Loading ...
Moment magjik për Manchester City, që siguroi një tjetër triumf në transfertë pas atij të arritur ndaj PSG në gjysmëfinalen e parë të Champions League. Djemtë e Pep Guardiolës mposhtën 0-2 Crystal Palace dhe janë një fitore larg titullit kampion.
Do ishte i shtati në histori, dhe mund të vijë që nesër nëse Manchester United humbet derbin e Anglisë kundër Liverpool. Trajneri spanjoll i “Cityzens” foli për mediat pas ndeshjes së sotme, duke vlerësuar djemtë, sidomos El Kun Agueron, i cili zhbllokoi takimin me golin e tij.
“Është gjithmonë e vështirë të luash pas Champions League, por djemtë u treguan të jashtëzakonshëm. Aguero është një lojtar fantastik dhe jam i lumtur që u rikthye. Do i shijojmë në maksimum ndeshjet e fundit me të.
Manchester United-Liverpool? Do e hedhim një vështrim nga ndeshja, por do të jemi të përqendruar në maksimum për duelin e kthimit ndaj PSG-së“, deklaroi Pep Guardiola. /abcnews.al
