Loading ...
Ministri i Shëndetësisë në Kosovë Arben Vitia do të mbajë sot një mbledhje virtuale me Asociacionin e Komunave të Kosovës, për të diskutuar masat e reja anti-covid. Gazeta Express mëson se takimi do të fillojë në orën 18:00, ndërsa pritet që të diskutohen masat e reja pas rritjeve të numrit të rasteve pozitive me koronavirus në vend.
Para takimit me Asociacionin e Komunave të Kosovës, ministri Vitia do të takojë edhe krerët e institucioneve shëndetësore, për të diskutuar rreth masave të reja.
Kjo është bërë e ditur përmes një njoftimi për media nga Ministria e Shëndetësisë.
“Ministri i Shëndetësisë i Republikës së Kosovës, z. Arben Vitia ka ftuar për sot në takim krerët e institucioneve shëndetësore të vendit dhe hisedarët në zbatimin e masave kundër COVID-19. Në këtë takim do të diskutohet për situatën epidemiologjike në vend dhe ndërmarrjen e masave të tjera anti COVID-19.”
Kujtojmë se 24 orët e fundit në vend janë konfirmuar edhe 1, 765 raste të reja me koronavirus. /abcnews.al/
