Loading ...
Për 3 ditë, Berati u kthye në kryeqytetin shqiptar të verës. Wine and storys of Berat, solli në qytetin e një mbi një dritareve, kantinat, prodhuesit, turistët dhe dashamirësit e verës.
Këshilltari i Rajonit të Molises në Itali, Michele Marone deklaroi për emisionin “Të Gjitha Rrugët të Çojnë në Romë”, në ABC News, se ishte hera e parë që vizitonte Beratin.
Marone tha se është gjysmë arbëresh dhe duhet ruajtur tradita.
Artur Nura: Sa herë ke qenë në Berat?
Michele Marone: Në Berat është hera e parë, është hera e parë dhe është një ngjarje e jashtëzakonshme. Në fakt, sot i bëmë komplimentet kryetarit të bashkisë, kur erdhëm ta vizitonim në sallën e këshillit bashkiak, dhe është një gjest vëllazërie sepse, siç e dini, ne jemi vëllezër që prej viteve 1400-1500, prej më shumë se 5 shekujsh.
Artur Nura: Por ju nuk jeni arbëresh apo jeni arbëresh?
Michele Marone: Unë jam gjysmë arbëresh, sepse gjyshi im Giorgio, i cili është arbëresh nga Montecilfone, ka qenë gjithashtu podestà në vitet e para të viteve ’20-’30 në Montecilfone, prandaj e kam në gjak dhe ndihem vëlla.
Artur Nura: Këto aktivitete të organizuara, fillimisht ka qenë një delegacion i Bashkisë së Beratit në Montecilfone, në ato zona, dhe më pas vini ju. Çfarë do të thotë kjo për një person si ju?
Michele Marone: Do të thotë një gjest i madh, jo vetëm takimi, i komunitetit, por një ribashkim i popujve vëllezër. Shikoni, deti nuk na ndan, por deti Adriatik është ura që bashkon një popull të vetëm: popullin e Shqipërisë që erdhi në Itali dhe më pas nga Italia u kthye përsëri në Shqipëri, prandaj është një pasion i madh.
Duhet absolutisht ta përcjellim, ta trashëgojmë këtë kulturë arbëreshe, e cila deri më sot ka mbërritur te fëmijët tanë përmes traditës gojore. Ka pak gjëra të shkruara. Prandaj po përpiqemi të nxisim shkrimet, një kulturë të shkruar, për të futur në shkollat publike mësimin e gjuhës arbëreshe.
Artur Nura: Absolutisht po. Sot, për shembull, në komunitetet tona në Molise, fëmijët u mësojnë fëmijëve poezi, vjersha dhe u mësojnë gjithashtu të shkruajnë në shqip, prandaj është një identitet kulturor që duhet absolutisht të ruhet dhe të trashëgohet ndër shekuj. Por a është gjithashtu një motor, le të themi, a është kultura një motor ekonomik për turizmin?
Michele Marone: Sigurisht që është një motor ekonomik, jo vetëm për turizmin, por edhe për të gjitha shkëmbimet tregtare. Shikoni, sot Berati është i mrekullueshëm, është plot me njerëz që vijnë nga e gjithë bota, jo vetëm nga Italia, por edhe nga vende të tjera. Dhe kjo është një e dhënë domethënëse, sepse bën që tradita, identiteti shqiptar dhe i Beratit në veçanti, të njihet nga e gjithë bota.
Pra, pikërisht ky është qëllimi: të bëjmë të njohur, të përcjellim këtë identitet, për të garantuar gjithashtu shkëmbime tregtare dhe prodhuese në të gjitha drejtimet.
Artur Nura: Jam plotësisht dakord, faleminderit shumë.
Michele Marone : Faleminderit ju.
