“E diela ishte dita më e tmerrshme në tërë jetën time”. Kështu e nis rrëfimin një grua afgane pasi talebanët morën kontrollin e vendit.
“Shkova në zyrë në mëngjes. Kishte shumë pak njerëz atje, nuk ishte normale. Talebanët ishin në portat e qytetit, njerëzit ishin të frikësuar, por unë nuk besoja se militantët do të ishin në gjendje të hynin.
Rreth mesditës dola nga zyra. Mora disa dokumente personale. Shkova në bankë për të tërhequr disa para pasi të gjithë përpiqeshin të nxirrnin sa më shumë para që të mundnin. Por radha ishte shumë e gjatë. Situata ishte intensive.
Kur hyra në bankë, vura re thirrjet e humbura nga nëna, motra dhe vëllai im. Më trembi, pasi diçka mund të ketë ndodhur. Telefonova nënën time dhe ajo më pyeti, në një mënyrë shumë të shqetësuar, ku isha dhe çfarë po bëja.
Ajo më tha të nxitoja dhe të ikja në shtëpi pasi talebanët ishin në perëndim të qytetit. Unë u trondita, u tmerrova, u frikësova” rrëfen gruaja afgane, e cila në Kabul ka punuar për qeverinë afgane për gati dy vjet, deri javën e kaluar kur jeta ndryshoi, pasi talebanët morën pushtetin./ Abcnews.al
