Zgjedhjet në SHBA, demokratët marrin dhomën e deputetëve

Të dhënat e para për rezultatet e zgjedhjeve të mes mandatit në Shtetet e Bashkuara të Amerikës, flasin për një fitore të demokratëve në dhomën e deputetëve, ndërsa republikanët e presidentit Tramp kanë përforcuar dhe më shumë pozitën e tyre në senat.

Amerikanët votuan për zgjedhjet e mes mandatit të kongresit, një mënyrë për të gjykuar dhe punën e deritanishme të presidentit amerikan Donald Tramp. Dhoma e deputetëve është rinovuar si dhe një e treta e senatit, gjithashtu dhe 36 guvernatorë të rinj në 50 shtete. Sipas të dhënave të para demokratët kanë marrë dhomëne e deputetëve ndërsa republikanët kanë përforcuar dhe më shumë pozitat e tyre në senat. Kreu i Shtëpisë së Bardhë ka falenderuar të gjithë me anë të një mesazhi në profilin e tij Tuiter, duke e konsideruar këtë rezultat si një sukses. Nga demokratët ka qenë Nensi Pelozi që ka reaguar e para duke thënë se tashmë me kontrollin në dhomën e deputetëve do të rikthehen kontrollet dhe ekuilibrat kushtetues mbi administratën e Tramp./abcnews.al