Komisioni Hetimor, ka zhvilluar mbledhjen e radhës për Presidentin e Republikës, Ilir Meta.
Gjatë fjalës së tij, eksperti i hetimit Erind Merkuri tha se presidenti duhet të jetë mbi palët dhe se nuk duhet të jetë i paanshëm.
“Presidenti duhet të jetë mbi palët, sjellja e tij nuk duhet të perceptohet si e njëanshme, në favor apo kundër. Sepse kjo e mundëson që të ruajë funksionin e arbitrit në këto kriza. E gjithë qasja për unitetin e popullit, duhet të mbizotërojë”, tha Mërkuri.
Gjatë mbledhjes anëtari Spartak Braho ngriti pyetjen a duhet të jetë presidenti garant i Kushtetutës, për të cilën eksperti Braho tha se Presidenti është garanti i Kushtetutës si çdo institucion tjetër.
“Ai është garant i Kushtetutës si çdo institucion tjetër. Në Shqipëri garant kushtetues ka pasur në kohë të ndryshme. Hera e parë ishte në 1932-shin. Garant në këtë kohë doli parlamenti i asaj kohe. Kjo gjë u ruajt dhe nga regjimi komunist.
Në 91-shin, kushtetuta e 76-ës u shfuqizua pak. Këtu për herë të parë del garant kushtetues presidenti. Në atë kohë nuk kishim Gjykatë Kushtetuese. Ajo u krijua një vit pas. Prapë, dhe ligji i ri thotë; Gjykata Kushtetuese është garantë e Kushtetutës. Në 98-ën u hoq nocioni si; presidenti garant i kushtetutës. Me reformën e 2016-ës, rezulton se për Gjykatën Kushtetuese thuhet se gjykon kushtetutën dhe parimet e saj”, tha Braho.
/abcnews.al/
