Video/Alarmi për tritol, Forcat Xheniere nuk gjejnë gjë

schedule10:57 - 1 Gusht, 2018

schedule 10:57 - 1 Gusht, 2018

Një alarm për tritol brenda në një makinë rezultoi alarm fals. Mjeti ishte parkuar pranë ambjenteve të Drejtorisë së Policisë së Vlorës dhe vuri në lëvizje një numër të lartë policësh e specialistësh të antikrimit.

Shiritat e perimetrit të sigurisë u mbajtën për pesë orë. Në makinë dyshohej se kishte eksploziv dhe Policia e Vlorës kërkoi ndihmën e forcave xheniere të Tiranës.
Pronari i mjetit është Gazmir Merkaj një ish i dënuar për grabitje.

Pas më shumë se një orë kontrolli, Forcat Xheniere nuk gjetën eksploziv dhe dolën me konkluzionin se alarmi ishte fals. Mjeti ndodhej i parkuar në afërsi të Drejtorisë së Policisë së Vlorës ne lagjen “Kushtrimi”.

Vetë Merkaj gjatë natës ishte ndaluar për armëmbajtje pa leje në Policinë e Fierit. Ai u tha policëve që po shkonte vetë tek ata pasi do denonconte se brenda në “BMW” mund ti kishin vendosur eksploziv.

Në dëshminë e parë ai ka thënë se kishte vërejtur levizje të dyshimta në shtëpi dhe pranë makinës së tij, ndaj dhe ishte i armatosur./abcnews.al