Bojkoti i Superiores, Liga e Futbollit merr sot vendimin final

schedule08:11 - 26 Tetor, 2020

schedule 08:11 - 26 Tetor, 2020

Sot mund të vijë lajmi i madh për Superioren. Liga Profesioniste e Futbollit, sikurse ka njoftuar disa ditë më parë, do të zhvillojë mbledhjen e radhës prej orës 11:00 në ambientet e stadiumit “Air Albania”.

Të premten presidenti i FSHF, Armand Duka, pati një takim me kryeministrin Edi Rama dhe folën pikërisht mbi Ligjin e Sponsorizimit që krijoi ngërçin më të madh për gjetjen e marrëveshjes mes Ligës dhe Ministrisë së Financave.

Rama, sipas asaj që Duka ka deklaruar, pritet që të udhëzojë Ministrinë për të miratuar Ligjin e Sponsorizimit që ka propozuar komuniteti i futbollit.

Në takimin e sotëm presidentët e klubeve do të informohen mbi atë që Duka ka folur me Ramën dhe më pas do vendosin nëse do vazhdojnë bojkotin apo do të nisin kampionatin. /abcnews.al