Redon Makashi dhe Ervis Saliasi ishin të ftuar këtë të hënë në emisionin “Abc-ja e mëngjesit”, ku dhanë detaje nga koncerti që do të mbahet më 28 Korrik në Amfiteatrin e Tiranës. Koncerti është organizuar nga Saliasi, pjesë e të cilit do të jenë gjithashtu dhe Aleksandër Gjoka e Era Rusi.
Gjatë bisedës, Redoni u pyet nga moderatori Alban Musa për koncertin më të çuditshëm që ka mbajtur. Artisti tregoi se në vitet ’90 kishte ngatërruar nj⌂ aktivitetin ku do të merrte pjesë, organizuar nga një parti politike gjatë fushatës elektorale.
“Ishte në vitet ’95 kur organizoheshin aktivitete për fushatat elektorale nga partitë politike. Ishte një rast në Durrës, ishim me Dashnor Dikon, ndaluam makinën dhe shkuam tek një koncert, por kur shohim që ishim tek partia tjetër. Njerëz për njerëz ne vrapuam por kur shoh del deputeti i partisë x, thashë që ne nuk kemi tek kjo.”, tregoi ai. /abcnews.al
