“Armikja” republikane e Trump-it humbet në zgjedhjet paraprake në Wyoming

schedule07:43 - 17 Gusht, 2022

schedule 07:43 - 17 Gusht, 2022

Votuesit në shtetin amerikan të Wyoming kanë rrëzuar kongresmenen Liz Cheney, një kritike e rrallë republikane e ish-presidentit Donald Trump, në zgjedhjet paraprake.

Ajo është mposhtur nga një politikane dhe  kandidate e  re, e mbështetur nga Trump, Harriet Hageman.

Cheney ishte një nga dy anëtarët e vetëm të partisë së saj që iu bashkua komitetit të Kongresit që hetonte përpjekjet e Trump-it për t’u kapur në pushtet.

Kongresmenja me tre mandate ishte dikur një yll republikan në rritje, e përshkruan BBC.

Të 10 republikanët që votuan për shkarkimin e Trump pasi mbështetësit e tij sulmuan ndërtesën e Kapitolit të SHBA në janar të vitit të kaluar janë shënjestruar në një fushatë hakmarrjeje.

Deri më tani, katër kanë dalë në pension dhe tani katër janë mundur nga kandidatët e tij të zgjedhur në votimet paraprake në shtetet e Wyoming, Uashington, Michigan dhe Karolinën e Jugut.

Vetëm dy kanë ruajtur me sukses vendet e tyre në biletën e republikanëve për rizgjedhje.

Vajza e ish-zëvendëspresidentit Dick Cheney, zonja Cheney ishte e fundit nga 10 që u përball me sulmin Trumpian./abcnews.al/