Shumë zëra nga merkato rreth spanjollëve të Real Madrid. Zinedine Zidane vazhdon të ngacmohet në çdo konferencë për rikthimin e Cristiano Ronaldos, ndërkohë që pas kualifikimit në çerekfinale të Champions League ai theksoi se “bomberi” i tij është Karim Benzema.
Francezit nuk i pëlqen të flasë për lojtarë të skuadrave të tjera. Nga ana tjetër ai pret lajme të mira nga klubi në lidhje me rinovimet e kontratave me titullarë të rëndësishëm. El Chiringuito raporton se ka të reja në lidhje me Luka Modric dhe Sergio Ramos, si dhe për Erling Haaland.
“Ramos do të informojë Realin nëse do të qëndrojë ose do të largohet në ditët në vijim. Modric thënë po për rinovimin e kontratës edhe për një vit, me 10 për qind ulje të pagës. Haaland? Ai ka një dëshirë të çmendur për t’u transferuar te Real Madrid”, është shprehur gazetari Josep Pedrerol. /abcnews.al
