Liverpool drejt Champions League, West Ham në Europa League. “The Reds” ia kanë dalë të fitojnë në transfertë kundër Burnley me rezultatin 0-3 dhe tashmë kanë parakaluar në renditje skuadrën e Leicester dhe me golaverazh qëndrojnë në vendin e katërt që të çon në Champions.
SHIKO KËTU GOLAT E BURNLEY-LIVERPOOL
Skuadra e Jurgen Klopp e zhbllokoi ndeshjen në fundin e pjesës së parë me anë të sulmuesi Robert Firmino dhe Liverpool shkoi i qetë në dhomat e zhveshjes. Për të realizuar golin e qetësisë mendoi mbrojtësi Nathaniel Philips.
Festa nuk kishte mbaruar ende, pasi emrin te protagonistët mendoi ta shënonte edhe Oxlade-Chamberlein, me golin e tretë që ka shumë vlera për renditjen në këto momente. 3-0 dhe Liverpool merr tre pikë të arta dhe tani mendon të mposhtë edhe Crystal Palace në “Anfield.
ÇEKIÇËT – West Ham United mori një fitore me shumë vlera kundër West Brom në transfertë, me rezultatin 1-3. Londinezët nuk e nisën mirë, pasi Declan Rice nuk shënoi dot në minutën e tretë me penallti.
SHIKO KËTU GOLAT E WEST BROM-WEST HAM
Për të mos mjaftuar kjo, Pereira i skuadrës vendase realizoi golin e epërsisë. Gjithsesi Soucek barazoi në shtesën e pjesës së parë. Ogbonna në fund ia doli të shënonte golin e epërsisë për West Ham, kurse Michail Antonio i vuri vulën dhe tani londinezët kanë nevojë për një pikë në ndeshjen ndaj Southampton për të luajtur në Europa League. /abcnews.al
