Studentët kanë bojkotuar mësimin edhe këtë të hënë, në ditën e 13-të të protestës. Në fillim ata janë mbledhur në fakultetet respektive. Tek Fakulteti Ekonomik, ai i Shkencave Sociale dhe tek Politekniku, studentët kanë rrethuar me shirita hyrjen, për të nënvizuar bojkotin e mësimit.
Të nisur nga fakultete të ndryshme, studentët po mbërrijnë para godinës së Kryeministrisë, aty ku e kanë zhvendosur protestën prej të enjtes së kaluar. Studentët vazhdojnë të kërkojnë plotësimin e 8 kërkesave të njohura e deri tani refuzojnë ftesat e përditshme të kryeministrit për dialog./abcnews.al
