Loading ...
Ditën e sotme u përfol se aktorja, Adriana Matoshi, njëherësh deputete në radhët e VV-së ka marrë pjesë në seancën parlamentare ndërkohë që është e infektuar me koronavirus. Por i menjëherëshëm ka qenë reagimi i saj, e cila ka publikuar rezultatin e testit në rrjete sociale.
Në Instagram ajo shkruan se “doktorët thonë se jam e sëmurë pasi vuaj nga realiteti”. “Është e turpshme dhe e paprecedentë lufta dhe përpjekjet e disa qarqeve për të dëmtuar procesin e formimit të institucioneve të Kosovës, qoftë edhe me spekulimet mbi gjendjen shëndetësore timen.
Nuk është hera e parë që më sulmojnë, por gjithashtu nuk do të jetë hera e parë që mundohen të më nënshtrojnë. Ja, urdhëroni e shikoni, vlerësoni dhe dëshpërohuni nga rezultati i testit tim.”, është shprehur Adriana Matoshi. /abcnews.al
