Loading ...
Pak ditë më parë pësoi një turpërim të vërtetë. Liverpuli nuk ishte sërish vetvetja në Premier Ligë, ku po mbetet gjithnjë e më prapa favoritëve Arsenal e Mançester Siti, por ndoshta ashtu si Reali, mund ta gjejë veten në Champions.
Për fat, ndeshja e radhës nuk ishte shumë e vështirë dhe një skuadër me potencial aspak të vogël diti ta shfrytëzojë. Të kuqtë shkatërruan skuadrën austriake, LASK të Lincit, edhe pse luajtën jashtë fushe, dhe rezultati 6-3 flet vetë.
Lojtari më I mirë I anglezëve ishte sulmuesi francez, Bradlei Barkola, autor i tre golave. I marrë këtë verë nga Paris SG për plot 125 milionë euro, ai po e tregon veten dhe realizoi në minutat 24, 37 e 66.
Ishte mbrojtësi Ronald Arauho, i marrë nga Barcelona, që kaloi të kuqtë në epërsi, dhe ata arritën avantazhin 3-0 që në pjesën e parë. Pas pushimit, Frimpong, Barkola dhe Kumas e ngjitën rezultatin në 6-1, ndërsa në fund austriakët shënuan dy gola të tjerë nderi.
Liverpuli e ka nisur shumë mirë këtë sezon në Champions, me dy fitore, të patën 2-1 ndaj Atletikos së Madridit në “Anfild”, ndonëse në Premier Ligën angleze, trajneri i ri Iraola nuk po gjen dot formulën e duhur./abcnews.al
