Keylor Navas fitoi tre herë Champions League me Real Madrid, duke bërë historinë e klubit dhe futbollit europian, por ai e pati shumë të vështirë të fitojë besimin e tifozëve dhe analistëve, që gjithmonë mendonin se Real Madrid duhet të blejë një portier të nivelit botëror.
Ai kaloi te PSG para dy vitesh dhe po bën shumë mirë në Paris, ku është portier i parë dhe nuk zhgënjen aspak me paraqitjet e tij. Mjafton të kujtojmë ndeshjen e dytë me Barcelonën në Champions League.
Dje ai ka dhënë një intervistë për mediet spanjolle dhe tregon mirënjohje për shokët te Real Madrid, klubin dhe Zidane, por thumbon kur shprehet se Zoti e udhëzoi të largohej nga Los Blancos.
“Ishte një periudhë e ndërlikuar dhe ka raste kur duhet të marrësh vendime të rëndësishme. Kam një mirënjohje të thellë për Real Madrid dhe të gjithë shokët e ekipit.
Sigurisht edhe ndaj Zidane, me të cilin fituam gjithçka. Kemi bërë histori bashkë dhe kjo nuk mund të anulohet. Por ka gjëra që ne nuk i kontrollojmë dot. Zoti më udhëzoi drejt lamtumirës nga Real Madrid”, tregon Navas. /abcnews.al
