2 ton kanabis në kamionin me perime nga Shqipëria, reagon policia

schedule20:33 - 3 Nëntor, 2020

schedule 20:33 - 3 Nëntor, 2020

Policia e Shtetit ka dhënë informacion lidhur me 2 ton kanabis të sekuestruar në Podgoricë. Ajo thotë se ngarkesa e cila ishte fshehur në një kamion me fruta dhe perime është konstatuar mëngjesin e sotëm në vendkalimin kufitar Hani i Hotit. Sipas policisë kamioni drejtohej nga E.C. dhe kishte hyrë nëpërmjet pikës së kalimit kufitar të Kapshticës, tranzit për në vendet e BE-së.

“Mëngjesin e sotëm, në vendkalimin kufitar Hani i Hotit (Bozaj), shërbimet policore dhe ato doganore të Malit të Zi, gjatë kontrollit të një kamioni tranzit, kanë gjetur të fshehur brenda ngarkesës me fruta-perime, një sasi të konsiderueshme lënde narkotike të dyshuar marijuanë. Kamioni që drejtohej nga shtetasi E. C. ishte ngarkuar me fruta-perime në shtetin grek dhe kishte hyrë nëpërmjet pikës së kalimit kufitar të Kapshticës, tranzit për në vendet e BE-së.

Policia e Shtetit, pas shkëmbimit të informacioneve paraprake me homologët malazezë, ka dërguar në Malin e Zi, një grup specialistësh të Hetimit të Narkotikëve, me qëllim kryerjen e hetimeve të përbashkëta dhe përcaktimin e origjinës se nga është marrë lënda narkotike”, njofton policia./mv.abcnews.al