat e SPAK dhe BKH.

Po ashtu PD thotë se duke i dhënë policisë kompetencat që i rrëzoi 4 vjet më parë Gjykata kushtetuese  krijon bazën për krijimin e shtetit policor.

DEKLARATË E PARTISË DEMOKRATIKE TË SHQIPËRISË

Akti normativ i qeverisë për krimin e organizuar është antikushtetues, nuk forcon luftën ndaj tij, ul standardin e goditjes ndaj krimit të organizuar dhe dublon kompetencat e SPAK-ut dhe BKH-së.

Nëse do të zbatohej, ligji antimafia në fuqi ka mekanizma më të fortë dhe më efikasë për luftën ndaj krimit të organizuar, përmes goditjes së pasurisë së tij, por akti normativ synon të zëvendësojë SPAK-un me Ardi Veliun.

Duke i dhënë policisë kompetencat që ia rrëzoi Gjykata Kushtetuese 4 vjet më parë, ligji i ri i Edi Ramës krijon bazën për krjimin e modelit të shtetit policor, ku do të goditet banda që nuk bashkëpunon për t’i ruajtur dhe për t’i siguruar pushtetin në mënyrë të paligjshme.

Nuk ka asnjë shans që Edi Rama të luftojë krimin e organizuar, pasi ai është produkti politik i parave të pista të krimit të organizuar. Gjatë gjithë karrierës se tij politike, Edi Rama ka siguruar vota dhe para prej krimit të organizuar, duke u dhënë trafikantëve të drogës leje ndërtimi, koncesione, tendera dhe pasuri publike.

Shqipëria nuk ka nevojë për ligje të reja për të luftuar krimin e organizuar. Shqipëria ka nevojë për një qeveri dhe një kryeministër që nuk është peng i krimit të organizuar. Partia Demokratike është e vetmja forcë e madhe politike që mund ta sigurojë këtë. Ne kemi vullnetin për të goditur krimin dhe për të luftuar korrupsionin, që po zbras çdo ditë Shqipërinë.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono