ABC News me gazetarin Arlind Isa është në Zveçan, pak kilometra larg zonës ku ndodhi ngjarja ditëm e djeshme, ku policia e Kosovës u përplas me një grup terrorist, e si pasojë mbeti i vrarë rreshteri, Afrim Bunjaku dhe mbetën të plagosur 2 efektiv të tjerë.
Gazetari Arlind Isa, raporton se pak minuta më parë ka pasur një alert në zonë, çka bëri që forcat e pozicionuara atje të bëjnë një vëzhgim me dron, por ka rezultuar një alarm fals.
“Jemi në pikën e fundit ku mediat kanë mundësi të raportojnë apo të marrin informacione.
Pak minuta më parë ka pasur një lëvizje të forcave të rendit. Postobllokun i cili ka qëndruar që prej mëngjesit të ditës së djeshme ka bërë një lëvizje të papritur duke u zhvendosur drejt Leposaviqit.
Mbetet për t’u parë dhe për të kuptuar se çfarë ka ndodhur.
E gjithë zona ka qenë gjatë gjithë kohës në skanim nga forcat e policisë, pasi ka pasur njëlloj alerti.
Pak minuta më herët ka qenë një dyshim i forcave të sigurisë të vendosura këtu, i cili ka çuar që forcat e sigurisë të bëjnë një vëzhgim me dron, por ka rezultuar një alarm i rremë.
Këtu hetimet vijojnë, kërkimet vijojnë. Detaj i rëndësishëm i ditës së djeshme ndër të tjera ishte edhe arsenali i madh i armëve” u shpreh gazetari.r.t/abcnews.al
