Biden njofton paketën e re të ndihmës: Lufta nuk do përfundojë me humbjen e Ukrainës

schedule15:22 - 30 Qershor, 2022

schedule 15:22 - 30 Qershor, 2022

SHBA do të japë 800 milionë dollar shtesë në ndihmë të Ukrainës në ditët në vijim, tha presidenti amerikan Joe Biden.

Duke folur në samitin e NATO-s, ai tha se kjo ndihmë do të përfshijë sisteme të reja të avancuara të mbrojtjes ajrore perëndimore, municione shtesë për sistemin e lëshimit të shumëfishtë të raketave HIMARS dhe më shumë HIMARS që vijnë nga vende të tjera.

Ai tha se shumica e anëtarëve të NATO-s janë në rrugën e duhur për të tejkaluar angazhimin e aleancës për të shpenzuar 2% të PBB-së për mbrojtjen.

“Kjo është një përpjekje globale për të mbështetur Ukrainën”, tha ai.

Biden shtoi se SHBA do të ndihmojë Ukrainën për aq kohë sa duhet.

Presidenti gjithashtu u shpreh se Ukraina ka treguar se mund të vazhdojë t’i rezistojë agresionit rus.

“Unë nuk e di se si do të përfundojë, por nuk do të përfundojë me një humbje të Ukrainës”, tha ai. /abcnews.al