Nga Leontina Nika
Salla kryesore e ekspozitave në Muzeun Historik Kombëtar për dy vite do kthehet në magazinë. Me mbylljen e Galerisë Kombëtare dhe kësaj salle ku janë realizuar evente të rëndësishme si “Pranver Art”, “Nëntori” apo ekspozita të shumta personale, arti pamor do të vuaj hapësirat e prezantimit në kryeqytet. E fundit ekspozitë e realizuar në këtë sallë ishte ajo e piktorit të njohur Ismail Lulani.
Galeria Kombëtare e Arteve ka mbyllur dyert për vizitorët që më 18 tetor për shkak të rikonstruksionit. Arkivi dhe administrata janë transferuar pranë ambienteve të Albafilm sh.a. Aktiviteti Artistik i galerisë do të bashkërendohet me Muzeun Historik Kombëtar, në hapësirën e vetme ekspozuese që është holli i muzeut.
Krahas restaurimit të galerisë ekzistuese do të shtohet edhe një tjetër simotër në pjesën e pasme të saj. Galeria Kombëtare e arteve i ka hap dyert zyrtarisht për publikun, në janar të 1954. /abcnews.al
