Juventusi luan nesër ndeshjen e parë për këtë sezon në Champions League dhe sfidon Malmon në Suedi. Para kësaj ndeshje në konferencë për mediet foli trajneri i bardhezinjve, Max Allegri, që mes të tjerash tregoi edhe objektivin në këtë edicion të kupës “veshëgjatë”.
“Të rinjtë nuk janë më të rinj. Në duhet të zgjohemi shpejt. Askush nuk e priste një fillim kaq të dobët, por mund të them se është bërë dhe po bëhet punë e mirë. Por futbollit nuk i dihet. Kush e imagjinonte se Szczesny, që është një portier shumë i besueshëm do bënte katër gabime në tre ndeshje.
Nëse dikush do e parashikonte, do e quaja çmenduri. Nesër Szczesny do luajë sërish sepse ai padyshim që është portier me vlera të mëdha. Chiesa nuk do jetë, ai nuk ndihej mirë dhe me intensitetin e ndehsjeve të Champions League rrezikonte të dëmtohej më rëndë.
Bernardeschi mori një goditje ndaj Napolit dhe rrezikimi i tij nuk kishte sens. Kam 17 lojtarë në dispozicion dhe më mjaftojnë për këtë ndeshje. Malmo është ekip i mësuar me ndeshjet e Champions League. Kanë lojtarë cilësorë, dy sulmuesit janë të mirë. Ndaj këtij ekipi do duhet të bëjmë lojë të shkëlqyer.
Ne nuk hyjmë si favoritë në Champions League. Në fillim kam folur me presidentin dhe qëllimi i vënë është hyjmë mes 8 më të mirave. Pastaj kur shkon atje, gjithçka mund të ndodhë. Këtë vit ne nuk jemi ndër favoritët, por kjo nuk do të thotë se ne nuk kemi dëshirën për të fituar, janë dy gjëra të ndryshme”, tha ndër të tjera Allegri. /abcnews.al
