Bashkimi Europian ka shprehur shqetësimin për aktivitetin e forcave ushtarake ruse pranë kufirit me Ukrainën.
Josep Borrell, shefi i punëve të jashtme të BE-së, gjithashtu shprehu mbështetje të pazëvendësueshme për Kiev pas një bisede telefonike me ministrin e jashtëm të Ukrainës Dmytro Kuleba.
“Ne po ndjekim me shqetësim dhe me shumë kujdes aktivitetin ushtarak rus përreth Ukrainës,” shkroi Borrell në Twitter të dielën.
” BE mbështet sovranitetin dhe integritetin territorial të Ukrainës,” shtoi ai.
Borrell tha se ai do të bisedojë me Kuleba dhe 27 ministrat e jashtëm të BE-së në një takim të ardhshëm në prill. Udhëheqës të tjerë perëndimorë, përfshirë Presidentin e ardhshëm të SHBA-së Joe Biden, kanë shprehur mbështetjen ndaj Ukrainës.
Konflikti në Ukrainën lindore ka lënë të vdekur më shumë se 13,000 persona që nga viti 2014, sipas Kombeve të Bashkuara./abcnews.al
