Tottenham ka bërë detyrën kundër Pacos Ferreira, duke fituar me rezultatin 3-0 pas humbjes 0-1 në duelin e parë në Portugali. Të besuarit e Nuno Santo u kualifikuan në grupet e Conference League, ndërkohë që ai që shkëlqeu ishte Harry Kane.
Sulmuesi, i cili u rikthye pas mungesës në fillim të këtij sezoni, shënoi në portën e Ferreira që në minutën e nëntë. Sinjali ishte i qartë dhe Tottenham dominoi totalisht, duke krijuar raste të shumta shënimi.
Po në pjesën e parë “Spurs”-at shënuan edhe golin e dytë, sërish me Harry Kane. Me epërsinë e dy golave anglezët shkuan në dhomat e zhveshjes dhe tashmë ishin të qetë.
Giovani Lo Celso ishte ai që i dha fund këtij dueli, me golin e tretë të shënuar në minutën e 70-të. Pacos Ferreira nuk i bëri dot ballë forcës së Tottenham, që i eliminoi ato nga Conference League. /abcnews.al
