Loading ...
Kristi Vangjeli e mbyll me Tiranën. Mbrojtësi, pasi ishte përshëndetur me shokët e skuadrës, tanimë ka dalë edhe me një njoftim në rrjetet sociale. Korçari i falënderon të gjithë dhe ikën pa qejfmbetje, të paktën në dukje.
“Përshëndetje miq, dua t’ju njoftoj që nga sot nuk do jem më pjesë e ekipit të Tiranës. Dua të falënderoj presidentin Refik Halili, gjithë stafet teknik edhe bashkëlojtarët që kemi punuar së bashku këto 2 vite.
Gjithashtu një falënderim për tifozerinë e Tiranës, të cilët na kanë mbështetur në çdo moment! Iki me kokën lart dhe me objektivat e realizuara, si të klubit po ashtu edhe personalet. Me respekt, Kristi Vangjeli”, shkruan mbrojtësi. /abcnews.al
