Denar Biba: Dëgjojeni audion, është bërë masakër

schedule22:00 - 18 Shtator, 2018

schedule 22:00 - 18 Shtator, 2018

Gati një muaj më parë PD bëri publike një audio-përgjim mes zv/kryetarit te KQZ-së Denar Biba dhe gjyqtarit të Straburgut Ledi Bianku. Për më shumë rreth bisedës së përgjuar në një intervistë me gazetarin Mustafa Nano ishte i ftuar juristi Denar Biba.

“Të të vijë andej nga nuk e pret” dhe “U mbars mali dhe polli një mi”. Ishin këto shprehjet me të cilat Biba e nisi diskutimin e kësaj çështjeje, ku sipas thashethemeve PD kishte rreth 5 muaj që e dinte ekzistencën e këtij episodi.

“Më kanë thënë që kishte 5 muaj që e dinin dhe s’kishte asnjë lloj vlere, por mesa duket u ndodhën pa ndonjë lajm të rëndësishëm. Dëgjojeni audion dhe do shikoni se çfarë masakre është bërë.”

Ai u shpreh se detyrat e tij të ndërmarra deri më tani, nuk kanë pasur atë lloj sensibiliteti për tu përgjuar. Sipas tij çdo lloj marrëveshje e rëndësishme në historinë e kombeve dhe shteteve kanë nisur nga biseda të tilla. Shembull tregon bisedën mes Ramës dhe Bashës duke thënë se nga ajo bisedë akoma dhe sot nuk dihet ç’ka u tha në të. Gjithashtu u diskutua për funksionet e tij të reja dhe çështjet e ngjashme të përgjimeve në botë./abcnews.al