Në aeroportin e Kabulit, të paktën 6,000 persona janë duke pritur që të hipin nëpër avionë e të largohen nga vendi.
Lajmin e bëri të ditur zëdhënësi i Departamentit të Shtetit Ned Price gjatë një konference për shtyp ndërsa shtoi se 6,000 personat kanë kaluar nga ekipi konsullor dhe së shpejti pritet të jenë në bordin e avionëve.
Price u tha gazetarëve se ata “janë të vetëdijshëm për mbingarkesat rreth aeroportit” dhe “po punojnë ngushtë me Departamentin e Mbrojtjes për të lehtësuar qasjen e sigurt dhe të rregullt për përpunimin konsullor në kompleksin e aeroportit”.
Ai tha se fluturimet kanë vijuar në të gjithë aeroportin, duke vënë në dukje se qytetarëve amerikanë dhe banorëve të përhershëm ligjorë “do t’u jepet mundësia e parë për të hipur, me grupet e tjera prioritare që plotësojnë vendet nga atje”.
Nga ana tjetër, liderët e G7 njoftuan se po vijojnë përpjekjet për të bërë “gjithçka që është e mundur për të evakuuar personat e cenueshëm” nga Afganistani.
Kështu u shpreh Sekretari i Jashtëm i Mbretërisë së Bashkuar dhe Kryetari i Takimit të Ministrave të Jashtëm dhe të Zhvillimit të G7, Dominic Raab. Ai i bëri thirrje komunitetit ndërkombëtar të sigurojë “rrugë të sigurta dhe ligjore të zhvendosjes” Për ata që po evakuohen. s.b/abcnews.al/
