Janë mbyllur dy supersfidat e javës së parafundit të Kategorisë Superiore. Vllaznia ka mundur të fitojë me shifrat 0-1 ndaj Partizanit dhe Laçi e Teuta janë ndarë në barazim pa gola.
Në Tiranë, në Partizani-Vllaznia ndeshja nisi shumë e kujdesshme dhe skuadrat ishin të vendosura mirë, me sulmuesit, që me cilësitë e tyre individuale, pa shumë mbështetje u munduan të krijojnë shanse, por pa pasur raste flagrante.
Në pjesën e dytë ekuilibrat u prishën dhe Vllaznia fillimisht nisi më vrullshëm dhe fitoi terren. Më pas Partizani u kthye dhe krijoi dy raste me Muratajn dhe Idrizajn nga jashtë zone. Edhe Vllaznia kishte mundësi, me portierin Hoxha, që u përgjigj mirë.
Në minutën e 73-të ndodhi episodi që vendosi gjithçka. Një prekje e dyshimtë me dorë në zonë e Belicës, pretendime të forta të shkodranëve dhe shqyrtim prej rreth 2 minutash nga ana e gjyqtarit. Në fund u akordua penallti. Marku e mori përsipër dhe goditi fort, duke shënuar.
Ndërkohë, ndeshja tjetër mes Laçit dhe Teutës ishte më e ekuilibruar, e ndikuar edhe nga karakteristikat e skuadrave në fushë. Kishte shumë kujdes nga Teuta, që u përpoq të ndëshkonte me goditje standarde. Laçi nga ana tjetër tentoi të përfitojë me shpejtësinë e lojtarëve të sulmit dhe klasin e Mazrekajt, por nuk kishte gol në asnjërën anë.
Me këto rezultate, titulli mbetet ende shumë i hapur. Teuta renditet e para, me pikë të barabarta me Vllazninë (63). I vetmi avantazh i Teutës është 1 gol më shumë në diferencën e rrjetave të shënuara dhe të pësuara. Pas tyre vjen Partizani me 62 pikë dhe Laçi, 61 pikë.
Teuta luan me Apoloninë në ndeshjen e fundit, Partizani sfidon Bylisin, ndërsa Laçi e Vllaznia ndeshen së bashku. Në letër Teuta është skuadra më e avantazhuar, pasi ka kundërshtar të lehtë përballë, ndryshe nga Vllaznia. Gjithsesi, gjithçka do jetë e hapur. /abcnews.al
PARTIZANI-VLLAZNIA 0-1
Shënues: Marku 74′
PARTIZANI: Hoxha, Idrizaj, Bitri, Belica, Hakaj, Broja, Murataj, Bardhi, Cardoso, Çinari, Cara. Trajner: Ilir Daja.
VLLAZNIA: Zogovic, Gurishta, Adili, Shehi, Imami, Kruja, Jonuzi, Krymi, Marku, Victor Da Silva, Avdijaj. Trajner: Thomas Brdaric.
LAÇI-TEUTA 0-0
LAÇI: Sherri; Malota, Ignjatovic, Obanor; Deliu, Lushkja, Lucas Ramos, Musta; Shehu; Harmon, Mazrekaj, Trajner: Shpëtim Duro.
TEUTA: Frashëri, Todorovski, Hoxha, Arapi, Jackson, Aleksi, Daja, E. Vila, L. Vila, Bregu, Gruda. Trajner: Edi Martini.
Mbyllen ndeshjet…
75’ GOOOL! Vllaznia shënon golin e avantazhit me penallti.
https://streamable.com/x0tk7u
73’ Ka prekje me dorë në zonën e Partizanit, gjyqtari Enea Jorgji akordon penallti pas rreth dy minutash konsultim me asistentët.
https://streamable.com/tpontr
59’ Murataj lëviz mirë dhe gjen mundësinë e goditjes, por finalizimi nuk është i duhuri.
https://streamable.com/kvxozo
49’ Laçi ka një rast shumë të mirë, sulmuesi i kurbinasve ndalet mrekullisht në momentin e fundit.
https://streamable.com/1by210
20’ Vllaznia ka një mundësi të mirë për të kaluar në avantazh, por Hoxha tregon aftësitë e tij.
https://streamable.com/nb1zb7
13’ Da Silva i merr Muratajt një faull në hyrje të zonës. Braziliani e godet vetë, por topi kalon disa centimetra mbi portë.
https://streamable.com/79hwwc
